هل النقل الثقيل مسؤول عن الحوادث بشكل رئيسي ؟ .. حادث حصل امامي

**horas3000** · 04-10-2010 10:40 PM

المشاركة الأصلية كتبت بواسطة mahmoud_afifi

الله يسلمك.
انا عارف ان المفروض النقل يمشي على اليمين وطريق السويس تقريبا من اكتر الطرق في مصر النقل التقيل بيلتزم بالقاعده دي. بس المشكله ان الطريق عباره عن حارتين فقط ولما يكون في عربيه نقل ماشيه بسرعه اسرع نسبيا من الي امامها بالتالي بيضطر انه يتجاوزها من الحاره اليسار. وده الي كان حاصل النهارده بس النص نقل المسكين كان متسرع. وشكرا على مشاركتك واهتمامك

حضرتك كلمة تجاوز مش مفروض تبقي موجودة في قاموس سواقين النقل
في الحالة الي انت بتقول عليها دي يا اما سواق النقل يهدي يا اما السواق اللي قدامة يوسعله لو الطريق يسمح و ده طيعا بيكون في اليمين
فكده كده سواق النقل غلطان

**د.محمود صلاح** · 06-10-2010 08:30 AM

الرعب في التريلا بقطورة فاضية بدون حمولة ... بيطيروا من على الأرض بكل رعونة

**mahmoud_afifi** · 06-10-2010 10:58 PM

المشاركة الأصلية كتبت بواسطة horas3000

حضرتك كلمة تجاوز مش مفروض تبقي موجودة في قاموس سواقين النقل
في الحالة الي انت بتقول عليها دي يا اما سواق النقل يهدي يا اما السواق اللي قدامة يوسعله لو الطريق يسمح و ده طيعا بيكون في اليمين
فكده كده سواق النقل غلطان

كلام حضرتك صح بس في نقطه, انا كنت عايش في السعوديه. وما ادراك ما السعوديه. هناك النقل بيلتزموا بالقوانين صح وكنت بشوف النقل بيتجاوز بعض لو في فرق سرعات كبير. وده صح نوعا ما بس بالنسبه للطريق بتاع السويس عشان حارتين مش عارف يبقى ايه الي المفروض يتطبق. بس النقل الي خبط النص نقل كان ماشي بأقل من السرعه المقرره بمرااااحل وكان بيتجاوز الي على اليمين. مش دي المشكله دلوقتي, المشكله في النص نقل الي شايف ان الطريق مقفول ومصمم انه ياخدها بالعافيه.

المشاركة الأصلية كتبت بواسطة د.محمود صلاح

الرعب في التريلا بقطورة فاضية بدون حمولة ... بيطيروا من على الأرض بكل رعونة

اتفق مع حضرتك, وانا شفت من النماذج دي كتير, واقربها النهارده. بس انا ضد مبدأ التعميم :)
زي ما في نماذج وحشه كتير في نماذج كويسه كتير قوي, يعني على الطريق الصحراوي مثلا كنت ماشي ولقيت تريلا قفلت نورها عشان ممكن مؤذي الا حد ما. بصراحه راجل احترمته قوي.

**shaddadfalcon1** · 07-10-2010 12:20 AM

العربيات النص نقل الجديده بقت وباء وانتشرت بغباء وسريعة جدا وكل واحد فاكر ان العربيات بتجيب فلوس فلوس من تحت الأرض يبيع الأرض ويشتري عربيه

والله العظيم كل مااعدي علي ورشه عندنا الاقي تقريبا عربيه نص نقل واتنين وتلاته مدغدغين مكملوش سنه

بالنسبه للنقل التقيل فيه وفيه

لسه النهارده علي الزراعي بعد كوبري ابيس في يوتيرن وعربيه مقطوره حته واحده بتلف وطبعا واخده الملف علي واسع قوي ولقيت عربيه ملاكي داخله فيها عند العجل اللي ورا
مش عارف حصلت ازاي لاني مشفتهاش بس كانت لسه يادوب طازه بس عندي احساس ان بتاع الملاكي غلطان

**Khellooo** · 07-10-2010 07:11 AM

لسه النهارده علي الزراعي بعد كوبري ابيس في يوتيرن وعربيه مقطوره حته واحده بتلف وطبعا واخده الملف علي واسع قوي ولقيت عربيه ملاكي داخله فيها عند العجل اللي ورا
مش عارف حصلت ازاي لاني مشفتهاش بس كانت لسه يادوب طازه بس عندي احساس ان بتاع الملاكي غلطان

هو ده اللى أنا بتكلم عليه إن اللى سايق يراعى النقل التقيل لأن حجمه كبير وحركته مختلفة وأغلب الحوادث مع المقطورة بتبقى بالشكل ده لأن بتاع الملاكى كان مستعجل كالعادة ومش مقدر إن بتاع المقطورة بياخد الملف على الواسع وبعدين بيضيق الملف علشان تيجى على مرة واحدة وماتعطلش الطريق أكتر من كدا

فنصيحة لكم جميعا لما يبقى أمامك مقطورة فى ملف (يو تيرن) سيبه يلف براحته من غير ماتدخل جنبه (ماجاتش على الدقيقة دى) علشان ربنا يسترها معانا جميعا

**yoko** · 07-10-2010 08:28 AM

مش هقولك إن من يومين كنت ماشي 90 على الدائري في الجزء الي فيه ردارات وكنت هتشال من مقطورة ال................* الي راكبها كان ماشي فوق ال120 وبياكل غرز ما بينا وجه ورايا والطريق قفل قعد يكبس عليا لدرجة إن المسافة بيننا كانت متعديش 1سم وأول ما الطريق فتح أكل غرزة من ورايا ورما عليا عشان يلبسني الرصيف عشان معتدوش مع إن الطريق كان زحمة ومفيش مجال إني أوسعلة!!!

**shaddadfalcon1** · 07-10-2010 09:04 AM

المشاركة الأصلية كتبت بواسطة yoko

مش هقولك إن من يومين كنت ماشي 90 على الدائري في الجزء الي فيه ردارات وكنت هتشال من مقطورة ال................* الي راكبها كان ماشي فوق ال120 وبياكل غرز ما بينا وجه ورايا والطريق قفل قعد يكبس عليا لدرجة إن المسافة بيننا كانت متعديش 1سم وأول ما الطريق فتح أكل غرزة من ورايا ورما عليا عشان يلبسني الرصيف عشان معتدوش مع إن الطريق كان زحمة ومفيش مجال إني أوسعلة!!!

في الحالات اللي زي دي بيبقي مريض ويااما مش بيديله فرصه يعدي لحد مايحترم نفسه يااما ببعد عنه خالص عشان عارف انه هيعمل حركه واطيه

**mahmoud_afifi** · 07-10-2010 11:46 PM

المشاركة الأصلية كتبت بواسطة khellooo

السلام عليكم ورحمة الله وبركاته

الموضوع ده مهم جدا

أنا شايف بصراحة إن سواقين النقل التقيل كتير منهم مظلومين وطبعا دا بحكم تجربتى وسفرى شهريا من القاهرة إلى الغردقة والعكس

الحكاية دى حصلت معايا كتييير جدا وفعلا النور بتاعه غبى وبحترم اللى بيطفيه أو يوطيه منهم

الخلاصة بقى إن فى وسط طريق القاهرة - الغردقة (منطقة الملفات بتاعة السخنة ) بيبقى الطريق فردة واحدة رايح جاى وبتبقى مليانة نقل أنا بتصرف معاه بكل هدوء واستنى لما الطريق يبقى مناسب واتجاوزه ولو جاى طاير من ورايا بسيبه يعدى وبوسعله كمان

علشان كدا أنا شايف إن بتاع النص نقل اللى العربية الحديثة أغرته لو كان هدى كانت كل حاجة مشيت تمام

وأنا بفضل إنى دايما أراعى سواقين النقل التقيل ( المقطورة ) لأن هو معاه بضاعة بقد كدا والعربية نفسها بقد كدا والعربية طويلة جدا ووراه بيت وأولاد ومسئوليات تانية الله أعلم بيها

وعلى فكرة نسبة كبيرة منهم بتدى إشارات بس اللى يركز هايعرف إنى بتكلم صح

وكذا مرة أشوف حد بيتغابى مع نقل تقيل وهو اللى بيخسر

وفى النهاية مصر مفيهاش مرور وانما المحترمين واللى بيفهموا هما اللى بينظموا العملية شوية

فعلا حضرتك معاك حق وفي مواقف كتير على الناس المحترمين بس المواقف مش حاضره دلوقتي :)
شكرا على مشاركة حضرتك

المشاركة الأصلية كتبت بواسطة shaddadfalcon1

العربيات النص نقل الجديده بقت وباء وانتشرت بغباء وسريعة جدا وكل واحد فاكر ان العربيات بتجيب فلوس فلوس من تحت الأرض يبيع الأرض ويشتري عربيه

والله العظيم كل مااعدي علي ورشه عندنا الاقي تقريبا عربيه نص نقل واتنين وتلاته مدغدغين مكملوش سنه

بالنسبه للنقل التقيل فيه وفيه

لسه النهارده علي الزراعي بعد كوبري ابيس في يوتيرن وعربيه مقطوره حته واحده بتلف وطبعا واخده الملف علي واسع قوي ولقيت عربيه ملاكي داخله فيها عند العجل اللي ورا
مش عارف حصلت ازاي لاني مشفتهاش بس كانت لسه يادوب طازه بس عندي احساس ان بتاع الملاكي غلطان

ربنا يكفينا شر السواقين الاغبيه وفعلا بتوع النص نقل دول اصبحوا خطر جديد بيهدد الشوارع مع انهم اول ناس خسرانين.

المشاركة الأصلية كتبت بواسطة yoko

مش هقولك إن من يومين كنت ماشي 90 على الدائري في الجزء الي فيه ردارات وكنت هتشال من مقطورة ال................* الي راكبها كان ماشي فوق ال120 وبياكل غرز ما بينا وجه ورايا والطريق قفل قعد يكبس عليا لدرجة إن المسافة بيننا كانت متعديش 1سم وأول ما الطريق فتح أكل غرزة من ورايا ورما عليا عشان يلبسني الرصيف عشان معتدوش مع إن الطريق كان زحمة ومفيش مجال إني أوسعلة!!!

الف حمدلله على سلامتك يا باشا المهم انك كويس والعربيه طبعا, انا مش بقول انهم ملايكه عشان دول عالم ولاد ستين ...... بس في نسبه كبيره منهم الي بيمشوا في طرق دوليه بيتعلموا اصول السواقه انما الي بيمشوا على الدائري بس (داخل القاهره) مجرد شوية "بهايم" راكبه عربيات ومش بعيد تكون العربيه هي الي سايقاهم مش هما الي سايقينها :)