أنا اتسرقت تاني

**Noha.M** · 20-03-2008 06:16 PM

يا خبر !!!

يعنى حاميها حراميها !!!

معلش :(

بس بلغ طيب و اعمل محضر و ان شاء الله هيظبطوه

انت عندنا فى المعادى ؟ لو عندنا انا قريبي وكيل نيابة هناك و التانى ظابط فى القسم ممكن اساعدك

**aliabutaleb** · 20-03-2008 07:20 PM

بي سي ايجيبت
شكراً على نصيحتك
بس انا مستني أشوف أخره إيه بكرة
لو رجعلي الكاسيت مش هاقدر أبلغ
هابلغ أقول إيه
بصراحة انا مش فاضي خالص لمواضيع الشرطة والحوارات دي فمضطر أمشي معاه لغاية بكرة وبعدها يحلها حلال

أونا
شكراً على مساعدتك
بس انا في 6 أكتوبر وعندنا معرفة زي ما قلت بس مكنتش حابب أكلمه
ربنا ييسر ومتوصلش الأمور للدرجة دي

**ابو سيف** · 20-03-2008 09:10 PM

ربنا يستر و يصدق في كلامه لكن نصيحتي ليك متروحش تقابله لوحدك و يا ريت لو معاك عربيتك الخاصه او عربيه حد من اللى هيكونوا معاك تحسبا لأي موقف او حركه غدر

و يا ريت تطمنا اول ما ترجع بالسلامه
اه صحيح مممكن تاخد معاك اليكتريك شوك من اللى الاخوة هنا في المنتدى اشتروهم او يجي رجاله المنتدى كلهم معاك كل واحد بالايكتريك شوك بتاعه :d :d

ترجع بالسلامه ان شاء الله و نطمن عليك

**Dr_Mido** · 20-03-2008 09:13 PM

اة والله ربنا يكرمك وتجيبه بس نصيحه مترحش من غير سلاح شخصى الكنرك لو مفيش خد معاك اتنين تلاته اصحابك او خد اللى تقدر عليه من صحابك معاك علشان لو جه وناوى على شر يخاف مهو ان مكنش بالعين الحمرا مبينفعش

**OlaOsman** · 21-03-2008 10:34 AM

و ابقى طمنا يا علي لما ترجع من المشوار ده ان شاء الله

**aliabutaleb** · 21-03-2008 01:35 PM

أخدت صابونة تالت

**thegoodhacker** · 21-03-2008 01:52 PM

يبقي تروح تبلغ عنه في قسم البوليس و هم المفروض انهم يكلموا المالك الاصلي للمحل و يعرفوا منه بيانات الراجل الحرامي اللي كان ماجر منه المحل و يروحوا يمسكوه .......وانت ونصيبك يرجعلك الكاسيت او لا بس المهم تكون عملت اللي عليك

**Abo_Lina** · 21-03-2008 02:45 PM

تقريبا الاخوة الي بيقترحو موضوع القسم مادخلوش اقسام من مده..
انت لو مصمم على القسم يبقى تاخد معاك ظابط معرفة احسن..وغالبا برضه مش هاتفرق كتير(لا تتوقع قوات الامن انها تامر بسرعة ضبط و احضار الراجل و تحريز الكاسيت بتاعك)
الافضل انك تحل معاه ودي..الا لو الكاسيت ده عزيز عليك قوي يعني يبقى انك تاخد معاك ناس وتروحله اقتراح (بس ممكن الموضوع يوسع )