انا للاسف مصورتش العربية قبل عملية الاصلاح ( كنت محبط بغباء ومش عاوز ابص عليها خالص )
الموضوع انى كنت طالع كوبرى الملك الصالح جاى من المعادى ورايح المنيل وفى طلعة الكوبرى بالظبط بشوية كدة واحد فى الحارة اليمين رمى على واحد تانى فى الحارة الشمال راح الراجل مفرمل على اخرة .... وراة واحدة ست كبيرة فى السن راكبة لانوس ... هوب راحت داخلة فية .... انا شفت الكلام دة ودست فرامل على الاخر والحمد لله وقفت قبلها بحوالى 2 متر او اقل وسبت الفرامل .... وفى ثانية كنت مشغل انتظار ولسة ببص فى مراية الصالون وحصل التالى :
- الست اللى ادامى سابت الفرامل بتاعت والعربية رجعت منها وار.
- عربية 1300 جاى من ورايا فى نفش حارتى الشمال حاول ينقل الحارة اليمين من غير ميهدى.
- العربية 1300 دخل فى الرفر اليمين من ناحية تانك البنزين خد الرفر والفنوس وكسر الاكصدام وفى نفس الوقت كانت الست ريحت عليا
- هما الاتنين خبطونى فى نفس التوقيت.
الخسائر:
1- الشنب الامامى اللى تحت الاكصدام اتعوج للداخل وكر علبة الردياتير والميه نزلت.
2- غطا البنزين
3- الرفر الخلفى اليمين اتطبق.
الاكصدام اتقطع جزء كبير منة
الحمد لله روحت الحرفيين وجبت 1) فانوس خلفى جديد 2) اكصدام خلفى تايوانى جديد 3) 2 فوج امامى بالمرة بقى جديد بردوا
لسة ناقص حتة فبر كدة سودا بتشيل الاكصدام بتبدا من تحت الفنوس الخلفى من اول الشنطة لحد الرفرف ( والحمد لله لقيتها جديدة وهجيبها انهاردة) ... وكمان الخريطة بتاعت الفنوس الخلفى يمين (هما بيقولو عليها كدة) ودى اللى بيركب فيها لمبات الاشارة.
واخيرا شكرا للاهتمام والردود