بلف كانستر canister valve ؟؟؟؟؟

**م/مصطفى محمود** · 03-10-2010 05:55 PM

السلام عليكم ورحمة الله وبركاته

كان عندي مُشكلة فى العربية إنها لما بتبطل الماتور بيدربك حوالي 5 ثواني + فى دخان إسود خارج من الشكمان

فروحت لميكانيكي شغال فى أوماترا راح شال خرطوم كده تحت العمة وخرج منه حاجه وبعد كده ركب الخرطوم تانى ، قلتلة أية المشكلة قالى فى مشكلة فى بلف الكانستر وانا لغيتة ، قلتلة يعني إية لغيتة قالى متقلقشى هو كده مش هيعمل حاجه

وفعلا العربية بطلت تطلع دخان وبطلت تكركب ، بس عايز أعرف إية خطورة إلغائة

واللى عرفتة من النت أن الصمام ده بيُعيد إستخدام بخار البنزين اللى بيتبخر !!!!!

CANISTER PURGE VALVE

فأتمنى ان حد يفيدني

**mbx4e** · 15-12-2010 04:56 AM

يعني انت عارف اسمه بالعربي والانجليزي ومش عارف معناه ولا خطورته ؟مش غريبه دي ؟؟؟؟؟؟؟؟؟؟؟
canister is a container in an evaporative emission control system contains activated charcoal granules to trap vaporous from the fuel system
قلي بقى لما بقيت تمون وتركز كدا اكيد رائحة البنزين بقت تعد فتره اطول
على فكره هو وظيفة الكانستر انه بيلم ابخرة البنزين الضاره بالبني أدمين (فلتر يعني بس من الفحم النباتي ) عشان في ناس بتعمل دماغ ومنهم الاطفال طبعا
والابخره دي بيبقى فيها بنزين لانه متطاير فبدل ما العربيه تستفيد بالبنزين او زي مابيقولوا بتشم بنزين انت اللي هاتشمه اما حطط ضرر انت قيم حلوه ريحة البنزين اوك الاستهلاك ممكن تلاحظه وومكن ماتفرقش ( بس بيتهيا لي هايفرق في الصيف معاك اكتر من الشتا لو انت دقيق اوي في موضوع الاستهلاك دا )
وفيه ليه صمام سولونيد وفيه خرطومين (مدخل ومخرج في كل واحد ) هو دا البلف اللي قصده عليه اللي فصله

**م/مصطفى محمود** · 15-12-2010 05:23 PM

يعني انت عارف اسمه بالعربي والانجليزي ومش عارف معناه ولا خطورته ؟مش غريبه دي ؟؟؟؟؟؟؟؟؟؟؟

الفكرة إني ملقتش معلومات كفاية عنة فى النت ، وحتى مش لاقية عند بتوع قطع الغيار و2 ميكانيكية قالولي مش مهم

وإستهلاك البنزين مفرقش (لأنه كان بايظ اساسا) ، عموما لو هدور علية تاني بإذن الله

والف شكر على الإهتمام

**mbx4e** · 15-12-2010 08:04 PM

هو مش خطير قوي انا بهزر معاك بس
اصلي لاقيتك سائل وحاطط الاجابه مع بعض استغربت فقلت اما انكشك بس كدا
بجد البتاع دا مفيد
على فكرة انت لو بتفهم شويه ميكانيكه وهيدرولك والحوار دا ممكن تعمله
لانه عباره عن صمام سولونويد او بيسموه هوا مش فاكر اوي بس عد عليا الاسم المصري بتاع الصنايعيه في موضوع هنا في المنتدى
وفلتر اللي هو الاسود دا بتاع الفحم النباتي (هو بيبقى عباره عن ماده زي السفنج وفيها الفحم النباتي دا عشان يمتص الرائحه بس دا كل الموضوع
هو سهل بس محتاج تفاصيل وتدور ووجع دماغ شويه
وانت وشطارتك