من المعروف عند تجديد رخصة القيادة الشخصية او رخصة العربية ، وجوب استخراج شهادة المخالفات في كلا الحالتين ، فما هو الفرق بين شهادة المخالفات الشخصية و شهادة مخالفات العربية؟
من المعروف عند تجديد رخصة القيادة الشخصية او رخصة العربية ، وجوب استخراج شهادة المخالفات في كلا الحالتين ، فما هو الفرق بين شهادة المخالفات الشخصية و شهادة مخالفات العربية؟
شهاده المخالفات للسياره
بتبقي من المخالفات اللي بتتحرر في الشارع زي الانتظار في الممنوع او استعمال الموبايل او حزام الامان او كسر اشاره الخ الخ الخ.
شهاده المخالفات لرخصه القياده:
بتفيد انك سددت اي مخالفات عليك نتيجه سحب رخصه القياده الخاصه بك
متشكر على الافادة
في الدول المحترمة بيكون المخالفة علي المتسبب فيها
يعني السرعة والركن في الممنوع وكسر الاشارة ومخالفة النظام والسير العكسي وما الي ذلك .. بتكون المخالفة علي السائق لأن السيارة المسكينة مش هي اللي غلط لكن البني آدم اللي سايق هو اللي غلطان فبتكون المخالفة علي رخصة القيادة مش علي رخصة تسيير السيارة
المخالفات التي تكون علي السيارة هي ما يتعلق بشيء مخالف في السيارة نفسها يستوجب تعديله مثل .. امن ومتانة السيارة .. زجاج فيميه .. اكسدامات مخالفة .. لوحات مطموسة .. انوار لا تعمل
هنا تكون المخالفة علي رخصة السيارة برقمها
احنا عندا غير كدة لأن المسؤلين عن المرور مش فاضيين .. هو بالعافيه بيقدر ياخد نمرة السيارة وخلاص لكن ماعندوش المقدرة علي ملاحقة السيارة وايقافها لتسجيل المخالفة علي رقم رخصة السائق
ده طبعا فشل ذريع خاصة لو اللي سايق مش هو صاحب السيارة كما هو الحال في الميكروباسات والاجرة والاتوبيسات النقل العام
السائق مش ح يدفع حاجة يبقي يحترم المرور ليه .... تولع بجاز
عرفت سيادتك ليه المكروباصات بتبرطع في البلد زي ماهي عاوزة لأن السائق مش بيدفع حاجة والمالك هو اللي بيدفع ... ومعظم مالكي الميكروباصات من ظباط الشرطة وامناء الشرطة بتوع المرور بالاخص (وما شابههم من وكلاء النيابة والفئات المستثناة من القانون ) يعني برضه مش بيدفعو مخالفات
وعجبي
وعلي رأي مدحت صالح..
واهي طربت شقلباظ..
ربنا يتوب علينا من اللي بيحصل ف البلد دي..