السلام عليكم وكل سنة و أنتوا طيبين بمناسبة المولد النبوي
وعيد الأم بكرة .... فا كنت بقول ... اللي يقدر يحكلنا بسرعة كدة شوية عن والدته .... أي موقف .... أي كلمة قالتهالوا ... و أكتر حاجة بتحبها عشانها
عرض للطباعة
السلام عليكم وكل سنة و أنتوا طيبين بمناسبة المولد النبوي
وعيد الأم بكرة .... فا كنت بقول ... اللي يقدر يحكلنا بسرعة كدة شوية عن والدته .... أي موقف .... أي كلمة قالتهالوا ... و أكتر حاجة بتحبها عشانها
و أنا هبتدي بنفسي ....
أنا يكفي أني أقول أن والدتي شيلاني أنا و أختي من و أنا في رابعة أبتدائي و الحمد لله أختي خريجة هندسة مدني القاهرة و أنا 3 ميكانيكا قوي هندسة شبرا .... و ده حاجة كافية مع كتر اللي عملته عشانا .....
ها يا رجالة ....
بكرة عيد الأم لو مش عارفين
:d:d
كل سسسسنه وكل اااااااااام وكل ااااااااااااااب بالف خيررررررر وبصحه وسسسعاده وربنا يطول لنا فى عمر امهاتنا ويحفظهم جميعااااااا ويغفر لهم ويكتب لهم الجنه اااااامين
وان يجعلنا باااارين بالوالدين
وكمااااااان اااااااسال الله ان يرحم كل ام او اب متوفى وانه يسكنه فسيح الجنات ويغفر لهم ذنوبهم
بس فيه حاجه بتضايقنى فى يوم عيد الام
وهو واحنا بنحتفل بامهاتنا وبنجيب هدايا وبنفرح ونفرحهم فيه ناس فقدوا امهاتهم او ايتام بيكون اليوم ده بالنسبه ليهم حزين جدا دائما فى يوم عيد الام بتذكر لما كنت فى المدرسه وفى حفله عيد الام كان فيه بنات كثير بتبكى لان معندهمش ام على قيد الحياه
فياريت يكون كل يوم فى حياتنا بالنسبه لتعاملنا مع امهاتنا عيد ولا نكثف الاحتفال والاهتمام بيهم فى يوم واحد فى السنه بس
وعن نفسى انا لو اقبل قدم امى ليل ونهار مستحيل يكفيها واقفتها معايا وجمبى من وانا صغيره لحد ما تخرجت واشتغلت وهى لسا بتدعمنى وبتقف معايا وبتساعدنى كثير
ربنا يحفظها ليا ويجعلنى باره بها يااااااااا رب امين
وكل سنه وكل ام طيبه
[QUOTE=دموع الثلج;197943][CENTER]ربنا يطول لنا فى عمر امهاتنا ويحفظهم جميعااااااا ويغفر لهم ويكتب لهم الجنه اااااامين
وان يجعلنا باااارين بالوالدين
وكمااااااان اااااااسال الله ان يرحم كل ام او اب متوفى وانه يسكنه فسيح الجنات ويغفر لهم ذنوبهم
QUOTE]
ااامين
و ربنا يقدرنا و نسعدهم دائما ان شاء الله
الله علي المقال الجميل دة تسلم ايدك يا زعيم. فعلا انت حطيت ايدك علي الوتر الحساس بس جة في وقتة. انا شخصيا عمري ما هانسي وانا في ابتدائي حصلت لي حادثة اصبت في ساقي اليسري ودخلت المستشفي وفضلت فترة كبيرة في الجبس وما كنش فية حد شايلني وواقف جنبي ومراعيني اد امي " ربنا يطول لي في عمرها ويقدرني واوفي لها بعض من جمايلها عليا...
اللهم اكرم امهاتنا وامهات المسلمين في كل مكان..
لا تنسوا يا اخوان ان ندعو لامهات الشباب المجاهدين في فلسطين الذين فقدوا اولادهم جراء القصف الاسرئيلي الحقير. ندعوا لهم بان الله يمنحهم الصبر والثبات وان يورثهم الجنة...آمين آمين
أمي الله يرحمها ما كانتش ام لأولادها فقط بل كانت ام لمئات بل وآلاف من تلميذها علي مدي اكتر من 25 سنة لأنها كانت مدرسة انجليزي وناظرة مدرسة فيما بعد وتوفيت منذ 14 سنة
ومن حوالي 6 او 7 سنين والدي لقي واحدة ست بتخبط علي البيت ودار بينهم هذا الحوار :
- سلام عليكم
- عليكم السلام ورحمة الله وبركاته ..
- لو سمحت ابله الناظرة موجودة
- لأ يا بنتي دي توفيت من 7 سنين تقريبا
- ( بعد وصلة حزينة من بكاء وترحم ودعاء ) اصل كان ليها امانه عندي
- امانة اية
- هي كانت بتديني درس وانا في المدرسة من حوالي 25 سنة مع بنات زمايلي وكنت بادي الفلوس لبنت زميلتي كانت هي بتلم الفلوس مننا عشان تديها للأبله .. ومن اسبوع تقريبا كنت بازور بيت العيلة وبالصدفة قابلت واحدة جارتي وزميلتي من ايام الدراسة كانت هي كمان بتزور بيت امها في نفس اليوم وقعدنا نفتكر ايام زمان وفوجئت بيها بتقوللي .. فاكره لما كنتي بتدي فلوس درس الانجليزي لفلانة زميلتنا عشان هي تديها للميس وكانت هي بتاخد الفلوس تصرفها وما تديش حاجة للميس .... واستمر الحال طول السنة وقعدت تضحك وتقوللي ده انتي كنتي عبيطة وساذجة بشكل ...... وانا والله لسه عارفة الموضوع دة من جارتي دي ... وهي الله يرحمها حتي ما سألتنيش عن الفلوس وفضلت تديني الدرس طول السنة ........ وانا كنت جاية وعاوزه اديها الفلوس بتاعتها
- كتر خيرك يا بنتي .. هي فعلا كانت لما البنات مش بيدوها فلوس ما بتطلبش منهم وبتقول اكيد ظروفهم المادية صعبة وبتعتبر الفلوس دي صدقه او شيء من هذا القبيل .. وهي يا بنتي اكيد كانت بتبقي مسامحه فيهم ... كفاية انك تدعيلها
ياااااااااااااااااااااااا ااااااااااااااه
شوفتم المدرسين كانو شكلهم ايه زمان
الله يرحمها ويرحم امهاتنا جميعا .. الاحياء والاموات