محصل و كشاف الكهرباء

**abokoko** · 03-10-2010 02:15 AM

بمناسبة مقالة زميلة المنتدى سوما http://www.nilemotors.net/Nile/185348-a.html

احب اتناول موضوع المحصل & الكشاف قارئ العدادات فى شركات الكهرباء

أليس من الغريب استمرار وجودهم طوال السنوات الماضيه بنفس الطريقة التقليدية
بدون تطوير او تجديد

1 = الكشاف او قارئ العدادات
مشاكله
كتابة معدل استهلاك وهمى ( وهو قاعد على القهوه ينزل لحضرتك متوسط وكل كام شهر يروح يبص على العداد ولو الفرق لصالح العميل ما يطلعشي ايصلات كام شهر ولو العكس يصفي العداد بالكميه الكبيره مره واحده )

البديل

عدادات الكهرباء التى تعمل بالكارت عن طريق الشحن مثل خط الموبايل (موجوده بس مش منتشره وحسب ما سمعت انها بتفشل بسبب انى المصريين بيضربوا الكارت ههههه )

او

دفع متوسط سنوى او نصف سنوى ويتم اخذ القراءه بمعرفة العميل مره فى السنه لعمل التسويه وتتم المراجعه على القراءه بمعرفة الشركة (مره فى السنه ولو القراءة غلط تبقي الغرامة كبيره )

2 = المحصل
مشاكله
عدم المرور على جميع المشتركين لتحصيل الايصلات وخصوصا ذات القيمه المنخفضه ومع تراكم الشهور تصبح المبالغ كبيره

البديل
الفيزا كارت / خصم من المرتب لصالح شركة الكهرباء / دفع مبلغ فى الحساب الدائن ومراجعته على فترات سنويه او نصف سنويه

اكيد فى كلام اضعاف ده

والاهم اكيد فى حلول تطويريه و افكار لكل المصالح والجهات الخدميه

صح ولا انا غلطان
؟؟؟

**samo9992003** · 03-10-2010 03:53 AM

ياسيدى بلد كل اللى ماسكينها عدوا السن خلاص كلهم ستينات اكيد ميعرفوش يعنى ايه الكلام ده ده كده بالنسبالهم انجاز تاريخى على ايامهم مكنش فى كهربا اساسا فدلوقتى طبعا حاسين انهم انجزوا كتير اوى يلا ربنا يطولنا فى عمرهم