حد يعرف يا جماعة الرسيفر اللي بيتوصل بالنت - عايز اشترك اشترك مع مين؟

**yasso0101** · 02-10-2010 05:35 PM

السلام عليكم

نخش في الموضوع

ناوي انشاء الله اشتري الرسيفر اللي بيتوصل بالنت و يفتح كل القنوات الرياضية وانا اعرف ان في مبلغ شهري بيدفع زي اشتراك - بس ناس كتير بتقولي اني لازم اتاكد في ذمة الشخص اللي هيركبلي و هشترك معاه علشان عمليات النصب كتيره جدا في الموضوع ده

فياريت لو حد مركب في بيته ويعرف حد يتعامل معاه يقولي - او يبعتلي على الخاص - او يكلمني 0117303633

او لو مش عارف حاجه صلي على النبي علشان تاخد ثواب على الماشي اللهم صل على محمد وعلى آله وصحبه أجمعين

**Soma_Sooma** · 02-10-2010 05:39 PM

علية افضل الصلاة و السلام

احنا عندنا فى البيت

بس بصراحة بتيجى فترات الأرسال يفصل

يعنى القنوات بترجع مشفرة تانى

ونضطر كل شوية نكلم الولد ويغير باس وورد وشغلانة

وعلى بال بقى ما يفضى ويجيلك يظبتلك الدنيا

لو عايز نمرتة ممكن ابعتهالك

بس بصراحة كلهم بنفس النظام دة كدة

**midomizo** · 02-10-2010 05:47 PM

الصراحة كنت عاملة على رسيفر دريم بوكس لحد ما كارت اللان الفية اتحرق رحت اغيرة حرقولى المكان البيركب فيه عشان المفروض يركب بكاوية لحام هوت اير وهما كانو بيركبوها بكاوية عادية

الصراحة انا كنت كل المحتاجة رقم يوزر وباس سرفر سريع وبس وفعلا اشتركت مع ناس على النت بمنتدى مشهور هبعتلك اسمة وكنت بدفع بكروت الشحن

هو الصراحة كان فى ناس بيحصل معاهم مشاكل لمخالفة قوانين الاشتراك يعنى مثلا استخدمو بيانات السرفر على اكتر من جهاز

بس انت ممكن تجرب تشترك معاه ولو معجبكش ممكن تشترك تانى الفترة البعدها مع حد تانى بس انا الصراحة اشتركت حوالى 9 شهور والكارت كان محروق ومشتركتش تانى

**amohsen** · 02-10-2010 05:48 PM

اللهم صلي وسلم على سيدنا محمد ..

خلي بالك عشان الموضوع ده في حرمانية لأنك بتاخد حاجة مش من حقك غيرك دافع فيها فلوس

..

**aly_hosny** · 02-10-2010 07:20 PM

في رسيفرات بتفتح لوحدها زي الكيوماكس
وفي الشيرينج بتاع عرب سيد حلو جدا ومبيقطعش
كيفيه الاشتراك بسيرفر عرب سيد للقنوات المشفره - ..::ArabSeed::..

**hazemhassan** · 02-10-2010 09:20 PM

وفى
محلات فى باب اللوق عندهم بردو سيرفرات

**korkor** · 02-10-2010 10:14 PM

طيب لو ناوى متجرب الرسيفر الفضائى ( الدنجل ) بييجى معاه اشتراك سنتين ولا نت وفت ولا وجع دماغ لو مصمم على النت فى رسيفر الجوكر ده بيجى معاه اشتراك مجانى سنه وتمنه حوالى 500 جنيه شامل الاشتراك فى موضوع فى المنتدى هنا معمول فى المواضيع دى بس ايه حكايه يعتبر مرجع والاخ اللى كان قائد الردود الاستاذ محمد فوزى بس هو مقل فى الدخول اليومين دول .
http://www.nilemotors.net/Nile/146671-a.html
http://www.nilemotors.net/Nile/120470-sharing.html

**medo_2060** · 03-10-2010 12:00 AM

تمام زى ما قلك الاخ korkor الدنجل افضل ومش هتدفع الاشتراك 100 جنيه كل 3 شهور وبعد كدا بتغير الدنجل وسعره قليل.. يعنى الموضوع اوفر كتير ونفس الخدمه هتاخدها

**M.Yahia** · 03-10-2010 12:11 AM

الصراحة موضوع الرسيفر دا كويس احنا عندنا واحد prifix مش عارف موديل كام بصراحة انما بوصلة نت سريع 512 او 1 mega
حيشتغل معاك زى الفل و بيفتح art و orbit و showtime تمام قوى و كل ما سرعة النت تعلى كل اما يبقى احسن و اسرع بس
انا عندى 1 mega مشغله تمااااام و الجهاز مش غالى كنت جبته ب650 جنيه و طبعا فكر و استشير و بعدين قرر