عايز افرش ارضية العربيه فوق الارضيه الموكيت ارضيه جلد

عايز رأيكوا و نصايحكوا لو مش هتعبكوا في موضوع مش عارف هو غريب و لا لأ
انا عايز افرش ارضية العربيه فوق الارضيه الموكيت ارضيه جلد و الكلام ده مش خزعبلات الوحده اللي انا عايش فيها دلوقتي لأ انا شوفت الكلام ده في عربيه ماتريكس
مبدئيا كده الشكل مش بيئه لأ تمام
ثانيا انا شغال في موقع بالساحل و صباح الرمل الابيض اللي عامل زي البودره اللي بتلزق في الشوز و بتبهدلي الدواسات و العتب بتاع الباب ناهيك عن اللي بيكلبش في الارضيه
الارضيه الجلد تنظيفها بقطعه قماش منديه و اوعي و لا هوفر و لا بتاع
ايه رأيكوا
وأعمل الكلام ده فين
مع العلم ان الكراسي و الكنبه هيتفكوا عشان الجلد يبقي من تحتيهم
و الفك ده هو اللي مخليني مقلق بصراحه
و هل التوكيل ليه اعتراض علي موال الفك ده؟؟؟؟:U_thin1[1]:

الفكرة دى ولا خزعبلات الوحدة ولا حاجة دى موجودة من فترة كبيرة
ومفيش اى اعتراض من التوكيل على الكلام دة انتا بس تشوفللك حد كويس يفك ويرجع الكراسى زى ما هيا عشان عادة الصناعية مش بيرجعهوا زى ما كانت
والاماكن موجودة كتيييييير اى محل اكسسورات او محلات فى شارع التوفقية او دمشق

لأ أكيد فكرة كويسة وممكن تسأل الأستاذ كريم منير كان عملها في عربيته

أزيك يا ريس لولي فينك يا باشا
و ازاي اتواصل مع الريس كريم

أنا عاملها فى عربيتى :)
مش خزعبلات ولا حاجه :)
عامله عن سبير كار ومش فاكر بكام قبل متسأل :)

حتلاقي رقم كريم في توقيعه تقريبا
أو اسأل في سبير كار

اقتباس:

---

المشاركة الأصلية كتبت بواسطة NoRmAl

أنا عاملها فى عربيتى :)
مش خزعبلات ولا حاجه :)
عامله عن سبير كار ومش فاكر بكام قبل متسأل :)

---

طيب عامله بكام:E_braces[1]:
طيب بلاش لو عندك رقم لسبير كار و اسأل انا

لا الموضوع ده بقى منتشر انا كنت عامله ف النوبيرا اولا بيحافظ على الموكيت وبيدى برضوه شكل لو تعملوه لون حلو يمشى مع الصالون ثالثا واهم حاجة زى ما قلت حضرتك بفوطة مبلولة بينضف

اقتباس:

---

المشاركة الأصلية كتبت بواسطة NoRmAl

أنا عاملها فى عربيتى :)
مش خزعبلات ولا حاجه :)
عامله عن سبير كار ومش فاكر بكام قبل متسأل :)

---

بكام يا هندسة؟؟:10D5C8w1107:

اقتباس:

---

المشاركة الأصلية كتبت بواسطة med

لا الموضوع ده بقى منتشر انا كنت عامله ف النوبيرا اولا بيحافظ على الموكيت وبيدى برضوه شكل لو تعملوه لون حلو يمشى مع الصالون ثالثا واهم حاجة زى ما قلت حضرتك بفوطة مبلولة بينضف

---

عامله عند مين؟

عند سروجى كده فى اليكس هنا

انا عملته بنفسى تحت البيت روحت استريت مشمع من التوحيد و النور المتر ب 17 جنية و بعدين فكيت المسامير بتاعة الكراسى و طلعت الكراسى فى البيت فى الصالة و جيبت مقص و كتر و قطعت الجلد على قد مساحة الكابينة و بعدين حديدت اماكن المسامير و خرمتها بالكتر و وسعت الخرم بالمقص و بعدين ركبت الكراسى


ناقص حاجة بسيطة انى لزقت المشمع من عند الباب بكولة علشان مفيش تراب يدخل تحته او مياه


المشمع لما تجيبة هات النوع التقيل الغالى اللى فيه من تحت وبر
و ما تسترخصش
دى كلها على بعضها مش هتعدى ستة متر مشمع تقريبا

و هات لون يمشى مع لون العربية


بالمناسبة بعد ما ركبته اندلق فى العربية كولمان مياه مرتين و اتكسر ترمس شاى مملوء بالشاى و زجاجة ميرندا 2 لتر عفوا شويبس مش ميراندا
و زجاجة مياه
و كل اللى عملته انى مسحتهم و نشفت مكانهم و غسلت المشمع بالصابون و الديتول

اقتباس:

---

المشاركة الأصلية كتبت بواسطة med

عند سروجى كده فى اليكس هنا

---

فين اللي في اسكندريه ده؟

اقتباس:

---

المشاركة الأصلية كتبت بواسطة aymanay32

انا عملته بنفسى تحت البيت روحت استريت مشمع من التوحيد و النور المتر ب 17 جنية و بعدين فكيت المسامير بتاعة الكراسى و طلعت الكراسى فى البيت فى الصالة و جيبت مقص و كتر و قطعت الجلد على قد مساحة الكابينة و بعدين حديدت اماكن المسامير و خرمتها بالكتر و وسعت الخرم بالمقص و بعدين ركبت الكراسى


ناقص حاجة بسيطة انى لزقت المشمع من عند الباب بكولة علشان مفيش تراب يدخل تحته او مياه


المشمع لما تجيبة هات النوع التقيل الغالى اللى فيه من تحت وبر
و ما تسترخصش
دى كلها على بعضها مش هتعدى ستة متر مشمع تقريبا

و هات لون يمشى مع لون العربية


بالمناسبة بعد ما ركبته اندلق فى العربية كولمان مياه مرتين و اتكسر ترمس شاى مملوء بالشاى و زجاجة ميرندا 2 لتر عفوا شويبس مش ميراندا
و زجاجة مياه
و كل اللى عملته انى مسحتهم و نشفت مكانهم و غسلت المشمع بالصابون و الديتول

---

الف شكر يا باشا علي تجربتك المفيده
بس للعلم انا عايز اركب جلد مش مشمع

اقتباس:

---

المشاركة الأصلية كتبت بواسطة bozni

فين اللي في اسكندريه ده؟

---

ف شارع متفرع من شارع عرفان بس مش فاكر اسمه ايه

أنا كمان عامله في عربيتي عند سروجي في مدينة نصر ب200 جنيه

بس علشان تبقى عارف وما تتخضش

هو بيفك الكراسي والكنبة والكونسول اللي في الوسط وكل العتب الفبر اللي عند الأبواب

بس هو عملي فحت بصراحة

أستاذ كريم كان عامله فى جينز كار...هو غالى شويه بس الناس كلها بتشكر فيه جدا.