عرض للطباعة
السلام عليكم ورحمة الله
شئ غريب حصل في عربيه اوبترا اتوماتيك
وهي ان العربيه اوقات ما ترضاش تدور ابدا وبعد فترة تدور عادي وده مش بيحصل في كل الاوقات
بل يحدث عشوائي واوقات عند تشغيل المارش تسمع صوت تقطيع وما ترضاش تشتغل والمارش شغال عادي
يا تري ايه اللي ممكن يتسبب في الموضوع ده
وفيه كهربائي قال ان ده حساس الشكمان
فهل ده صحيح ؟؟
ممكن توضيح أكتر من كده ... أصلى بصراحه مش فاهم أوى :iamwithstupid:
ممكن يكون عيوب كتيره زى :
كابل البطاريه مش متثبت كويس .
جلب المارش سخنت فبتأخر فى التشغيل .
عيب فى الكونتاكت نفسه ...... إلخ
وبصراحه أنا لسه جديد فى الأوبترا ومعرفش إيه موضوع حساس الشكمان إللى الكهربائى بيقول عليه .
وإن شاء الله ح تلاقى أعضاء كتير هنا فى القسم ممكن يفيدوك أكتر منى .:helpsmilie:
زى ما استاذ باسم قال لحضرتك
دى ممكن تكون عيوب كثير جدا
و الكهربائى ما يينفعش فى الحاجات دى
دى محتاجة مركز صيانة متخصص عندة ميكانيكا و كهرباء و كشف بالكمبيوتر
ممكن الرشاشات
ممكن البطرية
ممكن عايزة تنظيف فلاتر بس
فالى هايحكم حد متخصص جدا
ولو عايز حد كويس ممكن ابعتلك على الخاص عنوان حد كويس
و بالتوفيق
الحقيقه مافيش توضيح عندي لان ده كل اللي بيحصل
العربيه اوقات تدور عادي واوقات ما ترضاش تنطق
واليوم كانت شغاله عادي ولما دخلت بنزينه بطلتها ومونت وجيت ادورها حلفت ما هي دايره
فاتصلت بميكانيكي ووصل بعد حوالي ساعة ودورها دارت من غير ما يعمل حاجه
وتقريبا القصة دي بتحصل والعربيه سخنه ولما بتبرد بتدور
والبطارية كويسه لان المارش شغال عادي وهي اوبترا 2006 اتوماتيك
واللي محيرني ان الموضوع ده بيحصل عشوائي يعني مش في كل مرة
طيب ممكن تكون جلب المارش .... على العموم أستاذ أيمن كاتب فى مشاركته :اقتباس:
المشاركة الأصلية كتبت بواسطة kareembelal
ممكن تاخد العنوان من أستاذ أيمن وتكشف عليها هناك .... وربنا يوفقك .اقتباس:
المشاركة الأصلية كتبت بواسطة aymanmaly
شكرا لاهتمامك يا استاذ ايمن ما قولتليش المركز ده فين لاني من البحيرةاقتباس:
المشاركة الأصلية كتبت بواسطة aymanmaly
طيب جلب المارش مش بتأثر في صوته مثلا ؟؟اقتباس:
المشاركة الأصلية كتبت بواسطة bassem raafat
لأن صوت المارش طبيعي جدا
لا دة فى القاهرةاقتباس:
المشاركة الأصلية كتبت بواسطة kareembelal
بعتزر جدا انى ماعرفش حد فى البحيرة
على العموم لو بتنزل القاهرة اهلا بيك اقبلك و اروح معاك
اقول لحضرتك تقربيا ممكن تكونه البطاريه لان حضرتك لم دخلت البنزينه وبطلت العربيه مش رضيت تدور لان البطاريه نامت والدينمو مش شحن عشان ممكن تكونه مروحه العربيه اشتغلت اومشغل الكاسيت او النور لم سبتها شويه جمعت شويه ودرت تانى ممكن والله اعلم مش هتخسر حاجه روح عند ورح بتع بطاريات خلى يبص عليها
ممكن تكون طلمبة بنزين
جلب المارش لو سخنت بتأخر العربيه فى التدوير ، ومش بتأثر على صوته .اقتباس:
المشاركة الأصلية كتبت بواسطة kareembelal
فعلا هو ممكن جدا تكزن طرمبه البنزين بنسبه 99% عشان مره عملتها معايا في عربيه قبل كدا وكانت الطرمبه في الكبوت عادي كنت بحط بلف عليها قماشه واغرقها ميه عشان كانت لما تسخن تفصل ولما تبرد تشتغل فكنت بعمل كدا عشان تعقد فتره كبيره بارده والله اعلم
شكرا لكل من ساهم في حل المشكلة
وبكده السبب ممكن يكون يا إما في جلبة المارش
وإما طربمبة البنزين واعتقد فعلا ان ده اقرب للواقع
شكرا لكم جميعا
العفو يا باشا انت تأمر
اقتباس:
المشاركة الأصلية كتبت بواسطة kareembelal
ممكن يا باشا بعد اذنك تقولنا عملت إيه لأن المشكله دي بتظهر عندي ومش علي طول ممكن تدور عادي وممكن تسمع صوت المارش كأنها هتدور بس تقعد شويه وساعات ماتدورش وساعات تدور بس بعد دقيقه مثلا او اقل وساعات لازم ابطل وادور تاني وعلي حسب ياما تدور علي طول او لازم ابطل تاني وادور وبالليل بس مش عارف اذا كان ليه علاقة بالموضوع ولا لأ لما بكون مشغل النور وارفع الزجاج النور بيضعف بس مش عارف ايه الحل وعلي فكره انا عربيتي موديل 2006 بس مانيوال فياريت تطمنا وتقولنا عملت ايه بالضيط لأني مش عارف أعمل ايه وياريت اتكلفت كام لو أمكن
وشكرا ليك يا باشا
اقتباس:
المشاركة الأصلية كتبت بواسطة aymanmaly
ممكن يا باشا تبعتلي العنوان لأني محتاج حد كويس بعد إذنك واكون شاكر ليك جدا
انا صديقي كان عنده نفس المشكله في سيراتو الجديده وغير طلمبه البنزين ومتحلتش وفي واحد قاله احتمال يكون رشاشات فشوف حد قريب منك يعملك اختبار رشاشات قبل ما تغير حاجه
انا عارف انك بتتكلم عن اوبترا بس انا قلت ممكن يكون نفس العيب
وربنا يسهلك امورك انشاء الله
هو فى حاجة جت على بالى و بتسبب نفس ألأعراض دى و هى حساس الكرنك. أتمنى أن العطل مايكونش منة لأنه غالى على الرغم من أنه قطعة غيار صغيرة جدا فى الحجم.
انا عن تجربه كان بيحصل إنى بسمع صوت تكة المارش لكن العربيه مش بتشتغل ممكن أحاول اكتر من مره وأحيانً تشتغل واحيانً لأ ، فممكن حضرتك لو حصلتلك حاول تدورها بمشترك بطاريه لإنى عملت كده وكان العيب من البطاريه ولما غيرتها الحمد لله ظبطت العربية رغم إنها ACDelco وكان لون المؤشر أخضر .
لكن بعد تغييرها ماشاء الله العربيه بقت تمام في الناحية دى لكن برده لما برفع الزجاج النور بيضعف !!!!!!!!!!!!! رفم إنها 85 أمبير مش 60 أمبير زي اللى كانت فيها.
عملية ضعف النور مع استعمال مكن رفع الزجاج طبيعى
انا حاولت لفترة طويلة داخل التوكيل و خارج التوكيل و لم يحل لاكن مش مؤثر على حاجة فى اداء العربية
هذا العيب واجهته مع سيارتى ( اوبترا اوتوماتيك 2008 ) وكان الموضوع ده قارفنى ودوخت لغاية لما روحت لكهربائى وقالى ان الموضوع فى حساس الشكمان وفعلا الراجل طلع الحساس القديم ونضفه ورش عليه اسبراى مش عارف اسبراى ايه بالظبط وركبه تانى ومن بعدها ولا كأن شئ حدث ........ يعنى حتى مغيرتش الحساس .... الكهربائى فى الاسكندريه ناحية المطار ..... فبرجاء التمهل قبل ان يتم اللعب فى السياره بلا سبب
عن تجربه برضوا المشكله دي كانت في عربيتي الاوبترا موديل 2006 المانيوال وكان العلاج بطــــــــــــاريــــــــ ـه وغيرتها ومن ساعتها والحمد لله العربيه بتدور عادي جدااااااااا
احتمال كبير تبقا الموبينا او سلوك البوجهات بيظة خالص ويا رترا لما بدور بتقطع سعات وهي مشية