أستلمت الساجا النهاردة

**manchie** · 02-10-2010 08:35 PM

الحمد لله أستلمت الساجا النهارده بجد العربية جميلة جدا وسحبها كويس
بس فيه ملاحظة غريبة
لما بنزل الهاند براك تحس أنه مش ماسك تحت أو زى ميكون سايب وسهل أنه يترفع مش زى العربيات العادية بتبقى ماسكة جامد تحت
وكمان هوا مفيش نور فى الفتيس علشان يبين أنا واقف فى أنهى نقلة علشان أنا عندى مفيش مع النور الصغير
مستنى ردكم للمساعده

**Nistelrooy** · 02-10-2010 09:08 PM

بسم الله

الف مليون مبروووووووووك
وربنا يكفيك شرها ويعطيك خيرها

ماتخافش ع الهاند هي كدا وفعاليتة بتظهر مع التكة التالتة او الرابعة اساساً ..
بخصوص الفتيس انا مش متاكد من حكاية النور دي الصراحة وانتظر رد اصحاب الساجا

**Nistelrooy** · 02-10-2010 09:10 PM

-----------

**manchie** · 02-10-2010 09:12 PM

أصل زى أى عربية متهيألى المفروض يكون فيه نور عند الفتيس من تحت الحروف علشان نشوفها

**mahmoud18** · 02-10-2010 09:32 PM

السلام عليكم

بخصوص الهاند بريك مش هادر افيدك اوى بس انا كنت حاسس زيك كده فى الاول بس بعد كده ابتديت احس بى و ان شاء الله خير

بخصوص الفتيس انا بردو كنت حاسس بنفس المشكله طبعا بليل فكنت بنور نور الصالون بس بعد كده اتعودت على النقلات و كمان بقيت ببص على التبلوه فى النص بيكتب النقله ان شاء الله ربنا يباركلك فيها و يديك خيرها و يحفظك من شرها

**manchie** · 02-10-2010 09:41 PM

المشاركة الأصلية كتبت بواسطة mahmoud18

السلام عليكم

بخصوص الهاند بريك مش هادر افيدك اوى بس انا كنت حاسس زيك كده فى الاول بس بعد كده ابتديت احس بى و ان شاء الله خير

بخصوص الفتيس انا بردو كنت حاسس بنفس المشكله طبعا بليل فكنت بنور نور الصالون بس بعد كده اتعودت على النقلات و كمان بقيت ببص على التبلوه فى النص بيكتب النقله ان شاء الله ربنا يباركلك فيها و يديك خيرها و يحفظك من شرها

يعنى مفيش نور كده حسب كلام حضرتك فى الفتيس ؟؟؟
وكمان موضوع الهاند ده بيحصلك ولا لأ
وشكرا طبعا على موساعدتك

**sayed911** · 02-10-2010 09:57 PM

بالنسبة لموضوع نور الفتيس يا اخي للأسف الساجا مفيش فيها النور ده ولازم تبص في التابلوه عشان تعرف انتا على انهي نقلة زي اي عربية تانية اوتوماتيك كتير اوي منهم بيبصوا على التابلوه وهية بالتعود ها تحفظ انتا على ايه دلوقتي ...
اما بخصوص الهاند حضررتك ممكن وانتا في صيانة الألف تطلب منهم بس يشدوا الفرامل شوية ها تلاقي العربية بتقف تماما من تاني تكة بالضبط والله الموفق والف الف الف الف مبروك يا اخي ...

**manchie** · 02-10-2010 09:59 PM

المشاركة الأصلية كتبت بواسطة sayed911

بالنسبة لموضوع نور الفتيس يا اخي للأسف الساجا مفيش فيها النور ده ولازم تبص في التابلوه عشان تعرف انتا على انهي نقلة زي اي عربية تانية اوتوماتيك كتير اوي منهم بيبصوا على التابلوه وهية بالتعود ها تحفظ انتا على ايه دلوقتي ...
اما بخصوص الهاند حضررتك ممكن وانتا في صيانة الألف تطلب منهم بس يشدوا الفرامل شوية ها تلاقي العربية بتقف تماما من تاني تكة بالضبط والله الموفق والف الف الف الف مبروك يا اخي ...

شكرا ليك جدا يا باشا

**jisso82** · 03-10-2010 01:10 AM

1000 مبروك يا معلم و ربنا يحفظهالك

**spiderloking** · 03-10-2010 03:27 AM

بالنسبه للهاند بريك ده الطبيعي بتاعها في الساجا انا واحد صاحبي كنت لسه مستلم العربيه مكملتش اسبوع مسك الهاند و رفعها بيقولي ايه ده مالها سايبه ليه في الاول كدا انت مش راحم العربيه رفع هاندات من اولها قولتلوا والله ولا استعملتها مره واحده حتي سألت في التوكيل قالولي ده الطبيعي هيه كدا انا شايف انو مش عيب و مش ميزه عادي يعني اصل ايه المشكله لما تبقي بتتحرك و سايبه مش ماسكه انا مش شايف فيها مشكله خالص اما بالنسبه لنور الفيتيس لأ الساجا مفيهاش نور بس هما معوضين ده حضرتك لما تيجي تنقل الغيار اللي انت واقف عليه بيتكتب في النص بين عداد الار بي ام و عداد السرعه في شاشه صغيره كدا في النص بيبقي مكتوب فيها الغيار اللي انت عليه و بصراحه انا شايف انو مفيد احسن ما تبص انت اولا انت مش طول ما انت ماشي هتفضل تبص تحت تشوف انت بتنقل علي ايه و تسيب الطريق اسهل تبص علي العدادات ده غير انك شووووور هتتعود بعد فتره صغيره علي الغيارات و ايدك هتحفظها و بعد كدا حتي مش هتبص علي الشاشه ديه خالص و هتنقل و تمشي علي طول و تجيب قدام و ورا عادي جدا مسألة تعود مش اكتر لو في اي استفسار تاني في العربيه اتفضل و انا اجاوبك عليه