تقرير صيانة 40000 الف ؟

**mangere90** · 03-10-2010 03:01 AM

السلام عليكم ورحمة الله وبركاته

انا كنت حاجز الساعه 9.00 و وصلت حوالي 9.10 قابلت الباشمهندس احمد وقولتله علي اللي
في العربيه وهو :-

1- تثبيت المرايه الشمال .
2- ظبط الباب الأمامي اليمين.
3- التكيف ضعيف .
4- صوت من بلية شداد سير الدينامو .
5 - مراجعة السوست التيل الأمامي .
6 - تعديل علبة الدركسيون وكان محجوز .

طبعا مع صيانة الأربعين اللي بيتغير فيها جميع زيوت العربيه ( زيت موتور-زيت فتيس-مياة الرداتير- فلتر بنزين- فلتر هواء + تربيط العفشه طبعا ) . بعد ماسلمت العربيه قاعدت شويه في الأستراحه وبعدين روحت داندي مول
قولت اضيع وقت شويه كالعاده بعد ماوصلت المول مافيش 5 دقائق واتصل بيه ايمن وقالي انا لسه واصل التوكيل
انت فين قولتله انا في المول وجايلك رحت وقاعدت معاه طبعا انتو كلوكو عارفين ايمن قعدته مايتشبعش منها
و الراجل وصالي علي العربيه بصراحه قام معايا بواجب جميل قوي وده طبعا مش جديد علي ايمن , بس خلصت
العربيه حوالي 4:30 علشان طبعا فيها شغل كتير زي ماحضراتكم شايفين بس بصراحه انا مبسوط اوي بعد
الصيانه حاسس العربيه فاقت وباقت جميله اوي , بصراحه المره دي انا ادي تيقيمي للتوكيل (جيد جدا ).

**spiderloking** · 03-10-2010 03:05 AM

الف الف مبروك علي الصيانه و عقباااااال ما تعمل بيها 400000 علي فكره التوكيل بدأ يتظبط في حاجات كتير و الف شكر طبعا لأيمون الي بيساعدنا كلنا بصراحه ربنا يخلهولنا و يجعل هذا كله في ميزان حسناته

**solghof** · 03-10-2010 03:07 AM

طيب الحمد لله والف مبروك ياباشا
وعقبال صيانة المليون كم وتقريرك عنها ايضا

**spiderloking** · 03-10-2010 03:07 AM

مانيجر كنت عاوز اقولك عن حاجه صحيح يعني يا راجل حاطت في توقيعك جي جي بسم الله ما شاء الله عليها عروسه واقفه بس ملقتش مكان اوحش من ده شويه طيب صورها في مكان فيه منظر طبيعي خلاااااب ههههههههههههههه حرام عليك اللي انت عاملوا فيها ده

**mangere90** · 03-10-2010 04:42 AM

المشاركة الأصلية كتبت بواسطة spiderloking

مانيجر كنت عاوز اقولك عن حاجه صحيح يعني يا راجل حاطت في توقيعك جي جي بسم الله ما شاء الله عليها عروسه واقفه بس ملقتش مكان اوحش من ده شويه طيب صورها في مكان فيه منظر طبيعي خلاااااب ههههههههههههههه حرام عليك اللي انت عاملوا فيها ده

والله ان اخدلها كام صوره كده وهي واقفه جنب عمارة واحد صاحبي اصل كنت بغسلها معاه وكنت عاوز اصورها
علي الكورنيش بس مابيبقاش في وقت بس ان شاء الله هاصورها وهابدل الصور قريب ان شاء الله