سلام الله عليكم

من كام يوم بدأت ألاحظ أن السيارة وخاصة في الصباح الباكر لما بسوقها بحرق على الغيارات وصوت الموتور بحس أنه هينفجر والسحب بيبقى ضعيييف جدا وبتبقى ملحوظة جدا جدا جدا مع الغيار الخامس لما بمشي لحد الغيار الرابع السحب بيبقى أحسن شوية لكن أقل من الطبيعي
والسرعة بتبقى معقولة إلى حد ما وأول ما أدي الغيار الخامس العربية مفيش سحب والسرعة تنزل ل40 أو50 من بعد ما كانت 120 ولا حاجة المهم أول ما بتعمل كدة بروح موقف العربية وأبدأ من الصفر من جديد لعل وعسى وبحرق على الغيارات جامد لعل وعسى ألاقي أي سحب فساعات الموضوع بيتحسن والخامس يأخذ سرعته

في حاجة غريبة لاحظتها مع المشكلة دي
وهي أنها بتبقى ملحوظة الصبح بدري والعربية إلى حد ما باردة
لكن لما بركنها في الشمس والعربية بتبقى سخنة من حرارة الشمس المشكلة دي بتقل

المشكلة دي ظهرت من حوالي أسبوعين وقلت لنفسي يمكن ده مجرد احساس لكن الحكاية بقت ملحوظة أوي فمش عارف من ايه المشكلة


أعينوني بقوة وجزاكم الله كل خير