يا جماعة انا قلقان من العربية سيراتو الخليجى يا ريت تفيدونى

**mada0202** · 04-10-2010 12:30 AM

السلام عليكم يا احلى شباب المنتدى
دلوقتى انا رحت معرض فى مدينة نصر قالى على عربية كيا سيراتو خليجى و قالى هعملك ضمان مع تريبل A
ب 1750 و العربية تمنها 107000 جنيه و اوتوماتيك كلاسيك ( فيها عدد واحد ايرباج و فرامل ايه بي اس و مرايات كهربا و 4 زجاج كهربا و فوانيس فوج) فى حين ان السيارة الوكيل - نفس التمن تقريبا او اقل 250 جنيه و مفيهاش لا الايرباج ولا الفرامل الايه بى اس ولا المرييات الكهربا
دلوقتى اضمن منين انها موديل 2011 و كمان اعرف منين انها خليجى و ده غير موضوع ضمان التربيل ايه ده - فيه ناس بتشتكى منه - بس الميزة الوحيدة اللى فيها انه قريب من بيتى لانه فيه واحد قريب من المعادى .
فياريت تدلوننى سعر السيارة مناسب - و اعرف منين موضوع الموديل ده - و اعرف منين ال Vin و اذا كانت سعودى زى ما بيقول ولا لأه .

الف شكر

**BOOGIE** · 04-10-2010 03:07 AM

عد عشر ارقام من ال vin هتلاقى حرف b تبقى موديل 2011 لو لقيت حرف a تبقى موديل 2010
بلنسبة لباقى استفسارات حضرتك ف هيسعدك فيها اصحاب الخليجى لانهم اكتر دراية منى فى موضوع الخليجى
و بالتوفيق انشاء الله

**mada0202** · 04-10-2010 12:38 PM

الف شكر يا باشا على ردك - بس منين اجيب ال vin - هل اطلب من المعرض انه يجبهولى ولا اشوفه بنفسى ولا ايه لانى معرفش مكانه فين فى العربية
و يا ترى سعر العربية كده مناسب ولا لأه ؟؟؟ لانه ضيف عليه انى هدفع مبلغ اضافى كل سنة علشان الضمان

و سؤال تانى يا ترى لو حصل و انى بعت العربية - تمن العربية هيقل جامد علشان هى خليجى ولا هتفضل محافظة على سعرها؟
و اخر حاجة ايه الفرق ما بين العربية الكسلاسيك الخليجى و ما بين عربية التوكيل اللى هى EX

معلش انا طولت فى الاسئلة بس علشان موضوع شراء العربية ده مش سهل

**sherifahmed** · 04-10-2010 03:14 PM

مفيش حاجة اسمها ضمان على الخليجى دا عقد كدا بينك و بين الشركة
اخره لو حصل حاجة هايصلحها فى الحتة اللى هو عايزها
اصل بالدماغ كدا لو ضمان حقيقى التوكيل هايقفل بكرة
بيبيع عربيات اغلى مقابل عربيات ارخص و اوبشن اعلى
لو عايز الخليجى وفر فلوس الوهم دا احسن و صلحها بفلوسك

**NoRmAl** · 04-10-2010 08:17 PM

المشاركة الأصلية كتبت بواسطة mada0202

الف شكر يا باشا على ردك - بس منين اجيب ال vin - هل اطلب من المعرض انه يجبهولى ولا اشوفه بنفسى ولا ايه لانى معرفش مكانه فين فى العربية
و يا ترى سعر العربية كده مناسب ولا لأه ؟؟؟ لانه ضيف عليه انى هدفع مبلغ اضافى كل سنة علشان الضمان

و سؤال تانى يا ترى لو حصل و انى بعت العربية - تمن العربية هيقل جامد علشان هى خليجى ولا هتفضل محافظة على سعرها؟
و اخر حاجة ايه الفرق ما بين العربية الكسلاسيك الخليجى و ما بين عربية التوكيل اللى هى EX

معلش انا طولت فى الاسئلة بس علشان موضوع شراء العربية ده مش سهل

دا مكان الvin فى العربيه

تحت البربريز الامامى قدام السواق
هاته بس وأحنا نجبلك أصل وفصل العربيه
ومتشتريش قبل متكشف بالvin

أيه مواصفات الخليجى كلاسيك دى؟!؟

**ahmed_201091** · 04-10-2010 08:46 PM

ياباشا تقريبا كدا مفيش كلاسيك فيها abs انا كنت جايب بتعتى سعوودى جنط 15 وabs فوج و 1 ايرباج و اشارات مرايات و كاسيت عريض و الكلام الكتير بتاع المعارض دا:) و كانت 107500 موديل 2010 جبتها فى شهر 7

والله اعلم بردوا بس لمبة abs بتنور فى التابلوه لونها اصفر جوا قوسين كدا

**mada0202** · 04-10-2010 11:08 PM

المشاركة الأصلية كتبت بواسطة normal

دا مكان الvin فى العربيه

تحت البربريز الامامى قدام السواق
هاته بس وأحنا نجبلك أصل وفصل العربيه
ومتشتريش قبل متكشف بالvin

أيه مواصفات الخليجى كلاسيك دى؟!؟

الف شكر يا باشا على توضيحك مكان vin

بالنسبة لموضوع المواصفات الخليجى الكلاسيك - هما بيقولوا عليها كده فى المعرض اللى مفيهاش تارة مالتى ولا فتحة سقف ولا جنوط اسبور
اما لو فيها اللى فات ده فبيقولوا عليها هاي لاين .

و انا دلوقتى نزلت شوفت عربية هاى لاين فيها كل حاجة بما فيها من فتحة سقف بس العربية مجنطة على كاوتشات 15 مع الاسف و على 113500 موديل 2011

**mada0202** · 04-10-2010 11:14 PM

المشاركة الأصلية كتبت بواسطة ahmed_201091

ياباشا تقريبا كدا مفيش كلاسيك فيها abs انا كنت جايب بتعتى سعوودى جنط 15 وabs فوج و 1 ايرباج و اشارات مرايات و كاسيت عريض و الكلام الكتير بتاع المعارض دا:) و كانت 107500 موديل 2010 جبتها فى شهر 7

والله اعلم بردوا بس لمبة abs بتنور فى التابلوه لونها اصفر جوا قوسين كدا

تقريبا نفس الموديل اللى بتكلم عليه - و فيه طارة مالتى و ريموت كنترول و فتحة سقف و مرايات تحكم كهربا و مش عارف فيه سنسور خلفى ولا لأه

بس الموديل 2011 و ب 113500 جنيه
فيا ترى السعر مناسب

و بعدين انت العربية عاملة معاك ايه و يا ترى مشترك فى ضمان للعربية و لا لأه و نظام الضمان ايه ؟

فى المعرض ده بيتعاملوا مع شركة اسمها تراست ب 1200 فى السنة الاولى

يا ريت تفيدونى فى النقطة الاخيرة دى .

انا سمعت كمان ان المواصفات الخليجى السعودى احسن فى العفشة - فيا ترى الكلام ده مظبوط

**mada0202** · 04-10-2010 11:31 PM

المشاركة الأصلية كتبت بواسطة sherifahmed

مفيش حاجة اسمها ضمان على الخليجى دا عقد كدا بينك و بين الشركة
اخره لو حصل حاجة هايصلحها فى الحتة اللى هو عايزها
اصل بالدماغ كدا لو ضمان حقيقى التوكيل هايقفل بكرة
بيبيع عربيات اغلى مقابل عربيات ارخص و اوبشن اعلى
لو عايز الخليجى وفر فلوس الوهم دا احسن و صلحها بفلوسك

يعنى مش فاهم - يعنى هو مش بيحل محل الضمان - يعنى اقصد لو العربية فيها عيب صناعة مش هما ملزمين انهم يغيروه ولا ايه ؟؟؟؟؟؟؟؟؟؟؟؟