يوم الخميس صيانة الالف لساجتى ان شاء الله.........وعندى شويه مشاكل

**mosho1985** · 03-10-2010 01:28 AM

ان شاء الله يوم الخميس رايح اعمل صيانة الالف(ساجا مانيوال) وهو كان عندى شويه ملاحظات مش عارف هل قابلت حد من زمايلنا اللى معاهم العربيه قبل صيانة الالف ولا لا؟ الملاحظات كالاتى

1- العربيه مخنوقه اوى معايا حاسس زى مايكون حد طابق على نفسها

2- مره جربت اشغل التكيف لقيتها بتنتش معايا قفلته تانى

3-لما ابقى ماشى واضرب فرامل مره واحده بسمع صوت طرقعه فى العجلتين اللى قدام كده بالظبط (ترررررررك)

4- الفتيس تقيل شويه

ربنا يسهل والمشاكل دى يكون ليها حل عند التوكيل لان ده اول تعامل ليا معاهم والانطباعات الاولى تدووووووووووووووووم

**Tarek Gen 2** · 03-10-2010 01:47 AM

ان شاء الله تمام و كله يتحل
بس هى الساجا فيها abs ؟؟

**mosho1985** · 03-10-2010 02:43 AM

المشاركة الأصلية كتبت بواسطة tarek gen 2

ان شاء الله تمام و كله يتحل
بس هى الساجا فيها abs ؟؟

ربنا يسهل ان شاء الله

لا ياباشا مفيهاش ايه بى اس

**spiderloking** · 03-10-2010 03:00 AM

لأ هيه مفيهاش يا طارق اي بي اس بس الفرامي بتاعتها روووووووووووعه بجد انا نجدتني كتير والله

بص يا mosho بالنسبه لأن العربيه مخنوقه و كدا ده الطبيعي العربيه لسه مفيهاش حاجه طبعت انت لسه معملتش اول 1000 بعد الصيانه كمان كل ده هيتغير تماما انت بعد الصيانه خدها طريق كدا سفر و جربها يعني شد بيها شويه عودها علي السرعات العاليه بس مش مره واحده يعني واحده واحده و مش تفضل ثابت علي نفس السرعه لمده طويله انزل و اطلع و بالنسبه لموضوع التكييف هوه بيأثر شويه علي سحب العربيه بس مش اوي بعد الصيانه بردوا هيتظبط الموضوع ده كمان موضوع البنزين هتلاقيها بتاكل بنزين في الاول الكلام ده في الاول بس و بعد كدا هيتظبط يعني علي صيانه ال 5000 هتلاقي فرق رهيب في موضوع البنزين و بالنسبه لصوت الطرقعه اللي مع الفرامل ده ممكن يكون علشان لسه التيل مطبعش مع الطنابير و كدا و بردوا قولهم عليه في الصيانه يشيكوا علي العجل و التيل و ان شاء الله الصوت هيختفي و كمان مع تربيط العفشه هيختفي تماما ان شاء الله و بالنسبه للفيتيس هوه تقيل فعلا شويه فيتيس البروتون بس عادي هتتعود عليه و هيخف نسبيا شويه بردوا مع الوقت متقلقش ربنا يكرمك فيها و ابقي طمنا بعد الصيانه اخبار سوسو ايه و ان شاء الله خير