نزلت التوكيل اتفرجت علي جين 2 2010 النهاردة وليا شوية ملاحظات

**solghof** · 02-10-2010 07:28 PM

نزلت التوكيل اتفرجت علي جين 2 2010 النهاردة وليا شوية ملاحظات
لما بتيج تقفل الابواب او الشنطة لازم ترزعهم جامد شوية مش عارف ليه
الزراير اللي في التابلوه عاملة زي ماتكون زراير لعبة يعني لما بتلمس الزرار بتحس انك مش دايس علي حاجة
زرار المرايات اللي في الباب تعبان جدا عامل زي الزراير بتاعة فانوس رمضان الزرار الصغير المشرشر ده
المراية الوسطانية بتتحرك تحس انها خفيفة اوي يعني ممكن تحركها علي طولك تروح راجعة مكانها تاني يعني تقريبا عايزة تخشينة شوية
مستوي الدريكسيون منخفض حتي في اعلي مستوي له مقارنة بالعربيات الاخري
والجميل ان ابعاد العربية لذيذة بس احس ان السقف واطي شوية رغم اني مش طويل اوي حوالي 175 سم وبضطر ارجع الكرسي علي الاخر
بس العربية وسعها حلو ماشاء الله وشنطتها صغنونة شوية بس لذيذة
بس المراية الوسطانية وزرار المرايات دول اكتر حاجة قلقاني لأنهم هايبقي عليهم هرس كتير لان ممكن والدي يسوق العربية اكثر من مرة للتجربة برضو وممكن يستحلي سواقتها
الفرش شكله جميل بس بحس انه ممكن يفرول او يتقطع مجرد احساس وسواسي يعني بحس انه ممكن يفرول زي حتة السفنج لو نتفتها كده
بس طمنوني يااخوانا والنبي علشان انا بفكر احجز

**solghof** · 02-10-2010 07:36 PM

وبالرغم ان الساجا اصغر منها بس وانا بدخلها وبخرج منها بحس انها اوسع في الدخول والدريكسيون اعلي بكتير

**Boory** · 02-10-2010 07:49 PM

بما إنك غالبا يتفكر تشتريها زي حالاتي ... إيه رأيك في وسعها لأن ده الشيء الوحيد اللي مضايقني ... الحقيقة أنا متعود على السيارات العريضة زي البيجو 505

**solghof** · 02-10-2010 07:59 PM

بنظرة سريعة علي العربية هيا عرضها كويس اينعم اصغر طبعا من عرض البيجو 505 والتويوتا كورولا اللي مع والدي
بس عرضها حلو علشان تقدر تعمل بيها مناورات او تمشي بيها في شوارع ضيقة شوية
ولما رجعت الكرسي علي الاخر اللي ورايا قاعد مرتاح برضو
بس المشكلة اللي بالنسبة لي انخفاض مستوي الدريكسيون ( بعد مارفعته علي الاخر ووطيت الكرسي علي الاخر ) اكتر من كل العربيات اللي سوقتها
يعني تحس وانتا قاعد انك واخد الدريكسيون علي حجرك بس مش لامسك اوي يعني
والزراير خامتها very poor والزرار مالوش رد فعل وانتا بتدوس عليه او تحس ان مفيش تحته كاوتشة او سوستة
والمراية اللي في النص تحس انها ضعيفة اوي ممكن تطلع في ايد الواحد وانتا بتظبطها
وانا لسة ماجبتهاش وبفكر في الاوتوماتيك علشان الراحة بالرغم من حبي الشديد للمانوال بس لازم الواحد يروح شغله مرتاح وبأقل مجهود وفاتح التكييف ومش عرقان ومتبهدل
بس الحاجات الحلوة اللي شدتني ليها
ارتفاعها عن الارض ممتاز بجد للمطبات العالية اللي بقت في الشوارع اللي هاريانا في حك شاسية التويوتا كورولا
والعفشة الرياضية اللي معوضة الارتفاع اللي بتزود السبات
بس نفسي اسوقها علشان ابقي متطمن اكتر

**solghof** · 02-10-2010 08:20 PM

حد يفيدنا ياخوانا الزراير دي هاتسحمل تشتغل اكتر من 10 مرات ولا ايه ؟
والمرايا اللي بتطلع في ايد الواحد دي ايه نظامها ؟؟
وقولولي علي اي عيوب مستقبليه ممكن اكتشفها
علشان ابقي عارف كل حاجة وابقي متطمن

**solghof** · 02-10-2010 08:39 PM

لو هاتستحمل اكتر من خماشر مرة انا موافق

:b4_611:

**wekabika** · 02-10-2010 08:43 PM

انا عندي المرايه الي في النص عايزة اتنين يلفوها العريبيه الي انت شوفتها ده فيها مشكله

**solghof** · 02-10-2010 08:54 PM

المشاركة الأصلية كتبت بواسطة wekabika

انا عندي المرايه الي في النص عايزة اتنين يلفوها العريبيه الي انت شوفتها ده فيها مشكله

طيب كويس والله طمنتني
بس ياريت تقولي ايه الحاجات اللي لازم اراجع عليها قبل ما استلم العربية ان شاء الله
بس لما احجزها الاول

**solghof** · 02-10-2010 08:54 PM

المشاركة الأصلية كتبت بواسطة wekabika

انا عندي المرايه الي في النص عايزة اتنين يلفوها العريبيه الي انت شوفتها ده فيها مشكله

طيب كويس والله طمنتني
بس ياريت تقولي ايه الحاجات اللي لازم اراجع عليها قبل ما استلم العربية ان شاء الله
عندما اقرر اني احجزها ان شاء الله

**solghof** · 02-10-2010 09:11 PM

هيا بتاعة 2010 رجعو فيها ال ebd
اصلي قريت في موضوع في المنتدي هنا ان تم حذف ال ebd مع مثبت السرعة في الجين 2 2009

الموضوع: نزلت التوكيل اتفرجت علي جين 2 2010 النهاردة وليا شوية ملاحظات

LinkBack

أدوات الموضوع

عرض

المواضيع المتشابهه

صيانة ال5000 قربت.... شوية ملاحظات

حجزت سيراتو sx 2011 و شوية ملاحظات

نزلت النهاردة؟ ولا قعدت في البيت؟

النهاردة روحت اتفرجت على Great Wall Peri

الكلمات الدلالية لهذا الموضوع

المفضلات

المفضلات

ضوابط المشاركة