الموضوع: نزلت التوكيل اتفرجت علي جين 2 2010 النهاردة وليا شوية ملاحظات

انا عارف يا إخوانا ان اي حد بيحب عربيته مابيحبش حد يقول عليها الهوا ومقدر الموضوع ده
بس اي حد بيخش علي مرحلة جديدة بيبقي قلقان ونفسه انه يدفع Best Value For Money
ومعظمنا كان عنده المشكلة دي
وانا اساسا من اشد المعجبين بالعربية
بس في نفس الوقت قلقان وده طبيعي زي اللي داخل امتحان او زي اللي هايحط فلوسة في البورصة وياعالم هايكسب ولا يخسر
بس لما الواحد بيتكل علي ربنا ربنا مش بيديله حاجة وحشة
وانا قولت اسألكم عن موضوع الزراير ده وتوقعت ان الناس تقولي ده كان انطباعي الاول عنها وبعدين لقيتها بتأدي مهمتها علي اكمل وجه
او حد يقولي بقالها 3 سنين معايا ومقشرتش ولا جرالها حاجة
ازداد اطمئنانا
لاني مش بصدق التجار كله عايز يبيع ويقولك زي الفل
انما اكيد طبعا هصدق المستهلكين اللي هما حضراتكم
فمحدش ياخد الموضوع بـقـفش ولا اني بسخر من العربية لأني ان شاء الله هكون واحد من البروتوناوية قريبا
واكيد الواحد طالما اتطمن من الاساسيات التي لا خلاف عليها زي العفشة والموتور والثبات والكماليات الكتير
يبقي هايقل القلق منه بص طبعا الواقع بيصدم لما شوفت الزراير بالشكل ده بصراحة قلقت
لاني بشوف الصور من علي الجوجل كلها بتبقي جين 2 مواصفات اوروبية وصور التابلوه وهم
انما لما نزلت لأرض الواقع اللي هو التوكيل وشوفت التابلوه والزراير قلقت
لان كل يوم تقريبا بركب الكورلا مع والدي واساسا انا بقنعه بصعوبة بالعربية الجين 2
فهو اكيد مستغرب من الماركة ومن الماليزي لأنه جديد عليه وحاطط ال standard بتاعة الكورولا الهاي لاين بتاعته من حيث التقفيل والكماليات والثبات مع اختلاف الفارق الكبيييييييييييير في السعر التويوتا الهاي لاين ب 159 الف
فبالكماليات اقتنع الحمد لله والموتور 1600 يعطي 110 حصان قال كويس برضو والجري وشافناها بتجري كتير قدامنا
انا اصلا متعلق بالعربية والله وبحبها جدا كشكل انما عمري ماسوقتها
ودي ان شاء الله هاتبقي اول عربية زيرو ليا في حياتي
كنت بركب مستعمل بتاعي او عربيات صحابي واقاربي او سيارة والدي
وبجد عايز اعرف منكم كام حاجة كده
علشان البروشور مش عليه تاريخ
هل EBD اتشال
وهل الجين 2 القديمة كانت بتشغل اسطوانات اوديو فقط
وماخاب من استشار وماضل من استخار
ولا انتوا ايه رأيكم

المشاركة الأصلية كتبت بواسطة m.almaghraby

هههههههههههههههههههههههه ليه الاحباط دا بس يا دكترة انا معاك ان العضو الكريم بالغ شويتين فتعبيره مش عارف ليه بس عامة لو انتا فعلا مش مرتاح للعربية فكر فبديل تاني اريحلك ,,,, اما عن موضوع الزراير انا مش ملاحظ كدا الحقيقة !!! و العربية بقالها سنتين اهي و كله شغال !

مش برضو جايز ان موضوع الزراير ده في الموديل بتاع 2010 اللي شوفته
انا معايا فيديو بتاع user guide
وزرار المرايات كان في النص
انما العربية بتاعة 2010 كان زرار المرايات في الباب

المشاركة الأصلية كتبت بواسطة Tarek Gen 2

الراجل مبالغش ولا حاجة
الزراير اللى فى جمب العربية فعلا رخيصة موت و شكلها وحش موت و خامتها فقيرة جدا و شبه لعبة الفانوس بس بتأدى غرضها و بتعيش مش هتعيش ليه !!
و المرايا اللى فى النص قوية موت اللى ركبتها فيها مشكلة بس
و الزراير اللى فى التابلوه شكلها سيئ فعلا بس بتعيش رغم ان نظامها اللى من غير سوستة و لا تكة ده انتهى منذ عصور بس الزراير بتعيش و مفيش فيها مشاكل ان شاء الله

و الدركسيون فعلا واطى انت يمكن قصير عنى انا بقى بيحك فى رجلى و السقف مش واطى خالصصصصصصص انا اطول منك كتير و ده مش عاملى ازمة

المجمل ان العربية لو ركزت فيها فا فيها حاجات مش هتعجبك اكتر بس مش عيوب جوهرية هى مجرد شكليات لكن اداء و كماليات و امان و امكانيات مفيش اجسن من كدة و ده المهم فى عربية ب 90 الف

وانا لو مكاناك ابص بصة كوبسة و احدد لقتها تناسبنى باللى فيها اتكل على الله لقيتها لا اشترى حاجة تانية بس لازم تقارن بينها و بين التانية اللى فى نفس الفئة و من كل النواحى مش من ناحية الزراير و الخامات بس

طيب الحمد لله الله يطمنك
طالما الزراير دي بتعمل وظفيتها كويس خلاص مش مهم ان كانت شكلها وحش ولا حلو
المهم قلب العربية نفسها الموتور والشاسية والعفشة والتسارع والكماليات والامان والتكييف
لو كل دول بخير وجت بس علي الزراير
وطالما عيب المرايا اللي انا شوفتها ده عيب فردي
يبقي كده مفيش مشاكل بأذن الله
يبقي انا كده انزل ان شاء الله احجز الاسبوع القادم
والكلام اخذ وعطا ياإخوانا ومش معني اني انتقدت حاجة صغيرة في العربية ده ينقص من شأنها او شأن مالكيها
يعني لو لو عاجبني شكل العربية بس ماينفعش لازم الباقي
ومش معقوله هغير فكرتي عن العربية بسرعة علشان شكل الزرار مش عاجبني طالما دي حاجة مشتركة والناس بتشكر في كل الاساسيات
بس انا بعذر الناس لأن اللي بيحب حاجة او بيحب حد مش بيطيق عليه كلمة وحشة
والعربية موزة وتتحب
وياريت ياباشا تقولي العربية اللي معاك اوتو ولا مانوال ؟؟؟
لأني بفكر في الاوتو بشدة نظرا للزحام والراحة الاكثر
وشكرا ياباشا جيبتلي المفيد
والله يطمن قلبك مرة اخري

واحب اطمن الناس ان انا مش من الناس ذوي الحساسية المفرطة تجاه السيارات انا بس علشان بقالي سنتين بركب كورولا وبركب مع ناس في اوبل وبريليانس فالزراير دي لفتت نظري
انما انا ولله الحمد كنت راكب فولكس بيتلز بقالي 3 سنين ونصف (لما كنت طالب بالجامعة )
اللي الميكانيكية بيقوله عليها فلووووكس
وكانت الكلمة دي بتضايقني اوي
هههههههههه
فبسعي للتغير ان شاء الله

المشاركة الأصلية كتبت بواسطة Tarek Gen 2

الراجل مبالغش ولا حاجة
الزراير اللى فى جمب العربية فعلا رخيصة موت و شكلها وحش موت و خامتها فقيرة جدا و شبه لعبة الفانوس بس بتأدى غرضها و بتعيش مش هتعيش ليه !!
و المرايا اللى فى النص قوية موت اللى ركبتها فيها مشكلة بس
و الزراير اللى فى التابلوه شكلها سيئ فعلا بس بتعيش رغم ان نظامها اللى من غير سوستة و لا تكة ده انتهى منذ عصور بس الزراير بتعيش و مفيش فيها مشاكل ان شاء الله

و الدركسيون فعلا واطى انت يمكن قصير عنى انا بقى بيحك فى رجلى و السقف مش واطى خالصصصصصصص انا اطول منك كتير و ده مش عاملى ازمة

المجمل ان العربية لو ركزت فيها فا فيها حاجات مش هتعجبك اكتر بس مش عيوب جوهرية هى مجرد شكليات لكن اداء و كماليات و امان و امكانيات مفيش اجسن من كدة و ده المهم فى عربية ب 90 الف

وانا لو مكاناك ابص بصة كوبسة و احدد لقتها تناسبنى باللى فيها اتكل على الله لقيتها لا اشترى حاجة تانية بس لازم تقارن بينها و بين التانية اللى فى نفس الفئة و من كل النواحى مش من ناحية الزراير و الخامات بس

كلام يتوزن بميزان دهب، رينا يبارك لك ويجعله فى ميزان حسناتك ياباشا.

بس ليا رجاء من أخ عندك، ياريت توضح ال n اللى فى توقيعك دى لأنها قريبة من ال m ، ومرة ثانية ربنا يكرمك على الرد المحياد ده لا تهويل فى المميزات ولا تهوين فى العيوب تمام تمام تمام