بيجو405 موديل 2004 70الف كيلو
اعتقد دي التقفيا المصري
كنت عاوز اعرف رنج السعر
ولو اي حد عندة بيجو 405 معروضة للبيع يقولي
مش مهم لو زيادة في الفلوس المهم تكون الحالة كويسة
مش كل شوية ميكانيكي:36_1_40[1]:
عرض للطباعة
بيجو405 موديل 2004 70الف كيلو
اعتقد دي التقفيا المصري
كنت عاوز اعرف رنج السعر
ولو اي حد عندة بيجو 405 معروضة للبيع يقولي
مش مهم لو زيادة في الفلوس المهم تكون الحالة كويسة
مش كل شوية ميكانيكي:36_1_40[1]:
انا معايا 405 روا منذ ثلاثة شهور فقط موديل 2007 وعاملة 52000 كيلو متر جبتها ب 53000 جنيه . تليفون 0106049242 أحمد قطب
واحد زميلي في الشغل معاه 405 موديل 1990 .. وعلى كلامة (أنا مشفتهاش) العربية بحالة شاذة وممتازة .. راشه بره فقط واللون أبيض .. وكان بيتكلم في 43 .. واعتقد السعر قابل للتفاوض .. لو عند حضرتك رغبة التواصل على الخاص .
سيدي الفاضل .. أولاً أنا مش تاجر .. ثانياً العربية مش بتاعتي فعلاً وحنزلها بكرة أو بعده بالكتير أعلان في المنتدى وححط موبايل صاحب العربية للتفاوض معه .. ثالثاً العربية مش موديل فقط ، أي عربية معروضه للبيع بيتحدد سعرها على أساس الموديل وعلى أساس الحالة (وحط تحت كلمة الحالة دي مليون خط) .. يا فرحتي لما أشتري عربية موديل عالي وهي حالتها زي الزفت ومتهانة .. ولو دخلت على كونتاكت كار حتلاقي عربيات نفس الموديل أو مقاربه ليه في سعر مقارب .. وأخيراً أنا في مداخلتي كلامي موجه لصاحب الموضوع وبوضح ليه أن السعر قابل للتفاوض والعهدة على الراوي (صاحب العربية) .. لو قصد حضرتك النصح لصاحب الموضوع ممكن تقوله على الخاص . علشان مفهمش كلامك غلط .
على العموم مش دي القضية .. القضية أني كنت متوقع لو السعر معجبش حضرتك (ومعتقدتش أنك حتشتري) أنك تعمل مداخلة وتقول فيها "ربنا يحسن بيعها" أو متردش خالص .. وفي النهاية تقبل تحياتي .
الهدوء
نحن نتحاور ونتشاور ونتبادل الاراء
ونتبادل الخبرات
بصو ا يا جماعة فيه شخص عايز يشترى وبيسال على سعر يعنى هو زى كده خبرته صغيرة وبييتعين باعضاء المنتدى ودى بتكون امانة يعنى حضرتك بتعرض عليه عربية بسعر معين فالاخ الكريم بيرد ان السعر عالى دى امانة لان فيه رنج للاسعار فى السوق حسب حالة العربية فهو بيتكلم فى رنج اسعار مع الاحترام لعربة صديقك حصل خير
مفيش حاجة يا باشا .. انا هادي ومقصدش الإساءة لأي عضو في المنتدى .
كلنا هنا أخوة في المنتدى ويهمنا الصالح العام لأي فرد فيه .. ورغم أني مش محتاج أحلف .. بس أقسم بالله أنا بقول الكلام اللي سمعته من صاحب العربية بالحرف وماليش أي صالح نهائياً .. من غير حتى ما أشوف حالة العربية أيه .. وبعد ما الأخ تكرم ووضح أن سعرها أقل .. دخلت على كونتاكت كار وشفت رنجات الأسعار .. ولاقيت فعلاً أسعار زي ما بيقول .. ولاقيت كمان أسعار أغلى ومقاربة للسعر اللي أنا قولته ولنفس الموديل .. بس حبيت أوضح ليه أن شراء العربيات بجانب موديلها بيعتمد برضه على حالة العربية .. ولا أنا غلطان في النقطة دي .. والفيصل الوحيد في تحديد السعر هو المعاينة العملية مش من خلال صور فقط .
منكرش أني حسيت أن اللهجة فيها شيء من التهكم وأني ليا مصلحة وبغالي في السعر ...إلخ .
بس برضة اعتقد أني كلامي مكنش فيه غلط في حد .. بالرغم من أنه فيه شيء من الحدة .. وعلى العموم أعتبروا مداخلتي كأنها لم تكن .