55-60 ألف - زيرو ولا مستعمل

**aliabutaleb** · 20-03-2008 06:12 PM

السلام عليكم يا أحلى أساتذة
دلوقتي لو الواحد ميزانيته من 55 ألف إلى 60 ألف بالكتير وحب يشتري عربية يجيب إيه؟ (خللوا بالكم مش هايزود مليم :) )
أولاً انا عاوزكم تشاركوه الحيرة اللي بيواجهها
هل يجيب زيرو ولا مستعمل
هما أسرة صغيرة معاهم طفلين
وطبعاً خيارات الزيرو محدودة أوي
عشان كدة ناس اقترحت عليه انه يجيب حاجة مستعمل بالمبلغ ده
وإنه ممكن يستلقط لانسر ولا كورولا بيه

ايه اقتراحاتكم؟

**ابو سيف** · 20-03-2008 07:50 PM

بالسعر دة فعلا اقتراحات الزيرو محدودة جدا تنحصر في سيارات قد تكون مقبوله لدى البعض و غير مقبوله لدى البعض الاخر من حيث الحجم و الامكانيات و الاسم
لكن في ناس عندها مبدأ لا تغيره ابدا و هو موضوع الزيرو زيرو و دة لا خلاف عليه بس في ظروف زي اللى حضرتك بتتكلم عنها دي قد يكون في مرونه في التفكير لدى البعض

انا من رأي انه يجيب مستعمل حاجة نضيفه و موديل حديث نسبيا يعني ميحاولش يبعد اوي و يكون اختياراته في العربيات اللى سوقها ماشي كويس جدا سواء في اعادة البيع او الصيانه و قطع الغيار
و دة هيوفر عليه حاجتين

اولا : انها مستعمله و قد تحتاج الى بعض الصيانه فعشان ميغلبش فيها

ثانيا: انه لو ربنا اكرمه بفلوس او ملقاش المستعمل بيلبي احتياجاته يقدر يبيعها بسهوله دون خسارة

يعني ممكن يجيبها مستعمله و مش هيكون فيها مجازفه لأنه هيقدر يبيعها تاني بنفس السعر ازيد او اقل قليلا مش هيكون في مشكله
و لكن لو جاب عربيه زيرو و فجأه حس انها صغيرة او مش مريحاه و قرر يبيعها هتبقا خسارة كبيرة !!!

**SEATLOVER** · 20-03-2008 08:38 PM

لغاية و لحد 75 الف ج المســـــــــــــــــــــ ـــتعمل يكسب طبعاً

**bassemali** · 21-03-2008 01:50 PM

الزيرو زيرو عن خبره طويله 12 سنه مع المستعمل لو هاشحت مش هجيب مستعمل تاني أبدا

**Ahmad Allawy** · 21-03-2008 04:04 PM

والله يا باسم انت لو ركبت زيرو بس صيني..
اكيد هتفكر الف مرة انك ترجع تاني تركب حاجة محترمة بس مستعملة.. لأن مشاكل الصيني الجديد ممكن تكون اكترمن مشاكل المحترم النضيف المستعمل.
وللأسف المبلغ المتاح لأخينا هنا اللي فاتح الموضوع مش يتيح ليه غير انه يركب زيرو صيني او لادا..
والصيني ولا اللادا عليهم تحفظات كتير قوي..
بيتهيألي انه يركب لانوس مستعمل ولا لو وصل للانسر كريستالة موديل 2000 ولا حاجة تكون نضيفة.. احسن ليه الف مرةمن زيرو تعبان..
وللعلم اللانوس ولا اللانسر الاتنين قطع غيارهم متوفرة جدا و رخيصة الي حد كبير قوي..
وكفاية ان توكيلات الاتنين محترمة جدا..
نصيحة لوجه الله.. ابعد عن الهيونداي عشان غبور.. يا اما هتبقي مجبر انك تصلح برة التوكيل..
وربنا يوفق الجميع لما فيه الخير وبرضه لا تنسوا الاستخارة قبل اي قرار

**د.أحمد سمير** · 22-03-2008 03:42 AM

كسر الزيرو هو الحل .. يعني عربية مستعملة لا زالت في الضمان ..
الفكرة إن صاحب أي عربية زيرو بيوديها التوكيل طوال فترة الضمان ، فتاريخ العربية هتلاقيه في التوكيل .. وده هيقلل المخاطر بشكل كبير .. وهيعرفك عنها كل حاجة ، والمبلغ ده ممكن يجيبلك سيارات كويسة يعني أفيو 2006 ولانوس 2007 ، وفيرنا 2008 وماتريكس 2005 ونيو أكسنت 2006 .
لكن الياباني خصوصاً اللانسر والصني هتلاقيها ماشية كتير واتلعب فيها من كل من هب ودب .
الضمان غالباً بيكون 60 ألف أو 3 سنوات .. أعتقد متدفعش المبلغ ده في سيارة كسرت 50 ألف كم كورية الصنع وحديثة الموديل .. وده أحسن ألف مرة من المغامرة بالفلوس فس سيارة صيني .
وبما إن المبلغ نهائي بدون تزويد أ يمليم فمافيش مجال للنصيحة بالفيرنا أو اللانوس الجديدة خصوصاً إن المبلغ لقريب من المبلغ ده هيجيبلك عربية هاف أوبشن .
وبالتوفيق يا أبو رقية
تقبلوا جميعاً خالص مودتي

**Chicco** · 22-03-2008 07:11 AM

كسر الزيرو هو الحل .. يعني عربية مستعملة لا زالت في الضمان ..

+1
انما المبلغ ده مش بتاع زيرو

**mahamedaraby** · 22-03-2008 04:03 PM

صعب ان هو يلاقى
ولانوس 2007 ، وفيرنا 2008 وماتريكس 2005 ونيو أكسنت 2006 .

بالمبلغ ده ولا ايه انا تقريبا على حسب اسعار السوق صعب اوى

او ياريت تقولى لو انا غلطان

ومن راى مستعمل بس المستعمل مشكلته انك تقع فى عربيه كويسه بس هى دى المشكله لكن لو انت لقيت عربيه كويسه وحالتها نضيفه خلاص كده ان شاء الله مش هتتعبك خالص وهتكون ماشيه معاك كويس

وربنا معاك ويوفقك فى الخير

**sherif_84** · 22-03-2008 05:38 PM

حضرتك ممكن تجيب عربية شاهين حالة ممتازة وفيها تكييف وباور وسنتر وموديل 2004 او 2005 او 2006 ومش هتكون ماشية كتير وعن تجربة مش هتخسر فلوسك أبدا
ولو حبيت تبيعها فى المستقبل بعد سنتين او اكثر هتجيبلك أكتر من ثمنها لأن شركة النصر خلاص هتتباع والشاهين المستعملة سعرها هيزيــد جامد بعد كده
وطبعا مش هوصيك على الحالة لازم الحالة تبقى ممتازة وخصوصا ان المبلغ اللى معاك كويس جدا

**أبو ياسين** · 23-03-2008 09:15 AM

المشاركة الأصلية كتبت بواسطة د.أحمد سمير

كسر الزيرو هو الحل .. يعني عربية مستعملة لا زالت في الضمان ..
الفكرة إن صاحب أي عربية زيرو بيوديها التوكيل طوال فترة الضمان ، فتاريخ العربية هتلاقيه في التوكيل .. وده هيقلل المخاطر بشكل كبير .. وهيعرفك عنها كل حاجة ، والمبلغ ده ممكن يجيبلك سيارات كويسة يعني أفيو 2006 ولانوس 2007 ، وفيرنا 2008 وماتريكس 2005 ونيو أكسنت 2006 .
لكن الياباني خصوصاً اللانسر والصني هتلاقيها ماشية كتير واتلعب فيها من كل من هب ودب .
الضمان غالباً بيكون 60 ألف أو 3 سنوات .. أعتقد متدفعش المبلغ ده في سيارة كسرت 50 ألف كم كورية الصنع وحديثة الموديل .. وده أحسن ألف مرة من المغامرة بالفلوس فس سيارة صيني .
وبما إن المبلغ نهائي بدون تزويد أ يمليم فمافيش مجال للنصيحة بالفيرنا أو اللانوس الجديدة خصوصاً إن المبلغ لقريب من المبلغ ده هيجيبلك عربية هاف أوبشن .
وبالتوفيق يا أبو رقية
تقبلوا جميعاً خالص مودتي

+++++++++++++++++++++++1