الموضوع: النوبيرا الاوتو بتبطل في بداية الحركة

السلام عليكم ورحمة الله

قبل رمضان اسبوع كنت سافرت يوم لرأس سدر وأنا راجع كان فيه وصلة حوالي 5 كم مكسرة والعربية على الرغم من سرعتي البطيئة جدا كانت بتتهز جامد من التكسير.
المهم بعد النفق وعند اليكلو 100 القاهرة - السويس العربية مبتسحبش ولمة التشك نورت ويدوب حضنت قامت مبطله.
ربنا هداني لثلاثة خراطيم داخلين على البوابة .. ضغط عليهم كويس.. وسميت الله وكله بقى تمام ووصلت بسلامة الله للقاهرة.

من اسبوع فقط العربية بقت تبطل في الطلعة بمعني لو وقفت في اشارة ويدوب بغذي بنزين خفيف جدا وشلت رجلي لحد اللى قدامي ميتحرك تقوم العربية مبطله على الرغم انها اوتوماتيك ومعشقة كأن الكهرباء بتقل أو بتقطع لحظة.

رحت عملت اسكان وقال العيب بوابة .. غيرت البوابة من الحرفيين (البوابة كهرباء) وعملت اسكان وقال لي كده تمام بس حساس الاكسجين قرايته ضعيفة.

ويدوب 10 كم وقبل البيت قامت عمله نفس الحركة على الرغم في الطوالي ماشية كويس واكبس الاقي استجابة بس بطيئة يمكن علشان اوتوماتيك.

ياتري ممكن العيب يكون ايه ؟؟؟

1- موديل السياره وسنة الصنع (نوبيرا ولا لانوس ولا.....) : نوبيرا 2000 اوتو 1500 سي سي
2-عدد الكيلومترات المقطوعه : 145250
3-موقف أستهلاك الزيت ( بيتم تزويد زيت ولا لا): لآ
4-شكل العادم الخارج من الشكمان (أبيض مسود - أزرق مسود - عادى): عادي
5-موقف البوجيهات وأسلاكها وهل تم عمل أختبار لقوة الشراره للبوجيهات الأربعه معرفش بس البويجهات متغيره شهر 7
6-موقف الفلاتر (هواء - بنزين - زيت): متغيره شهر 7
7-موقف أستهلاك البنزين (طبيعى ولا زياده): عادي
8- موقف الشكمان (سالك وتمام .....ولا مكتوم): متغير بالكامل شهر 7
9- موقف الفرامل (كويسه ولاقافشه والجنوط بتسخن): كويسه
10-موقف السيور ( كاتينه - تكييف - دينامو ).....وأنا عارف أن فيه سيور مشتركه: متغيره بالكامل شهر 7 مع طلمبة الميه
11-موقف البطاريه والدينامو من ناحية الفولت والأمبير: تمام والبطاية من شهر 7
12-مصدر الصوت فى حالة ظهور أصوات من عند المحرك ومكانه بالضبط : مفيش
13- موقف آخر صيانه أتعملت ....وهل العيب المطروح ظهر بعدها ولا كان موجود من قبلها ....لأن دى نقطه مهمه جدا :
آخر صيانة شهر 7 تغيير كاوتش صباب (كانت بتهرب زيت لان الكاوتش كان ناشف) / شكمان بالكامل أبو اليزيد / زيوت وفلاتر وبوجيهات/ سيور بالكامل وطلمبة مياه / عدد 4 كستبان.

وشكرا..

المشاركة الأصلية كتبت بواسطة mmahermf

ألف شكر يابشمهندس على تفاعلك واهتمامك بالرد.

الحمد لله ... امس وبتوفيق ربنا اتحلت المشكلة.

الموضوع طلع كنترول !!!!!!!!!!!!

رحت مركز الصفا في المنطقة الصناعية بحسر السويس أمام عمارات الفاروقية وعملت اسكان

المهندس اكد لي ان كل الحساسات سليمة ... يبقى العيب كنترول..

الصراحة جادلته كتير والراجل اتخنق منى وقال لي براحتك..

خرجت من عنده على الحرفيين ورحت غيرت الكنترول وكانت النتيجة مدهشة ولله الحمد.

التقطيعة راحت والعربية فاقت عن الأول في السحب..

وشكرا...

مبروك على وصولك للعيب
ممكن تقولنا جبت الكونترول بكام و منين

على فكره كان حصل معايا قبل كده ان الكونترول عندي اللى كان فيه مشكله بس انا مابدلوتش انا فكيته لقيت فيه رجيلاتور و دايودين و مقاومة كانوا بايظين غيرتهم و رجع بقى تمام