وحدات رفع زجاج

**OO7** · 03-10-2010 03:56 PM

عايز أركب وحدات رفع زجاج لسيارتى النيو النترا 2011 ... اشتريت وحدتين رفع تايوانى بتوع غريب بـ 90 جنيه

ولما روحت علشان أركبهم .. الفنى قالى الوحدات دى ما تنفعش وبتتحرق لأنها لا تناسب الكنترول بتاع الإلنترا

علشان الالنترا فيها نظام تأمين الأبواب والنوع ده من وحدات الرفع لا بتناسب مع هذا النظام .. ونصحنى إنى أروح

التوفيقية وأسال على وحدات رفع خاصة بالنترا وقالى إن الألنترا والسيراتو والكروز ليها وحدات رفع مختلفة عن

الوحدات العادية الموجودة فى السوق .. ولما سألته هل عندك منها قالى بـ 250 جنيه بالتركيب ولما شفتها

لقيتها عبارة عن وحدة واحدة بتشغل الـ 4 أبواب واسمها سيمفونى ومكتوب عليها صنع فى مصر .. الفنى بيقولى

هى دى وحدة الرفع اللى تناسب الآلنترا واللى بتنزل فى الفابريقة فى الموديلات السابقة ..

بصراحة حتى لو كان كلام الفنى صحيح من الناحية الفنية إلا إنه واضح إنه غير أمين فى الأسعار على الإطلاق

يا ريت لو حد عنده فكرة عن الموضوع ده يقولى إيه هى وحدات الرفع المناسبة للإلنترا ومدى صحة كلام الفنى

وإيه هو أفضل مكان للتركيب وما حدش يقولى التوكيل علشان أنا من الكارهين تماما للتوكيلات على الرغم من إن

سيارتى ما زالت فى الضمان فأنا عملت صيانة الألف خارج التوكيل علشان ما بحبش وجع الدماغ والاشتغالات ..

**M.Elhamy** · 03-10-2010 04:16 PM

أنا كمان عايز اركب وحدة رفع بس مش عارف اركبهم فين والتركيب حيبقى صعب ولا سهل

ياريت حد يفيدنا

**mohamed_mm** · 03-10-2010 04:28 PM

عن تجربه ممكن تركبهم عند حسنى الحكيم فى التوفيقية

**M.Elhamy** · 03-10-2010 05:55 PM

ممكن تفاصيل أكتر كانت بكام , التركيب كان عامل ازاي ؟

**hanyfarrag** · 04-10-2010 12:46 PM

على فكرة أنا شارى وحدة الرفع لماتريكس لزجاج الأربع أبواب
وتراجعت عن التركيب لانى حسيت انى حبهدل ضفيرة العربية

,أعتقد إن الفنى غير صادق فى كلامه تماما لأن وحدات الرفع وظيفتها فقط انها تدى 12 فولت لموتور رفع الزجاج فى حالة قفل السيارة بالريموت وبالتالى لا يوجد إختلاف شاسع بين الانواع المختلفة الموجودة فى السوق

وبعدين أنا شارى وحدة رفع الأربعة ب 65 جنيه من التوفيقية ماركة spy شكله نظيف جدا ومحترم
يعنى حضرتك شارى الوحدة 2 باب غالية برضو

وكنت سألت عند سبير كار كان موجود الأربعه ب 120 جنيه شامل التركيب.