موبيل 1 مع Stp

**Ghamrawy** · 20-03-2008 04:45 PM

هو ينفع استخدام Stp اللى بيتحط على زيت الموتور مع موبيل 1 درجة 5-50w ياريت الاخوة المهندسين فى المنتدى يفيدونى فى التساؤل ده
و شكرا

**hazem_khidr** · 20-03-2008 09:59 PM

ايون ينفع تحطه عادي جدا
ليا واحد قريبي بيعمل كده لما الموتور عنده يخف و دي حاجه متجربه بقالها اكتر من 15 سنه في كذا عربيه.
اعمل كده عادي لان زيت الشنبر دا مهمته انه بيطلع علي الحتت اللي متآكله .
ما تسمعش كلام اللي يقولك حط زيت تقيل لان الزيت التقيل حيجيب اجل الموتور في فتره قريبه لان في مزانق في موتور البنزين مش موجوده في الديزل و دا بيخلي عمليه تزييت الاماكن دي بالنسبه للزيت التقيل مستحيله

**Ghamrawy** · 21-03-2008 12:23 AM

المشاركة الأصلية كتبت بواسطة hazem_khidr

ايون ينفع تحطه عادي جدا
ليا واحد قريبي بيعمل كده لما الموتور عنده يخف و دي حاجه متجربه بقالها اكتر من 15 سنه في كذا عربيه.
اعمل كده عادي لان زيت الشنبر دا مهمته انه بيطلع علي الحتت اللي متآكله .
ما تسمعش كلام اللي يقولك حط زيت تقيل لان الزيت التقيل حيجيب اجل الموتور في فتره قريبه لان في مزانق في موتور البنزين مش موجوده في الديزل و دا بيخلي عمليه تزييت الاماكن دي بالنسبه للزيت التقيل مستحيله

شكرا يا حازم باشا
يعنى هو مش حايبوظ خصائص ال موبيل 1 ؟؟ و مش لازم علشان الواحد يستعمل STP يكون الموتور خفيف لان الواحد ممكن يستعمله مع الموتور الزيرو
على فكرم انا اقصد العبوة الزرقاء، stp بيمشى مع الزيت فى كل حتة و بيقلل الاحتكاك فى كل الاجزاء المتحركة

**paladin** · 21-03-2008 12:39 AM

DONOT USE IT
it is very heavy so ot will increase engine friction and some parts of the engine might not get enough oil

**MEDO80** · 21-03-2008 12:59 AM

حيتقل الزيت
و بالتالي الموبيل 1 حيفقد خاصة و ميزة انةخفيف و بيزيت الموتور بسرعة اثناء الدوران الصبح و بالتالي بيمنع تاكل المعادن في الموتور و الاحتكاك و حيمنع الموبيل1 انة يدخل في الحتت الرفيعة و الضيقة اوي في الموتور و بالتالي مش حيزيتها كويس
لو حطيتة مره لازم تستمر علية بصفة مستمره
جرب حط زي موتور متعدد الدرجات شل اصفر او اكس اتش بي 20w50 دا لزوجتة اعلي من الموبيل 1 لو ما نفعش في الخر خالص و العربية فضلت اكل زيت او تطلع دخان حط زيت الشنبر بس تفضل تحطة كل غيار زيت
و عموما هوا لما بيلف في الموتور و بعد ما بيسخن و يطبع بيقلل الاحتكاك و بيوطي صوتة بس طبعا بيكون حل مؤقت و زي ما قلتلك ما تعملش كدا الا اذا كان الموتور رايح في داهية اصلا
حاجة اخيره حتلاقي دوران العربية بقي اصعب شوية و خصوصا لو الجو برد الصبح

**hazem_khidr** · 21-03-2008 03:45 AM

اووووووووووب
سوري افتكرتك بتتكلم علي xhp مش موبيل 1
سوري يا باشا
فعلا ال xhp هو اللي انا اقصده بلاش موبيل 1 في المواتير الخفيفه

**sab3aawy** · 21-03-2008 07:08 AM

صعب جدا يا باشا اللىانت بتقول عليه دا

يا إما الموتور جدا فنستعمل موبيل 1

يا إما الموتور خفيف فهنستعمل STP او الأشياء المشابهة له

الموبيل 1 ميزاته هى:

1- انخفاض اللزوجة فى الجو البارد مما يسهل حركة السيارة بسرعة فى الصباح
2- تكوين درجة لزوجةو مناسبة بسرعة مما يساعد على سرعة حركة السيارة
3- مبيحلش، مما يطيل بقاؤة فى المحرك بدون تآكل

لو انت حطيت عليه ال stp اللى هوة عبارة عن مربى زيت (زيت تقيل جدا زى المربى) يبقى انت افقدته كل خواص اللزوجة بتاعته وبالتالى مالوش لازمة فى موتور جديد، ولو انت حطيت المخلوط العجيب ده فى محرك قديم فهو كدة كدة هينقص ويحتاج تزويد ، الى جانب ان كمية الحريق اللى هتدخل عليه هتدهور خواصه وبالتالى حرام الفلوس

يبقى فى كل الأحوال المخلوط ده مالوش لازمة

بص ، انا افضل مخلوط جربته للمحركات القديمة هو زيت عادة درجة 40 على stp، بيخلى المحرك زى الجديد بالظبط

**MEDO80** · 21-03-2008 11:50 AM

جرب الشيل المونو او الابيض تمنة حوالي 37 جنية ( احادي درجة اللزوجة) و علية ال stp
بس دا لو حتستعمل مخاليط
و يا ريت تخليها في الاخر خالص بعد فشل الزيت لوحدة و تدهور حالة الموتور

**MEDO80** · 21-03-2008 11:54 AM

نسيت اقول لحضرتك ان الشيل المونو بتجيبة من محطة لشيل قدام الموقف الجديد عندنا في اسكندرية و ابعد عن المحلات مجهولة الهوية علشان 90 % من محلات الزيوت في اسكندرية عندنا بيشتغل في المضروب