سؤال بسيط عن الشكمان

**Strong** · 03-10-2010 08:21 PM

أنا عايز أغير علبة الشكمان الخلفية

ولقيت نوعين

سعودي و أبو اليزيد

الاتنين تمنهم 190 بالتركيب

لكن علبة أبو اليزيد ملاحظ عليها خطوط صدأ بسيطة على عكس السعودي حتى لما خربشتها بمفتاح لاحظت انها مجلفنة مش طلاء اللي عليها

وبيقولوا ان أبو اليزيد الأصلي

طيب
1- اشتري ايه في النوعين المتاحين دول ؟
2- لو ركبت ماسورة مكان علبة البيئة هل هيكون صوت الشكمان أهدأ أم لا علشان علبة البيئة منتهية عندي

**محمد الشامي** · 03-10-2010 08:31 PM

خليك مع شكمانات ابو اليزيد احسن , وعلى فكره نفس العلبه هتلاقي منها اللي بـ 190 جنيه وهتلاقي منها اللي بـ 350 تقريبا ,, الفرق بينهم في تقل الصاج والعمر الافتراضي , لكن الحشوه الداخليه هي هي بالظبط

وبالنسبه لعلبه البيئه

لو غيرت علبه البيئه بماسوره عاديه هيكون الصوت اعلى سنه بسيطه (حتى لو كانت علبه البيئه مسدوده او صوتها عالى), لكن هتلاحظ علوالصوت فقط لو دخلت شارع ضيق مثلا عشان الصوت بيرن ويرجعلك تاني

وفي بديل لعلبه البيئه , حاجه اسمها العلبه الرنانه ودي بتقلل الصوت شويه , وهي نفس تكوين علبه البيئه لكن مع اختلاف الحشوه الداخليه , بتكون فيها الياف حراريه وحاجات زي كده لتقليل الصوت , لكن علبه البيئه بيكون فيها فحم لإمتصاص اكبر قدر من العوادم الضاره

بص على الموضوع ده
http://www.nilemotors.net/Nile/178045-a.html

**dr_mak** · 04-10-2010 01:42 AM

انا ركبت السعودي وزي الفل .....وهقولك السبب ...انا عربيتي استراد والعلبة الخلفية فضلت ماشية عشر سنين ولما جيت فكتها ماكنش حتة صدا ولقيتها مجلفنة زي السعودي بالضبط ...........لكن بتاعت ابو اليزيد كانت رديئة والدليل علة كدة اننا بنلاقي عربيات 2006 2007 وبيغير الشكمان لكن العلب المجلفنة جميلة

**aymantop1** · 04-10-2010 04:40 AM

المشاركة الأصلية كتبت بواسطة dr_mak

انا ركبت السعودي وزي الفل .....وهقولك السبب ...انا عربيتي استراد والعلبة الخلفية فضلت ماشية عشر سنين ولما جيت فكتها ماكنش حتة صدا ولقيتها مجلفنة زي السعودي بالضبط ...........لكن بتاعت ابو اليزيد كانت رديئة والدليل علة كدة اننا بنلاقي عربيات 2006 2007 وبيغير الشكمان لكن العلب المجلفنة جميلة

تحليل منطقى وجميل فعلاً أنا باخد بجودة المنتج إللى قدامى مش بالأسماء