يا حسرتاة على الجاك

**radid** · 05-10-2010 12:45 AM

الى الاخ CryptonX العزيز رايك يحترم فعلا اذا كنت حجيب الصينى يبقى اجيب الاكثر انتشارا بس سيادتك مش دة كمان يطبق على ال byd و لا اية رايك

**kemo678** · 05-10-2010 01:16 AM

المشاركة الأصلية كتبت بواسطة roufa010

رأى يحترم بس عشان نحترمه اكثر ونستفيد كلنا منه
استأذنك توضحلنا(بدون الدخول فى مهاترات جدليه غير مجديه) ايه الى حضرتك استندت عليه عشان تحكم ان التوكيل (تعبان)
وهل انت اتعاملت معاه

بدون الدخول فى مهاترات جدليه غير مجديه اللى استندت عليه علشان احكم على التوكيل انه تعبان هى مداخلات مالكى السياره انفسهم وهم من يقولون ان التوكيل تعبان وانت قرأت مداخله الاستاذbadrbadr تحت عنوان توكيل السعودى جروب الى اين ورد عليه مالك اخر للسياره شيرى a15 اسمه المهندسahmed bian77 ,وشوف حضرتك قالوا ايه على التوكيل هذا بخلاف الراجل اللى اشترى العربيه اليفان المنى كوبر وعطلت منه على الكوبرى وفضح الدنيا وصور العربيه واشتكى التوكيل فى جهاذ حمايه المستهلك .......ولعلم حضرتك انا كنت من اشد المعجبين بهذه السياره وكنت كلما اسافر الى القاهره امر على توكيل السعودى جروب واشاهد السياره الليفان 620 اللون الفضى المعروضه فى الصاله وكنت ناوى اشتريها العام الماضى خصوصا ان التوكيل قريب جداا من شقتى فى مدينه السلام لاكن محصلش نصيب بسبب ان لازم ادفع مقدم حجز ولاستلام بعد شهرين وهبيع العربيه اللى انا راكبها وهستنى شهرين من غير عربيه......وعلى العموم متزعلش كل التوكيلات فى مصر تعبانه وحسبى الله ونعم الوكيل........

**CryptonX** · 05-10-2010 02:15 AM

المشاركة الأصلية كتبت بواسطة radid

الى الاخ CryptonX العزيز رايك يحترم فعلا اذا كنت حجيب الصينى يبقى اجيب الاكثر انتشارا بس سيادتك مش دة كمان يطبق على ال byd و لا اية رايك

ربنا يكرمك . هو فعلا ال byd منتشرة بس بصراحة بحس توكيلها على اده .. ثانيا شكل السيارة بالنسبة لي قديم شويتين تلاتة خصوصا انها عبارة عن نسخة معدلة من الكورولا القديمة ..

بينما تصميمات جاك و fsv ايطالية 100% و جديدة و اقدر اقول جذابة كمان .. مقدرش اقول ان ال byd شكلها وحش , ولكنها ليست جذابة او عصرية .

و دي طبعا اذواق شحصية و انطباعات ... بما ان مافيش الا توكيل محترم وحيد سمحلي اني اجرب السيارة و هي البافارية , و جربت السيارة لمدة ساعة تقريبا بدون حجز او شراء ..

بينما حاول مندوبي جاك منعي من تصوير السيارة ! بحجة ان صاحب المعرض قايل كدة ...

و طبعا مش حتكلم على بتوع الامل علشان دول مش بياعين سيارات ..او على الاقل الفرع الي اتعاملت معاه .. بياعين طرشي ..

مع كامل احترامي لمالكي الماركتين طبعا .

**odaoda** · 05-10-2010 11:43 AM

يا جماعة نرجع لصلب الموضوع
كل عربية وليها مميزاتها احنا بنتناقش فسعر السيارات دلوقتى الى بيغلى ويرتفع
مش فعربية شكلها مش عصرى او عربية ايطالية او توكيل ممتاز او مهندس بيضحك علينا
خلونا فالموضوع
دلوقتى السائل زعلان من الجاك والبريليانس
اية الحل؟
انا شخصيا برشحلة الفيات بونتو ولكنها عربية غير عائلية بلمرة
فمش عارف انا احترت بصراحة

**badrbadr** · 05-10-2010 11:44 AM

المشاركة الأصلية كتبت بواسطة kemo678

الليفان مفيهاش كماليات اكتر من الجاك وحظ السياره مهضوم بسبب التوكيل التعبان اللى طوب الارض اشتكى منه

بالعكس الليفان بها كماليات تزيد عن الجاك مثل حساس الاضاءه / وحدات رفع زجاج .. بالاضافه انها 1600 سى سى , 105 حصان

اما بالنسبه للتوكيل فهناك بعض التحسن

**roufa010** · 05-10-2010 02:33 PM

المشاركة الأصلية كتبت بواسطة kemo678

بدون الدخول فى مهاترات جدليه غير مجديه اللى استندت عليه علشان احكم على التوكيل انه تعبان هى مداخلات مالكى السياره انفسهم(يعنى حضرتك ماجربتش التعامل معاه وده الى انا اقصده) وهم من يقولون ان التوكيل تعبان وانت قرأت مداخله الاستاذbadrbadr تحت عنوان توكيل السعودى جروب الى اين(طب ماالاستاذ بدر بدر كتب موضوع بعنوان السعودى جروب يرفع شعار ممنوع الخطأ ليه حضرتك ماشفتهوش؟ وذكر فيه ان المشكله اتحلت ده غير انه ذكر ده فى الموضوع نفسه القديم) ورد عليه مالك اخر للسياره شيرى a15 اسمه المهندسahmed bian77 ,وشوف حضرتك قالوا ايه على التوكيل هذا بخلاف الراجل اللى اشترى العربيه اليفان المنى كوبر(للعلم العربيه الى اتصورت وفضحت الدنيا كانت ليفان 520 مش 320 وصاحب السياره اترفعت عليه قضية ابتزاز لانه مع الفحص تبين ان الاضرار مفتعله) وعطلت منه على الكوبرى وفضح الدنيا وصور العربيه واشتكى التوكيل فى جهاذ حمايه المستهلك .......ولعلم حضرتك انا كنت من اشد المعجبين بهذه السياره وكنت كلما اسافر الى القاهره امر على توكيل السعودى جروب واشاهد السياره الليفان 620 اللون الفضى المعروضه فى الصاله وكنت ناوى اشتريها العام الماضى خصوصا ان التوكيل قريب جداا من شقتى فى مدينه السلام لاكن محصلش نصيب بسبب ان لازم ادفع مقدم حجز ولاستلام بعد شهرين وهبيع العربيه اللى انا راكبها وهستنى شهرين من غير عربيه......وعلى العموم متزعلش كل التوكيلات فى مصر تعبانه وحسبى الله ونعم الوكيل........

كل الى اقصده ان مش معنى ان واحد او اتنين او حتى تلاته قالو ان التوكيل ده وحش يبقى كلامهم صح ونصدقهم من غير مانتحقق لأن كل واحد وليه وجهة نظره

**kemo678** · 05-10-2010 02:59 PM

المشاركة الأصلية كتبت بواسطة badrbadr

بالعكس الليفان بها كماليات تزيد عن الجاك مثل حساس الاضاءه / وحدات رفع زجاج .. بالاضافه انها 1600 سى سى , 105 حصان

اما بالنسبه للتوكيل فهناك بعض التحسن

كماليات مش ذات تأثير كتير والموتور ال1500 مطور من موتور 1600 وبيأدى نفس الاداء ونفس قدره الحصان.......اما بالنسبه للتوكيل مش معنى انه حل مشكله فى العربيه بعد ما الواحد يدوخ السبع دوخات انه اتحسن واصبح ذى الفل وننسى اللى اتعمل فينا

**radid** · 05-10-2010 05:15 PM

مش عارف كدة يا إما ازنق نفسى انا و اسرتى و نجيب البريليانس
او اتوكل على اللة و اجيب الbyd بس موضوع التوكيل مقرف شويتين (شكلها قديم قديم انا لاقى)

**ahmedchina** · 05-10-2010 05:25 PM

يا جماعة عن خبرة بالسوق و العربيات الصينى
الليفان مش وحشة بس عربية كويسة و المصنع بيحاول يعمل حاجة كويسة خصوصاً إن المصنع ملكية خاصة مش مصنع حكومى
نفس مشكلة جيلى و أنجلون و بى واى دى مصانع ملك افراد مفيش دعم كبير من الحكومة او بمعنى اصح مش الحكومة هى اللى بتصرف , لذلك نجد ان الانجلون(مابل سابقاً) و الليفان 620 و البى واى دى إف3 العربيات الثلاثة نموذج هيكلى واحد و هو التويوتا كرولا الشكل القديم مع تغير فى الشكل الامامى و الخلفى و فى بعض الاجزاء فى الشكل الداخلى . و كل واحد بستخدم ماتور على قد فلوسة فى اللى بيطور لنفسة زى جيلى انجلون و فى اللى إشترى من ميتسوبيشى زى بى واى دى و فى اللى طور خط إنتاج من الخارج زى الليفان .
فى النهاية قرار الشراء هى قدرة مالية و ميول شخصة مش لازم كل الناس تحب جاك او بريليانس او تكره ليفان و غيرها
فى رائ الشخصى كلهم معقولين فى حدود سعرهم و كمالياتهم للمستهلك المصرى , بدل إفترى أصحاب التوكيلات الكورية و الاوربية و غيرها , يعنى الافيو و لا الجاك و البريليانس إف أس فى و الله دى البى واى دى إف 3 برقبتها
بس هى مشكلة ثقة مستهلك و جرأءة و كيل و قدرة تسوقيقة و توسعية فى السوق
و الانجح على الاطلاق فى الصينى الان هو ابو الفتوح مع شيرى (اسبرانزا)ثم البافارية مع بريليانس و بلاك هورس بتحاول تستغل الجاك و تعمل سوق كويس و الباقية تاتى .
و القرار الاخير لصاحب الموضوع يا ترى هتجيب إية ؟
عن تجربة الجاك هى أنسب الحلول حالياً
ممكن تراجع فى المنتدى التقارير ة التعليقات
و ربنا يهديك لما فية الخير