أنا اتسرقت تاني

**aliabutaleb** · 20-03-2008 02:27 PM

بعد ما كنت اتسرقت أولاني لما العربية اتسرقت وهي راكنة في الشارع
اتسرقت تاني الأسبوع ده
وديت كاسيت العربية يتصلح
وكان المفروض أستلمه تاني يوم
فوجئت ان صاحب المحل قفل وساب المحل للمالك وسرق كل الكاسيتات اللي كانت بتتصلح عنده
شغال أنا عليه تليفونات
رد عليا مرتين وفي المرتين اداني معادين عشان يديني الكاسيت وفي المرتين صابونة
انا محتار أعمل إيه
طبعاً ناوي أبلغ
بس مش عارف فيه حاجة تانية ممكن أعملها ممكن ترجع لي حقي
ولا أفوض أمري إلى الله وخلاص على كدة

**badblood** · 20-03-2008 03:00 PM

بلغ مدام عارف هو مين

**Karim_Monir** · 20-03-2008 03:03 PM

طبعا بلغ واديهم رقم التليفون اللي سايبهولك

**analyzer** · 20-03-2008 03:10 PM

اعمل محضر فورا فى الشرطة ومتسناش قبل ما يختفى خالص

**aliabutaleb** · 20-03-2008 03:13 PM

إن شاء الله هابلغ السبت اللي جاي
بس مخبيش عليكم انا متشائم شوية
يوم السبت هاعرف كمان هو ساكن فين
بس انا حاسس ان ده مش هايفرق كتير
لازم الواحد يبقاله معرفة عشان تحرك بلاغ زي ده
كل يوم فيه مليون بلاغ بيتقدم ولا حياة لمن تنادي
ده فيه كمان ناس عليها أحكام واجبة التنفيذ ومعروف أماكنها ومش بتتنفذ
وانا بالرغم من اني اعرف ناس لكن انا مكسوف اخليهم يتدخلوا في حاجة زي دي
انا مش هابلغ عشان حق يرجع
انا هابلغ بس عشان أبقى قدام ربنا متهاونتش في إني أحاول أرجع حقي
وإن كنت عارف النتيجة مقدماً

باد بلاد وكريم منير وبسام ناجي
شكراً على ردكم ونصايحكم

**اسلام المصرى** · 20-03-2008 03:15 PM

قدر الله و ماشاء فعل يا أخ AboRoqaiaa نصيحة أخوية من أخوك الصغير لحضرتك:
لا تتنازل عن حقك طالما حضرتك على حق! أقل واجب حضرتك تعمله أنك تبلغ!

**جمال** · 20-03-2008 03:31 PM

لايضيع حق وراءه مطالب

.............................................
ممنوع الكتابة باللون الاحمر لإنه مخصص للإدارة فقط
برجاء مراجعة قوانين المنتدى
الإدارة - 3

**pcegypt** · 20-03-2008 04:34 PM

المشاركة الأصلية كتبت بواسطة AboRoqaiaa

إسلام وهيما
شكراً على ردودكم

آخر أبديت للمشكلة
أنا قلت دلوقتي أعمل حركة كدة يا صابت يا خابت
بعت له مسدج على الموبايل باهدده فيها بالأدب
كلمني بعد ساعة وقاللي انه زعل من المسدج وان الموبايل بقاله يوم مش معاه عشان كدة مكانش بيرد عليا
قاللي تعالى قابلني في حتة النهاردة وأديهولك بس انا قلقت فموافقتش
قلت له انا مديهولك في مكان ترجعهولي في نفس المكان انا مش من القاهرة ومعرفش فيها حاجة
وقد كان
اداني معاد بكرة
وأفلح إن صدق

انا رأيي انك لازم تبلغ حتى لو ماحدش هاياخد اجراء في الموضوع ، وبيني وبينك بلاش يبقالك مع النصاب ده اتصال مباشر وتروحله ومايجييش وتروحله ومايجيش وخلي بالك الناس بتموت بعض علشان حاجات اقل من الكاسيت ده بكتير و زي ما قولتلك بلغ وادي للبوليس كل المعلومات اللي عندك وحتى لو الكاسيت مارجعش يبقى اديك اتعلمت وما حدش بيتعلم ببلاش.

تحياتي

-

الموضوع: أنا اتسرقت تاني

LinkBack

أدوات الموضوع

عرض

أنا اتسرقت تاني - انشر الموضوع فى :

-

-

-

-

المواضيع المتشابهه

كابلات التليفون اتسرقت تاني

اتسرقت قبل كدة !!!

صدق او لا تصدق: علامة عربيتي اللي اتسرقت من حوالي اسبوعين رجعت تاني!!

ككلاكيت تاني مرة !!! التيجو اتخبطت تاني يا جماعة..الحمد لله

أنا اتسرقت !!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة