المشاركة الأصلية كتبت بواسطة karim_monir
سبحان الله ربنا مقدرلك بلاء ومقدرلك الحل بس ربنا عايزك تصبر
وعايز يسمع دعاك
شوف يا حبي
الصدقة دي بينك وبين ربك بس انت عارف احسن الصدقات اولا صدقة السر وثانيا تحرى مكان الصدقة مش تطلع فلوس وخلاص لاء اتعب نفسك شوية وتالت حاجة افضلهم الاطعام
تروح للجزار النضيف اللي في شارع الهنوفيل وتجيب كام كيلو لحمة من اللي انت بتحبها (لن تنالو البر حتى تنفقوا مما تحبون)
وتقوم واخد اللحمة على البيت مع شيكارة رز 5 كجم وتخلي المدام تسلق اللحمة وتعمل الرز بالمرقة بتاعتها
وتجيب عيش حلو كدة وتحط الرز في العيش واللحمة معاهم وتلفهم كويس
وتاخد الشنطة المحترمة اول واحد تديلة السايس بتاع الجراج بنية الصدقة مش من الاجرة ولا حاجة
وتنزل بنفسك بعربيتك الجديدة تتحرى اماكن الناس الغلابة (غلابة قوي يا احمد) اللي ما بشوفوش اللحمة
وتنزل توزعها بايدك ويفضل بعيد عن منطقة سكنك
وربنا يتقبل منك ان شاء الله