لون عربيتك ايه

20-03-2008 10:13 PM

طبعا كتير منكم كان نفسه فى لون معين لعربيته
لكن لظروف ما بنجيب عربيه مش راضين عن لونها
والظروف دى مثلا زى انك بتشترى عربيه مستعمله طبعا مش هتحدد اللون
او مستعجل على شراء العربيه واللون ال عجبك هيتاخر 3او4 شهور اواكتر
او نفسك فى عربيه لونها اسود اوكحلى والالوان دى بعد سنتين تلاته لونها بيغير خصوصا مع التراب والجو بتاعنا الجميل
سؤالى دلوقتى ايه هو لون عربيتك وهو ده اللون ال عجبك والا كان نفسك فى لون تانى؟

**OlaOsman** · 20-03-2008 10:23 PM

زرقا.. مستعملة فهي كده.. لقيتها كده و جبتها كده :)

اما التالية بإذن الله فهاتكون سيريون 1300 اوتوماتيك و لونها سماوي او احمر او نبيتي بترتيب الأفضلية.

على فكرة انا أصلا العربية اللي معايا لسه اول ليها معايا و ما ركبتهاش حتى.. بس من دلوقتي حاطة مواصفات اللي بعدها ما تسألينيش ازاي :p

20-03-2008 10:28 PM

المشاركة الأصلية كتبت بواسطة OlaOsman

زرقا.. مستعملة فهي كده.. لقيتها كده و جبتها كده :)

اما التالية بإذن الله فهاتكون سيريون 1300 اوتوماتيك و لونها سماوي او احمر او نبيتي بترتيب الأفضلية.

على فكرة انا أصلا العربية اللي معايا لسه اول ليها معايا و ما ركبتهاش حتى.. بس من دلوقتي حاطة مواصفات اللي بعدها ما تسألينيش ازاي :p

ان شاء الله تجيبى اللون ال نفسك فى

**knightmido** · 20-03-2008 10:32 PM

تعرف موضوع حضرتك فعلا لذيذ اوى .. عن نفسى انا اشتريت عربية مستعملة ..الحمد اللون كنت بحبه وهو الاسود فى الانوس 2 .. وده توفيق من ربنا وبس

**theking2690** · 20-03-2008 10:44 PM

نبيتى و انا اللى مختار اللون لأنى جايبها زيرو

**abdelaziz-waleed** · 20-03-2008 10:48 PM

موضوع ظريف جداً يا ام مالك بس كنت افضل انك تعمليه على هيئة استطلاع وتحطي فيه اشهر 10 الوان بدرجاتهم زي مثلاً الابيض والاحمر (وتحته النبيتي ودم الغزال) والازرق (وتحته الكحلي والزهري والبتنجاني) والرمادي وتحته (الفيراني) والاخضر (الزيتي) والاسود والاصفر (الكناري) وهكذا بحيث نعرف اكتر لون بيهتم بيه اعضاء المنتدي.

عموماً انا اشتريت عربيتي مستعملة بس ربنا وفقني وكان لونها كحلي. في الأول مكانشي عاجبني اوي بس كان عاجب زوجتي جداً ومع الوقت بدأت احب اللون ده جداً. انا عن نفسي بموت في لون دم الغزال.

**Moh.Fahmy** · 20-03-2008 10:53 PM

انا بيغلب علي اختياراتي في اللون العملية شوية
يعني مافيش شك ان الغوامق في العربيات اشيك بكتير انما مش عملية في مصر بسبب فنانينا المنتشرين في الشوارع مستخدمين مسامير بدل الفرش و الخدوش ايضا في الغوامق بتظهر قوي
لذلك كان اختياري الشامبين و هو لون عملي قوي و فيه حركات كتير يعني بالنهار تلاقيه لون و بالليل لون تاني خالص و التراب ما بيظهرش فيها قوي

محمد فهمي

**Hossam.Hamdy** · 20-03-2008 11:21 PM

الاسود ملك الالوان و بحب اللون ده جدا والحمد لله عربيتى سوداء...وموبايلى اسود كمان

**hazem_khidr** · 20-03-2008 11:32 PM

السويفت لونها فيراني
الياريس لونها رمادي
و الاتنين انا اللي مختار لونهم و مكنتش حتنازل عن اللون اللي في بالي رغم اني جايب واحده جديده و التانيه مستعمله بس برضه اخترت
بالنسبه للمستعمل كنت منقي يا الفيراني يا الاحمر مارلبورو بس دي جات قولت عل البركه .
و عن نفسي ما اعرفش اركب عربيه لونها مش عاجبني

20-03-2008 11:33 PM

بقولك ياحسام افندى
مفيش احسن من الازرق
والا مافيش عدادات :D:D:D:D:D
عامل ايه يا جميل واحشنى والله
وخلصت عربيتك ولا لسه

.....
والاسود كمان جامد عشان انت حبيبى ;)

الموضوع: لون عربيتك ايه

LinkBack

أدوات الموضوع

عرض

-

-

-

-

المواضيع المتشابهه

لون عربيتك أيه ؟

عربيتك ابه

عدلت فى عربيتك السيفيك من برة أو جوة؟ إنشر صور عربيتك.

عربيتك كام سى سى

دلع عربيتك

الكلمات الدلالية لهذا الموضوع

المفضلات

المفضلات

ضوابط المشاركة