الحمد لله أمبارح حجزت ،المفروض الاستلام بعد أسبوع من عند واحد عنده معرض (مش موزع معتمد) بس أعرفه معرفة شخصية، سألت عند مرعى وعبد اللطيف جميل قالوا السوبر صالون هاتيجى على آخر الشهر.

طبعا القرار ده يرجع بعد توفيق ربنا سبحانه وتعالى إلى نصايحكم ومشاركتكم

بجد شكراً.

نيجى للمهم :
1- أيه الحاجات اللى بتيجى مع العربية
2- الفروض أروح التوكيل أمتى
3- أيه اللى المفروض يتشيك عليه وأنا بستلم
4-أروح لتوكيل مين، عندنا فى أسكندرية اتنين : مودرن موتورز فى الحضرة وعبد المنصف فالصحراوى، ومعانديش مشكلة اروح القاهرة لو العملية تستاهل

بالنسبة للزينون وال parking sensor كنت عايز العربية تيجى بيهم، بس طلع مينفعش.
بعد مأستلم إن شاء الله هروح أركبهم.

حاجة أخيرة : بالنسبة للكراسى، انا ناوى اعيد تنجيدهم جلد
بس مش مجرد فرش يركب فوق الاصلى، لأ تنجيد كامل
أنا عملت كده فى عربيتى اللى قبل اللى فاتت كانت lanos وبجد بيبقة تحفة مش مجرد تلبيسة للكراسى.