أستطــلاع : ايـه راى البروتونــاويه فى تغييـر مواعيد عمل التوكيــل :

-:: الســلام عليكـم ورحمــة الله وبركاتــه ::-

ايـه أخبــار البروتونــاويه , -ان شاء الله- كل حاجه تمــام http://i173.photobucket.com/albums/w..._ththumbup.gif


...
....
...
..
.



ياجمــاعه كنت عاوز اعرف راى البروتونــاويه فى حاجه كده ... طبعــا زى مانتم عارفين مواعيد عمل الصيانـه بالتوكيل الفرع الرئيســى كل يوم من (9 صبــاحا : 5 مســاءا) ماعدا الجمعــه -اجـازه-


الســؤال بقــى .....

ايــه رايكــم !!! تحبــوا , .......

...
....
...
..
.


مواعيد العمل تمتد للساعه 12 بليل كل يوم (والجمعـه اجازه)

ولا

يفتحوا يوم الجمعه فى نفس المواعيد بتاعة كل يوم (9 صبــاحا : 5 مســاءا)

...
....
...
..
.


برجــاء التصويت لافضــل اختيـــار http://www.nilemotors.net/Nile/image...um1[1].gif

تحيــــــــــــــاتــىhttp://a.imageshack.us/img524/1310/theclown.gif

مش هرضى غير باللي قلتلك عليه قبل كدة وانتو احرار بقى

ازيك يامون عامل ايه واحشنا ياراجل مختفى يعنى
المهم بالنسبة للموضوع ده انا مختار الاختيار الاول لانه يناسب العملاء فى المحافظات زى حالتى
وفى اقتراح كمان لقيت معظم الناس فى توكيل الصحرواى بيسبو عربياتهم فى الصيانة ويطلعو يعملو شوبنج فى دندى مول وغالبا بيخدوها كعابى وساعات بيبقى عندهم مشوار لجوة البلد
فليه مانحولش نساعد ان نوفر باص او عربية من التوكيل للمشوير ده زى اى توكيل شديد ومحترم جدا
وبكده يبقى فل الفل
سلام يا مون وابقى مطولش علينا

انا من رايى ان التوكيل يفتح يوم الجمعه فى نفس المواعيد

لان بجد المشكله ان يوم الصيانه ده الواحد بيأخد اجازه من الشغل بالعافيه ويبيقى حامل هم اليوم ده:H_angry[1]:

ف لو يوم الجمعه يبقى بيييييييييييييييييييس جدا :Oc_sun1[1]:

ياريت المواعيد تكون هناك فترة مسائية وتكون هذة الفترة للاشياء الثقيله وليس لتغير الزيت اوفلتر ولكن للاشياء الثقيله وشكراء

انا شايف ان لحد 12 بليل افضل لانة بيتيح الفرصة6 ايام في الاسبوع ان الواحد يقدر يروح من الصبح ل 12 بليل

يوم الجمعة مش كل الناس بتكون فضية بس اكيد اي حد يقدر يوفق وقت في اي يوم في الاسبوع يروح التوكيل في الصبح او الليل

السلام عليكم ورحمة الله وبركاته

ازيك ياموووووووون انا من رأي انه يفتح يوم الجمعه وبالنسبه للفتره المسائيه ديه بيتهيألي
مش هاتكون حلوه اوي في الفتره اللي جايه دي علشان الجو هيبتدي يبرد وما أظنش الناس
ممكن تيجي التوكيل في الليل خاصتا الناس اللي مسافتها بعيده , ويارب دايما في تقدم
بالبرتناويه ياموووووووووووووووووووووو وووووووووووووووووووووووون

:10D5C8w1107:

اكتر حاجة جامدة ان فى 6 ردود اربعه منهم موافقين على الاقتراح الاول والاتنين التانين على الثانى بس فى الاستطلاع فيه 6 موافقه على الاقتراح الاول
حد واخد باله

هى ممكن لحد 11 مش 12 زى منصور وغبور بس يكون صيانه لكل حاجه مش حاجات خفيفه بس ... احسن من الجمعه رغم انه اجازه لكن مش هاينفع قعلا :3_3_102[1]:
ربنا يوفق

لحد بليل 12 تماااااااااااام لان في ناش حياتها بليل كده زيي ومالهاش في النهار نصيب

حسب الشغل اقصد

تحياتي للجميع وشكرا ليك ياايمن باشا

اقتباس:

---

المشاركة الأصلية كتبت بواسطة pedro732000

اكتر حاجة جامدة ان فى 6 ردود اربعه منهم موافقين على الاقتراح الاول والاتنين التانين على الثانى بس فى الاستطلاع فيه 6 موافقه على الاقتراح الاول
حد واخد باله

---

أنا وافقت على الإقتراح الأول من حوالى 5 ساعات و ما كتبتش مداخلة عادى يعنى :b4_237:

اقتراح جامد و قوى جدا امتداد العمل فترة مسائية و أقوى من الجمعة بكتير لأنه بعدد ساعات العمل يبقى ادانا تقريبا 8 أيام عمل إضافية مش يوم واحد زى الجمعة و كمان الناس اللى بتشتغل مش هتبقى حاملة هم إنها تاخد اليوم أجازة و لا هتزنق نفسها يوم السبت اللى الناس كلها بتتخانق عليه

أما بقى الاقتراح الوحيد اللى ممكن يكون أحلى من دول إننا ننفذ الاقتراحين يبقى التوكيل شغال طول أيام الأسبوع بما فيهم الجمعة لحد الساعة 12 بالليل

بص يا ايمن الموضوع ليه علاقة بالنظام الإداري في التوكيل
لو حيفضل شغال لحد الساعة 12 بليل اكيد حيعمل 2 شيفت
ولو حيفتح الجمعة يبقة حيكون الجمعة مقسوم ما بين الموظفين ( جمعة شغل - جمعة اجازة ) ده تخيلي يمكن يكون في نظام تاني

ان بقترح ان التوكيل يفضل فاتح لحد الساعة 9 وبكده حيوفر 3 ساعات يومياُ يقدر يضيفهم يوم الجمعة
بالصورة دي حنكون مسكنا العصاية من النصف.. والخدمة بقت 7 ايام في الاسبوع

مش عارف اذا كان ينفع ولا لأ بس ممكن نجرب...

على العموم ما بين الاختيارات انا اخترت الاختيار الاول لأنه حيدي فرصة لعدد اكبر من ملاك العربية انهم يروحوا في اوقات مختلفة ومش حيكون في زحمة مستمرة .. وكمان لاقدر الله لو حد حصلة مشكلة في العربية اي وقت اي يوم حيقدر يروح التوكيل ويحلها هناك على طول بدل ما يقعد يدور على ميكانيكي او يركن العربية لحد تاني يوم ودي نقطة مهمة جداُ لأن المشكلة ممكن تتحل على طول وبكده مش حيضيع وقت لحد لما التوكيل يفتح ..

كمان فكرة العمل يوم الجمعة ليها سلبيات في ان 90% من ملاك العربية حيفضل انه يروح اليوم ده لانه اجازة وسعتها حيكون زحمة جداُ جداُ ومجهد بالنسبة للمهندسين والعمال في التوكيل


تقبلوا تحياتي جميعا وإلى الأمام بروتون

بص يا باشا لو هيكون النظام انهم هيستلموا العربيه في اي وقت سواء صباحا او مساءا مادمت حاجز مش زي نظام رمضان اللي كان بيستلموا فيه صباحا بس ويسلمك مساءا يبقي من غير تفكير الاقتراح الاول لو هيبقي زي نظام رمضان يبقي برضه من غير تفكير الاقتراح التاني يا ريت يا ايمن ترسينا علي النظام

ازيك يا عم موون يا مظبطنا واحشني بقالك كتير مش باين
في سؤال جه في بالي ...هل لو المواعيد امتدت للساعة 12 ممكن الوحد يحجز صيانة يقولولي معادك الساعة 6 مساءاً وبعدين افضل مستني وعلى الساعة 11 ولا 12 يقولولي اصل الشغل اللي في عربيتك لسة مخلصش وتعالى خدها بكرة واقعد ادور على مواصلات في الوقت ده؟
لو كدا يبقى بلاش شغل بالليل لأن الموقف دا ممكن يحصل مع ناس كتير وهيكرهوا التوكيل بسببه لكن لو كل التسليم هيبقى في نفس اليوم يبقى الفترة المسائية هتبقى كويسة اوي ان شاء الله

اقتباس:

---

المشاركة الأصلية كتبت بواسطة أبومريم

ازيك يا عم موون يا مظبطنا واحشني بقالك كتير مش باين
في سؤال جه في بالي ...هل لو المواعيد امتدت للساعة 12 ممكن الوحد يحجز صيانة يقولولي معادك الساعة 6 مساءاً وبعدين افضل مستني وعلى الساعة 11 ولا 12 يقولولي اصل الشغل اللي في عربيتك لسة مخلصش وتعالى خدها بكرة واقعد ادور على مواصلات في الوقت ده؟
لو كدا يبقى بلاش شغل بالليل لأن الموقف دا ممكن يحصل مع ناس كتير وهيكرهوا التوكيل بسببه لكن لو كل التسليم هيبقى في نفس اليوم يبقى الفترة المسائية هتبقى كويسة اوي ان شاء الله

---

الله ينور عليك يا ابو مريم ده برده الى مقلقنى

اقتباس:

---

المشاركة الأصلية كتبت بواسطة osama.shihata

الله ينور عليك يا ابو مريم ده برده الى مقلقنى

---

كويس الموضوع دا خلا الناس الحلوة اللي مختفية تظهر

الأختيار الأول أفضل و شكرا

اعتقد يا اخ ايمن انو فكرة 12 بليل دي ها تبقى صعبة شوية ومش ها يبقى فيه اقبال الا للناس اللي خلصت شغل وكده ورياح يعمل حاجة ولكن انا بفضل يوم الجمعة بنفس الموعيد كأفضل حل لأنو انا مثلا كطالب جامعي 6 ايان في الأسبوع جامعة ومش ينفع اصلا اني ازوغ يوم عشان الصيانة فساعات كنت بضطر اسيبها واخلي حد يوديها التوكيل ولكن يوم الجمعة ده يبقى حكاييييــــــة صح الصح وبرضوا الإقتراح الأولاني ها يبقى جميــــــــــــــــــــــ ــــــــــل جدا برضوا ولكن يبقى مثلا ايام معينة يعني سبت - اتنين - اربعاء لحد 12 بليل ولكن باقي زي ما هوة عشان يبقى فيه ارضاء لمواعيد العميل وفي نفس الوقت ميتمش عمل ومد اوقات العمل في التوكيل لمواعيد متأخرة واحنا عارفين مفيد ضغط عمل ها يبقى يومي لحد 12 بليل فأنا شايف انوا واحد من الإقتراحين دول ها يبقوا مناسبين تماما ...

أيمن باشا...أنا شايف إن مد فترة العمل هيبقى أفضل خصوصا بالنسبة لى لأن ممكن الواحد ياخد إذن نصف يوم من الشغل ويروح التوكيل و برده لو هو من خارج القاهرة هيبقى فرصتة أكبرإنه يخلص الصيانة فى يوم واحد خصوصا لو فيه مشاكل كبيرة.
بس ياريت يكون فيه ممثل للإدارة موجود عشان لو فيه مشاكل يعنى مايقولش مهندس آمر مشى و محدش موجود دلوقتى.

بعد إذنك يا أيمون أنا شايف أنه ممكن خلال الصيف يشتغل لحدد 12 بليل, و في الشتاء يشتغل يوم الجمعة.

انا اعتقد ان الجمعه اجازه وطول ايام الاسبوع كافي والناس الي في التوكيل من حقها انها تاخد اجازه وخصوصا ان اغلب الي بيشتغلوا هناك من محافظات تانيه

في شبه اجماع علي 12 بليل