عندي مشكلة في سيارتي الجولييت

**falak** · 07-10-2010 09:14 AM

المشاركة الأصلية كتبت بواسطة mely

بص يا باشا اولا: ابعد تماما عن سوست الدايو مهما عملت مش هتحل مشكلتك ربنا يهدى بتوع قطع الغيار الاستعمال وتلاقى عندهم سوست اوبل95تجيبهاوتقطع منها لفه ونص وتركب مساعدين kypوتركب ثلاثه افراد ورا وتدعيلى
ثانيا :تاخير الدواره فعلا رشاشات انا مركب بتوع هيونداى والسحب عندى عالى جدا والاداء رائع بس سمعت من بعض الاخوه هنا فى المنتدى عن رشاشات الbmwوناوى اجرب استهلاكها فى البنزين لان انا عندى بعمل فى الصفيحه من210كم الى220يمكن الbmwيكون اوفر عموما انا ليا واحد صاحبى مستورد هجرب من عنده طقم

ملحوظه سوست الاوبل تتقاس بمفتاح 14 بلدى لو الحلقه دخلت فيه يبقى دايو لو مدخلتش خالص يبقى اوبل وربنا يوفقك

والله فكرة .. حكاية الأوبل دي
بس يا ترى دي ما تأثرش على أي حاجة تانيــة في العفشة
ويا ترى بكام ومنين ؟؟؟

**mely** · 07-10-2010 12:44 PM

المشاركة الأصلية كتبت بواسطة falak

والله فكرة .. حكاية الأوبل دي
بس يا ترى دي ما تأثرش على أي حاجة تانيــة في العفشة
ويا ترى بكام ومنين ؟؟؟

تاثير على اعفشه مقارنه بالخبطات والحكات مافيش كل ما هنالك ان العربيه بتوطى من الامام (بتنكفى)الحل انك ترفع العربيه من قدام عشان تعمل موازنه مع ورا وعشان تنشف قدام زى ورا ولاهم المساعدين kypاو مونرو عشان السوسته دى قويه فابلمقابل عايزه مساعد قوى

**falak** · 07-10-2010 01:22 PM

المشاركة الأصلية كتبت بواسطة mely

تاثير على اعفشه مقارنه بالخبطات والحكات مافيش كل ما هنالك ان العربيه بتوطى من الامام (بتنكفى)[OVERLINE]الحل انك ترفع العربيه من قدام عشان تعمل موازنه مع ورا[/OVERLINE] وعشان تنشف قدام زى ورا ولاهم المساعدين kypاو مونرو عشان السوسته دى قويه فابلمقابل عايزه مساعد قوى

معلشي فيه حاجة مش فاهمها
إزاي العربية هاتترفع من الخلف بس
مش السوست هاتبقى 4
يعني قدام و ورا
؟؟
يبقى إزاي هاتترفع من قدام بس

وبكده يبقى أنا عايز أسأل سؤال مهم قوي عشان المفاهيم تبقى واضحة عندي ..
مين المسئول عن علو أو انخفاض العربية ؟؟
السوست ولا المساعدين ؟؟؟

**عصام غنايم** · 07-10-2010 01:25 PM

لا انصح بموضوع تغيير نوع السوست ده

وكمان قص السوست غلط كبير حتى لو كانت لنفس سوست العربيه فما بالك بنوع تانى

السوست بتبقى متصممه للعربيه مخصوص ولها معامل مرونه مخصوص لنوع العربيه علشان العربيه تدى ادآها صح

انصحك لو السوست عندك ضعفت ( تلاقى ارتفاع العربيه بدون تحميل واطى ) انك تجيب جوز سوست استيراد حيين ويتفكوا قدامك من عربيه واحد مينفعش تجيب سوستيتين من عربيتن مختلفنين لان ادآهم مش هيبقى واحد والعربيه عمرها مهتظبط معاك

**MMamdouh** · 07-10-2010 01:47 PM

المشاركة الأصلية كتبت بواسطة عصام غنايم

لا انصح بموضوع تغيير نوع السوست ده

وكمان قص السوست غلط كبير حتى لو كانت لنفس سوست العربيه فما بالك بنوع تانى

السوست بتبقى متصممه للعربيه مخصوص ولها معامل مرونه مخصوص لنوع العربيه علشان العربيه تدى ادآها صح

انصحك لو السوست عندك ضعفت ( تلاقى ارتفاع العربيه بدون تحميل واطى ) انك تجيب جوز سوست استيراد حيين ويتفكوا قدامك من عربيه واحد مينفعش تجيب سوستيتين من عربيتن مختلفنين لان ادآهم مش هيبقى واحد والعربيه عمرها مهتظبط معاك

+1

MMamdouh

**MMamdouh** · 07-10-2010 03:42 PM

ارتفاع العربية بيحددة السوست

MMamdouh

**falak** · 07-10-2010 08:56 PM

المشاركة الأصلية كتبت بواسطة mely

يا باشا الكلام الى انا بقوله انا مسؤل عنه ولو عايزنى اجيلك لحد عندك واثبت لك الكلام ده انا مستعد ثم مع احترامى للجميع لمل قالو شيل الطنابير وركب نوبيرا وركب جناب اوبل وغير ماستر مش كان تغير جزرى يا باشا انا بقولك ركب ياي انشف وقص منه لان الاوبل اتقل فابلتالى اللانوس مش هتقدر تضم حلقات الياى ارتفاع الاثنين واحد بس اللانوس بينضغط قوى الاوبل لأ

ومعلومه اخيره دلوقتى التجارب على سوست bmw

زى برضه ما جربنا الرشاشات
احنا بنجتهد ونجرب الى يناسب ظروفنا انا معايا ارض فى الجبل عربيتى بتعمل تقريبا حوالى 7000
فى الشهر معتقدش انا حد بيعمل كده او بيمشى ف الطرق بتاعتى
ومعلومه احنا 3عربيات عاملين كده ويا باشا و قابل اى حد سوست اوبل 95 يقولى وانا هشتريها لناس اصحابى كتير عايزين

أولا .. تجيلي لحد عندي دي .. كرم كبير منك ، وشرف كبير ليـــا
ثانيا .. أقول لك الحق ,, السيارة بالنسبة ليا وسيلة انتقال من و إلى الشغل ،، وتعتبر رجلي اللي بامشي عليها
مش عايز أقول لك إني في مشاويري الشخصية ( خروجات ،، فسح ،، إلخ ) باستعمل المواصلات حرصا مني على ترييح العربية في غير أوقات الشغل ،، وبيني وبينك كده ،، الواحد على أد حاله ،، ومش حمل أي تجارب أو أعباء أو تزويد في العربية ..
كل الحكاية أني نفسي أبقى زي باقي البشر .. آخد المطبات عادي ،، وأقدر أحمل تلاتة في الكنبة الورانيـة
بأبسط الحلول وأقلهم تكلفة ..
ماعندكش فكرة أد إيه الموضوع ده مضايقني
لإن الواحد في حياته الشخصية لديه الكثير والعديد من المشاكل والهموم ،، فمش ناقصة تكون أحد الهموم هي وسيلة إنتقالي للعمل ..
إنت عارف ,, أنا سبت العربية فاضية ,, ووقفت أمام جنبها ،، وجبت إتنين من صحابي ركبوا ورا واحد ثم التاني
ووقفت ألاحظ هل العربية هاتنخفض على الأرض أد إيه ؟؟
لقيتها انخفضت ( هبطت ) على الأرض انخفاض ملحوظ جدا ،، لدرجة إن الكاوتش بقى في محازاة الرفرف
تخيل ده وهي واقفة .. فما بالك لو باجري بيها ،، وأخدت مطب هوا
أسف إني صدعتك بحوارات مالكش ذنب تسمعها
بس أهوه من باب الدردشة حول المشكلة اللي بتقابلني
ولك خالص شكري وامتناني