مفاجأه الكورسا من غير ثرموستات

**ameros** · 03-10-2010 01:17 PM

بالامس وديت العربيه الكوسا ال ١٠٠٠ سي سي مو ٢٠٠٠ مانوال موتور ٢ كامه ايكوتك للوكيل (منصور الصحراوي) وبعد الكشف عالعربيه تبين عدم وجود ثرموستات الكوعه وكانت المفاجأه العربيه معايا مالزيرو ومخرجتش تقريبا بره التوكيل طبعا عملت الواجب مع محمد الفرماوي ولونو ملوش دعوه باي حاجه

السوال ليه اتفك ووجوده ايه لزمتو لاني ملاحظ ان درجه الحراره مع التكييف اختلفت عن الاول شويه

مع الشكر

**ameros** · 03-10-2010 02:54 PM

محدش عارف حاجه؟؟؟؟؟؟؟؟؟؟؟؟؟؟؟؟؟؟؟!!!! !!!!!!!!!!!!!!!!!

**kar!m** · 03-10-2010 03:47 PM

بص الترموستات دى فى ناس كتير بتشيلها .. لانها وظيفتها انها بتمنع وصول مياه التبريد من الموتور للرادياتير و العكس .. أو بمعنى اخر بتحبس المياه جوه الموتور لو درجة الحرارة مش عاليه و بتفتح الدورة لما الحرارة تزيد .. طبعا لو فى مشكله ممكن متفتحش فده يخلى العربية تسخن جدا .. و فى المقابل لو بصيت لدورة المياه من ناحية الرادياتير .. هتلاقى ان المياه على طول داخله فى الموتور فمبتلحقش تبرد فى الدرادياتير.

الملاحظ انك لما تشيل الترموستات درجة حرارة العربيه بتتحسن عن معدلها الطبيعى جوه البلد أو فى المشى البطىء و بتزيد عن معدلها الطبيعى فى السفر للأسباب اللى فوق.

ممكن تكون و انت بتعمل لها صيانة .. حد مفتى شايف انها ملهاش لازمه فشالها .. أو عارف ان فى ناس كتير بتشتكى منها فشالها.

**ameros** · 03-10-2010 03:56 PM

والله يا كريم انا شايف ان الدنيا ظبطط كده عن الاول والعربيه فالسفر درجه الحراره علطول تحت التسعين بكتيييييييير وجوه البلد بتوصل للنص والمروحه تشتغل فتنزل

**ameros** · 03-10-2010 03:59 PM

بس انت مقولتليش الصح ايه بالثرمو ولا من غيرو احسن

**ameros** · 03-10-2010 04:01 PM

حتي فمراكز الصيانه في مفتي

**tananybasha** · 03-10-2010 04:52 PM

يعنى شالوها فى الضمان او فى صيانه دورية
عشان ميغيروهاش على حسابهم

**islambana** · 03-10-2010 08:12 PM

الميكانيكي اللي بتعامل معاه بيشيل الكوعه اوتوماتيك للعربيات اللي بتجيله علشان الناس تحس بفرق في الحراره وتشكر فيه وده طبعا من غير ماصاحب العربيه يعرف انها اتشالت

بالمناسبه بقي الكوعه جبتها بكام علشان عاوز اغيرها عندي

**kar!m** · 03-10-2010 09:59 PM

المشاركة الأصلية كتبت بواسطة ameros

بس انت مقولتليش الصح ايه بالثرمو ولا من غيرو احسن

هى طبعا لو شغاله كويس أكيد أحسن .. المهندسين اللى صموها محطوهاش اعتباطا كده .. هى المفروض بعد ما اتشالت ان العربيه تاحد وقت أطول معاك وهى بتسخن الصبح .. بس من تجارب ناس كتير كانت العربيه بتسخن معاهم لما شالوها الوضع اتحسن.

عارف عامله زى ايه كده؟ زى كده لما تعمل شورت على المروحه تخليها شغالة على طول .. هتلاقى العربيه بارده على طول. بس بتاخد وقت على ما تسخن الصبح .. و بتقصر عمر المروحه .

الموضوع: مفاجأه الكورسا من غير ثرموستات

LinkBack

أدوات الموضوع

عرض

-

-

-

-

المواضيع المتشابهه

سعر ثرموستات التكييف

ثرموستات الحرارة

كوع ثرموستات

ثرموستات الموتور

ثرموستات

الكلمات الدلالية لهذا الموضوع

المفضلات

المفضلات

ضوابط المشاركة