كنت فى اشارة جسر السويس وفجاة ببص يمينى الاقى اتنين بيشربو سجاير بس فى كوباية انا استغربت الصراحة :eee: وزهلت من الموقف وقدام ضابط المرور وعادى جدا:11: لو حد مكانى كان ممكن يعمل اية :B4_033:
انا مقدرتش اتكلم لان والدى كان قاعد جنبى ومكنش ينفع خالص اعمل مشاكل لية بس سكت
لو اى حد مكانى ممكن يعمل اية؟؟؟:B4_611:
مش هاتكلم
علشان انا عارف انى هادخل فى مشاكل مالهاش اى لازمة
وممكن تتقلب عليا فى الاخر
ولا هعمل حاجة لان زى مابتقول معدى من قدام ظابط وعادى
لانك لو عملت اى حاجة هتبقى غلطان فى نظر القانون
هبص شمالى
ولا كأني شايف حاجة
قدام ظابط دى معلش كبيرة شوية ممكن امين شرطة ماشى
انا بقا هقول مسا مسا والكوباية دى حضرتك اسمها خبور
سكتم بكتوم
انا ممكن احاول المح للظابط باي حاجه المهم موقعش نفسي في مشاكل
ده في الأول وفي الأخر منكر ومن راي منكم فليغيره
هصبح عليه ;)
حصلت معايا بس كانو واقفين تحت بيتنا وقاعدين علي عربيت والدي فبابا بيقولي تعالي خلي الشباب دول ينزلو من عالعربية. فوقف دقيقة كدة بابا بيقولي فيه ايه؟؟؟؟؟؟ قولتله الرجالة ده بتعمل دماغ قالي يعني ايه؟؟؟؟؟؟ قولتله يعني عربيتك ياحج دخلت التارييييييييييييخ وبيلفو وبيحششو عليها. لقيت بابا سكت كدة وقالي يانهار ابوهم مش فايت كدة عيني عينك وعز الدهر وفي نص الشارع. قالي طب خلاص ملكش دعوة بيهم شوية وهيمشو قولتله لالالالالالالالالالالا والله ماتيجي انتا ندهدلي وانا راشق فالحوار.
قمت قولت بصوت عالي: ياشباااااااااااااااب لقيتهم بيلفو حولين بعض بيشوفو الصوت جاي منين. قولتلهم فوق يامعلم اهو. بيقولي نعم. قولت : صباح الفل عليكو يارجالة.
ردو: صباح القشطة ياكبير (عاملين دماغ بوابين). نعم
قولت: الليلة ده مش هنا بعد اذنكو عشان الحكومة رايحة جاية هنا كتير (جنبا فيلا شخصية قيادية).
ردو: تحت امرك ياكابتن ونردهالك فالافراح.
في موقفك في عربيتهم ده كدة محترمين جدا.
اكيد لو انا مكانك كنت هعمل اى حاجة
(من رأى منكم منكرا فليغيرة )
مهو سوكاتنا دةوسلبيتنا دى اللى جايبانا ورا
هاقولوه اللى يشرب لوحده يشرق انا بضحك طبعا هههههههههههههههههههههههه
خد بالك هما اكيد مش فى وعيهم يعنى كانوا بيشربوا من فتره يعنى راجعين من فرح مثلا وبيكملوا فى العربيه وبالتالى مافيش وعى بالمكان
انا عن نفسى لو كنت مكانك كنت هاعمل اى حاجه ملفته للنظر لان حرام ممكن يخبطوا واحد واقف على المحطه يكون اب راجع تعبان من شغله او واحد بعربيه يخيشوا فيه ذنبه ايه هو كمان
ربنا يرحمنا برحمته
فيه بروتوكول للتعامل فى هذه الظروف
1- تبتسم مع الايماء و السلام باليد لاعلى
2- اثناء الابتسامه تبعث بالسلام و ميت مسا و صباح المزاج
3- استفسار عن نوع المزاج
4- يدعونك للمشاركه و طبعا تتعلل انك مشغول او كيفك معاك
هاروح اشرب معاهم طبعا
أنا انا حصلت كنت راكب ميكروبس وبطلت أركب الخط ده تاني
وعندنا تحت البيت كل يومين عيال وأوقات couples بيضربوا حقن في العربيه ونصيبهم بيبقى يا شفشق ميه من الدور التالت ويا سلام لو الشباك مفتوح!!!
أو لو معدي تحت أقولهم جاين هنا لمين للواء محمد الي ساكن هنا ولا مين :policeman:
ههههههههههه عادى ياريس
تعالى اتمشى على البحر عندنا بعد 2 باليل صباح الدماغ العاليه ياريس
حتعمل ايه دى سياسه يا معلم
اقتباس:
المشاركة الأصلية كتبت بواسطة soma_sooma
كنتي هتعملي ايه ياسوما؟؟؟؟؟؟؟؟:049:
لو واحد بيضرب بانجو و خبطلك عربيتك بقا و المقايسة جت 14 الف جنيه تعمل ايه :))
الاخ اللي بيضرب هيقولك هدفعهملك طبعا بس تحب تاخدهم انفاس ولا باكاااااااااااااااااااااا ت:mad2:اقتباس:
المشاركة الأصلية كتبت بواسطة M.almaghraby
انا مقطنع بنقطة من راى منكم منكرا فليغيرة
بس المشكلة ان المنظر دة بيتكرر كتير فى الشارع
بس الغريبة المرادى انى اشوفة فى اشارة والضابط كان بياخد واحدة مخالفة وكانت رايحة تراضية بقرشين عشان كدة مخدتش بال من التنين البيشربو دول واكيد دة نفس الموقف الهيتم اتباعة مع الناس دول وهطلع انا الغلطان
وقبلها علطول كان عند اشارة الانفتريون واحد معاه بى ام وقف قدامنا وبعدين اعد يحرق وراح مدرفت قدام اتنين عساكر وداخل شمال
التنين العساكر كل العملوه وقفو الاشارة من جميع الاتجهات ووقفو يتفرجو علية وهو بيجرى حتا محدش منهم فكر ياخد رقمة
وبعدين عايز اعرف الفامية مخالف ولا مش مخالف
الغريب انى بقرا فى المنتدى هنا انة مخالف وانزل الشارع الاقى نص عربيات البلد مفيمة :)
النهارده لسه جاي من الشغل وورايا افيو سودا ونمر سودا قديمه وسرينه وزينون وعمال مشغل السرينه كانه عربية اسعاف ومشغل الرعاش يعني وسع يابني ادم انت وهو
كان نفسي ييجي ورايا ويعمل الحركه دي عشان البسه اسود
بجد حاده تنرفز علي الصبح
واللي قفلني اكتر قبل كبري 15 مايو علي طول عند جرين بلاز واحد معاه سيراتو داخل من الجنب وانا كنت داخل شادد قمت مهدي شويه ومديله نور عشان يفهم قام مفرمل انا كمان فرملت وطبعا العربيه بقت عماله تسرخ عشان مفيش abs
وطبعا بعد مادخت علي ركنه وطالع الشغل الكهربا قطعت والأسانسير اتهبد بيا وحسيت اني قاعد في قبر ومكنش رادي يفتح
حصل معايا الموضوع ده على طريق مصر الاسكندرية ، كانت عربية فيكترا سودا (يا رب يكون صاحبها مش من المنتدى) كان ماشى بيطوح على الطريق المهم عديتة وببصله عشان اسمعه كلمتين لقت نفس المنظر هو وواحد صاحبه ماسكين الكباية وشغالين ، المهم جريت وسبقته بشوية وربنا اكرمنى ولاقيت لجنة رادار بعد كام كيلو ، وقفت وحكيت للظابط الموضوع واديته رقم العربية ومواصافتها ، قالى شكرا واحنا هنعمل اللازم .
واحد كان جنمبي بفرنا بيعمل كده وقعد يزنق على الناس جه يزنق عليه عشان يطلع قدامي (قمت جايب أخر الدواسة على الأول وما أدراك باللينيا في الغشوميه) نطيت وقفلتهاله بصلي قمت فاتح الإزاز وقلتله عشان تتعلم تبقى محترم (بجديه وقمت مزنق عليه بحيث إني أشوف نمرته في مرايتي وعملت إني كتبتها) فضل ماشي محترم بقيت الطريقاقتباس:
المشاركة الأصلية كتبت بواسطة shaddadfalcon1
زى ما بعمل كل مره
هامشى وخلاص
انا بجد كنت عايز اصوره او اغتت عليه بس للاسف الطريق كان زحمهاقتباس:
المشاركة الأصلية كتبت بواسطة yoko
هو جه قصادي وعايز ياخد غرزه من قدامي عشان قدامه ميكروباص قمت قافلهه عليه
اصلها حاجه مستفزه
يحسسسك انه ابن الباشا اللي ماشي وسط الفلاحين اللي بيزرعو لوالده الأرض