الموضوع: كيفية غسيل موتور الماروتى

انا عن نفسى ما بغسلش الموتور انا بنفخة بالبلاور قدام البيت و خلاص
و لو لقيت حاجة عايزة تتمسح بامسحها بالفوطة و خلاص
و ابعد عن المياه لانها بتسبب بارومة و الصاج خفيف ما يستحملش بارومة

ده رأيي
سيادتك تنفخ العربية بالهوا المضغوط حتى لو عند بتاع الكاوتش وده كل اما تحس انه متعفر حبيتين وفي اثناء كده تفك فلتر الهوا من العمة وتنفخه من تحت لفوق بالهوا المضغوط...ومع احترامي للأخ اللي بيقول البلاور...البلاور ولا هيعمل اي حاجة في الاماكن المزنوقة....وبالذات الردياتير لازم تنفخه بانتظام من ورا لقدام...من ناحية المروحة عشان تنطر التراب عكس اتجاه ما دخل واول اما تلاقي خلاص مفيش تراب ساعتها تنفخه من قدام

بخصوص موضوع الغسيل...الغسيل مفيد جدا وبالذات لو فيه تلطيش جوه المكنه ونفسيا هتحس انك مرتاح...بس اهم حاجة انك تغسل والعربية باردة وتلف الموبينة والاسبيراتير وممكن الكلاكس بفوطة وبعدين تغطيهم بكيس باحكام شديد وبعد كده ان شاء الله تضربه بخرطوم مطافي ولا يهمك بس ما تكترش عند الكربيراتير...وممكن تبدأ بالجاز وبعدين الميه بالصابون....وبعد اما تخلص تديها خرطوم هوا مرة كمان بنفس الطريقة اللي فوق...وتفك الاكياس وتشيل الفوط...وتدي الموبينة والاسبيراتير هوا برضه

المشاركة الأصلية كتبت بواسطة exact

ده رأيي

سيادتك تنفخ العربية بالهوا المضغوط حتى لو عند بتاع الكاوتش وده كل اما تحس انه متعفر حبيتين وفي اثناء كده تفك فلتر الهوا من العمة وتنفخه من تحت لفوق بالهوا المضغوط...ومع احترامي للأخ اللي بيقول البلاور...البلاور ولا هيعمل اي حاجة في الاماكن المزنوقة....وبالذات الردياتير لازم تنفخه بانتظام من ورا لقدام...من ناحية المروحة عشان تنطر التراب عكس اتجاه ما دخل واول اما تلاقي خلاص مفيش تراب ساعتها تنفخه من قدام

بخصوص موضوع الغسيل...الغسيل مفيد جدا وبالذات لو فيه تلطيش جوه المكنه ونفسيا هتحس انك مرتاح...بس اهم حاجة انك تغسل والعربية باردة وتلف الموبينة والاسبيراتير وممكن الكلاكس بفوطة وبعدين تغطيهم بكيس باحكام شديد وبعد كده ان شاء الله تضربه بخرطوم مطافي ولا يهمك بس ما تكترش عند الكربيراتير...وممكن تبدأ بالجاز وبعدين الميه بالصابون....وبعد اما تخلص تديها خرطوم هوا مرة كمان بنفس الطريقة اللي فوق...وتفك الاكياس وتشيل الفوط...وتدي الموبينة والاسبيراتير هوا برضه

الله ينور عليك

انا لسة غاسل المتور امبارح فى وطنية وصدقنى بتفرق كتيررررررررررر
الماتور بيفك كده ههههههههه وكأنة بيقولك النظافة حلوة برضة هههه

والمهم برضة ان الغسيل بيخلى الخراطيم كويسة ومش تشقق من التراب

صباحو فل

السولار برضه اهم حاجة فيه التجفيف عشان ميبوظش حاجة
وبرضه من القواعد المهمة في الغسيل
ان العربية بعد الغسيل تجري بيها شوية (يعني قيمة 5 كيلومتر كده) عشان سخونة الموتور تنشف اي جاز باقي وعشان تنطر اي ميه ممكن تكون موجوده على طنابير الفرامل او مخزنة في اي مكان فالعربية

ممكن تستعمل فوم لغسيل الموتور بس دة مكلف شوبة تجيبه من وطنية وتخلى العامل يغسل لك الموتور