عايز معاق او سمسار للمعاقين

**kimo911** · 19-12-2010 03:06 AM

الامور التنظيمية اللى وضعها اولى الامر والجمارك الخرافية اللى 90% منها بيدخل صنادييق خاصة بحرامية وزارات المالية والداخلية ومصلحة الجمارك والموانىء وغيرها ... كل الخرافات دى اتسببت فى ان 95 % من العربيات اللى ماشية فى الشوارع لا تصلح للركوب وخطر على قائديها وخطر على المشاة وسبب رئيسى فى كتر حوادث المرور ف مصر لانها موديلات من 30 و 40 سنة ولسة بنبيع ونشترى فيها وباسعار عالمية ...

**gomgoma22** · 19-12-2010 07:08 PM

بص يا باشا باختصار
اشتري دماغك من الموضوع ده و دور كويس و ان شاء الله هتلاقي عربيه نضيفه في مصر مستعمله و كفايه راحة البال و البعد عن وجع الدماغ

**zakihacker** · 21-12-2010 02:08 PM

ماتقلقش اتكل على الله وجيب العربيه ومش هتعرف تركبها لان الصلح مع الجمارك اتلغى واتمدت لغايه 5 سنين من تاريح الشراء

**yaserbasha2000** · 21-12-2010 04:09 PM

خلاصه الكلام في الموضوع ده ان تمن العربيه بيساوي تمنها في السوق هنا و ساعات اكتر انت بتكسب حاله العربيه بس وبتخسر قصاد كده وقت كتير بيضيع و اشكال بشر و اجراءات غريبه بتتعامل معاها و حرقه اعصاب و توتر وانت سايق العربيه لانك متوقع دايما ان اي لجنه هتوقفك طول ال3 سنين

رأي ريح بالك من الموضوع ده

كمان حد قال انك ممكن تركب اوكتافيا 2004 ب 60 الف اظن ده قليل جدا لو يقصد اجمالي تمن العربيه بعد فك الحظر اغلب العربيات هناك بالسعر ده هتكون اخرها 2000