للى معاة لانوس ياترى العربيه لواتسابت اسبوع البطاريه تنام ؟

السلام عليكم ورحمة الله وبركاته
انا معايا جوليت مو99 ومش بستخدمها كتير عشان الحمل على العربيه التانيه بس العربيه ديه مجنانى الكهرباء بتاعتها
البطاريه جيبها جديدة فارتا الالمانى 65 بس لما بسيب العربيه اسبوع او خمس ايام ارجع الاقى البطاريه نايمه مع العلم ان البطاريه مبقهاش شهر
ياترى العيب دة فى كهرباء العربيه ولا دة حاجة طبيعة
انا لما بسيبها مدة طويله متعود ادورها كل 3 ايام لمدة خمس دقائق
بس الصراحه الموضوع دة انا زهقت منه لانى مش بعمل كدة فى العربيه التانيه
فياريت اخوانى اللى فى المنتدى اللى معاهم لانوس يردوا عليه فى الموضوع دة ويبدلونى خبرتهم فى حاجه زى كدة
لان فى ناس قالولى ان دة طبيعى عشان الانذار والساعة وطلمبه البنزين وشويه الكهرباء اللى فى العربيه بس الحاجات دية تنيم البطاريه لدرجة انى لما اجى افتح العهربيه بالرموت البطاريه متقومشى حتى الانذار ؟؟؟
وشكرا جدا يا جماعه لكل واحد اهتم ودخل الموضوع وكفايه انه قراء الموضوع دة

:dوغلاوتك عنجى بفتخحها بالمتاح اجى ادور لمبه التابلوة الصغيرة مبتقومش ابطل ادور تنور خفيف
ودة من اربع ايام بس والبطاريه جافه وجديدة

مش عارف اقولك اية يا دكتور ميدو بصراحه انا لسه كاتب الموضوع ببص لقيت الميل بيقولى ان فى رد على موضوعى مصدقتش بصيت لقيت حضرتك ردت عليه شكرا جدا على اهتمامك وعلى ذوقك يعنى كدة اطمن انه مش عيب فى كهرباء العربيه على العموم كلامك طمنى يالله بقى امرى لله بكرة الصبح اجيب الكهربائى يعملى توصيله عشان اقومها

:Dحاطط القديمه احتياطى فى الشنطه وبشحنها كل فترة كدة بتنفع:p

البطارية ما بتشحنش من الدينامو كفاية با someone
الاول روح لبتاع البطاريات ..او خلى بتاع البطاريات يجيب الميتر معاة بكرة الصبح و هو جايلك ويقسلك شحن البطارية بعد لما يدورها .. هايقولك لو كان فى حاجة فى البطارية او دة من الدينامو

كل الاعراض اللى انت بتقولها دى نتيجة ان البطارية معتمدة على نفسها بس فى كل حاجة .... يعنى كويس عليها اوى 5 ايام و تقوم العربية ولا تعرف تفتح العربية بالريموت ..ودة علشان هى لسة جديدة .....فهمتنى

اقتباس:

---

المشاركة الأصلية كتبت بواسطة SEATLOVER

البطارية ما بتشحنش من الدينامو كفاية با someone
الاول روح لبتاع البطاريات ..او خلى بتاع البطاريات يجيب الميتر معاة بكرة الصبح و هو جايلك ويقسلك شحن البطارية بعد لما يدورها .. هايقولك لو كان فى حاجة فى البطارية او دة من الدينامو

كل الاعراض اللى انت بتقولها دى نتيجة ان البطارية معتمدة على نفسها بس فى كل حاجة .... يعنى كويس عليها اوى 5 ايام و تقوم العربية ولا تعرف تفتح العربية بالريموت ..ودة علشان هى لسة جديدة .....فهمتنى

---

بما انك فاهم انا بقالى شهرين جايبها وبرضه نفس اللى بتعمله دة حلها ايه بالظبط يعنى اتاكد من ايه مثلا العيب اللى انت بتقول عليه فى الدينامو دة بيتصلح ولا بغير الدينامو كله ولو هغير اتاك منين انه هو المشكله

اكيد فيه حاجة غلط
لاني علطول بسيب العربية اسبوع من غير تشغيل خالص و ما لقيتش المشكلة دي و الحمد لله و ادينا طالعين من الشتا
لازم تشيك علي البطارية و تروح لكهربائي كويس يبصلك علي كل الوصلات و ربنا يعينك


محمد فهمي

شكرا جدا يا استساذ سيات لفر
بس انا فعلا جبت الكهربائى وخليته يقسلى الشحن وكمان لما جبت البطاريه غطاطى قاسلى شحن الدينمو عشان جبتها من عندة وقالى كويس والكهربائى قالى شحن الدينمو كويس

اقتباس:

---

المشاركة الأصلية كتبت بواسطة SEATLOVER

كل الاعراض اللى انت بتقولها دى نتيجة ان البطارية معتمدة على نفسها بس فى كل حاجة .... يعنى كويس عليها اوى 5 ايام و تقوم العربية ولا تعرف تفتح العربية بالريموت ..ودة علشان هى لسة جديدة .....فهمتنى

---

الصراحة مفهمتش لانى اعتقد ان البطاريه لو معممدة على نفسها كدة مشوارين ومش حتقوم لكن لما العربيه بتشتغل واخرج بيها كل يومين بتدور عادى مفهاش مشكله معنى كدة ان الدينمو شغال وبيشحنصح ولا انا فاهم غلط معلشى اصل اخوك معرفتة بالعربييات والميكانيكا اقل من معرفتة بالصينى

اقتباس:

---

المشاركة الأصلية كتبت بواسطة borgelharm

اكيد فيه حاجة غلط
لاني علطول بسيب العربية اسبوع من غير تشغيل خالص و ما لقيتش المشكلة دي و الحمد لله و ادينا طالعين من الشتا
لازم تشيك علي البطارية و تروح لكهربائي كويس يبصلك علي كل الوصلات و ربنا يعينك


محمد فهمي

---

ربنا يبركلك فى عربيتك ويكفيك شرها
انت كدة اكدتلى ان فى مشكله انا مرة رحت لميكانيكى وقالى ان فى تلميس ارضى وان هو حل ليه المشكله دية بس متحلتشى بردوة يبقى كدة اكيد فى مشكله فعلا والعيب فى العربيه ربنا يستر وشكرا يا جماعة على تعاونكم معايا وسرعة ردكم وربنا يجيزكم خيرا على تبادل المعرفه

على كلامك الجديد دة يا someone يبقى فية (تسريب ) البطارية بتفضى شحنها تانى ... المرة دى بقى ..يبقى ميكانيكى ( كويس اللى انت بتتعامل معاة ).. مش بتاع البطاريات وإن شاء الله بسيطة

بص يا اخي هو فيه حل بسيط و يوضحلك ان كان العيب من البطارية او من تلميس ارضي او تسريب للشحن
تخلي الكهربائي يعملك مفتاح عزل للبطارية بمعني في حالة عدم استخدامك ليها تعزلها كهربيا و اما تستخدم العربية تدورها و تشوف .لو دارت تبقي في حاجة بتسرب او ملمسة لو ما دارتش تبقي المشكلة في البطارية يا زعيم و تروح لتوكيل البطارية و تحط صباعك جوه عينيهم
لكن الحل ده حيتطلب منك اعادة ضبط الساعة و عدم غلق السيارة بالانذار و ابقي طمنا


محمد فهمي

اقتباس:

---

المشاركة الأصلية كتبت بواسطة borgelharm

بص يا اخي هو فيه حل بسيط و يوضحلك ان كان العيب من البطارية او من تلميس ارضي او تسريب للشحن
تخلي الكهربائي يعملك مفتاح عزل للبطارية بمعني في حالة عدم استخدامك ليها تعزلها كهربيا و اما تستخدم العربية تدورها و تشوف .لو دارت تبقي في حاجة بتسرب او ملمسة لو ما دارتش تبقي المشكلة في البطارية يا زعيم و تروح لتوكيل البطارية و تحط صباعك جوه عينيهم
لكن الحل ده حيتطلب منك اعادة ضبط الساعة و عدم غلق السيارة بالانذار و ابقي طمنا


محمد فهمي

---

ربنا يخليك يا استاذ محمد على اهتمامك هو فعلا العيب مش عيب بطاريه لانى غيرت بطاريه قبل كدة بسبب العيب دة ابتدت الاول بان البطاريه تنام لو سبتها كل اربع ايام ووصلت لغاية لما بقت ان العربية لو سبتها اكتر من 7 ساعات تفقد شحنتها بس بمجرد ما تدور تبقى العربيه زى الفل وممكن اشغل الكاسيت لوحدة وكل حاجة فى العربية مفيش مشاكل لكن بمجرد ما اسيب العربيه سبع ساعات واجى ادور متدورشى
فرحت مغير البطاريه وخايف بقى البطاريه الجدية يحصلها نفس اللى حصل للبطاريه القديمة مع ان القديمة كانت مقعدتشى 5 اشهر وبردوة حصلها نفس اللى حصل دة فربنا يستر
هوب وحصل معايا كدة فى الجديده فمن الواضح انه عيب فى العربيه عندى وربنا يستر حضطر اروح بقى لكهريائى
بس اللى اتمناه ان لو حد كان حصله موقف زى كده يقولى العيب دة كان سببه ايه اصلى بخاف من لعب الصنايعيه فى العربيه كله بيجرب وكله بيعمل نفسه خبير مره كان فى ولد كهربائى بيكشفلى على العيب دة راح قايلى اصل طلمبه البنزين واخدة كهرباء مباشر من البطاريه والطلمبه عندك تعبانه ومش عارف ايه وانه محتاج يرجع كهرباء الطلبمه زى الاول على فبركيتها الصراحه الكلام معجبنيش رحت سيبه وماشى رحت لكهربائى تانى قالى ان فى تلميس ارضى وان هو صلحه والعيب من البطاريه سمعت كلامه ورحت مغير البطاريه وحصل نفس الموضوع فمش عارف بقى اعمل اية ربنا يستر

اقتباس:

---

المشاركة الأصلية كتبت بواسطة SEATLOVER

على كلامك الجديد دة يا someone يبقى فية (تسريب ) البطارية بتفضى شحنها تانى ... المرة دى بقى ..يبقى ميكانيكى ( كويس اللى انت بتتعامل معاة ).. مش بتاع البطاريات وإن شاء الله بسيطة

---

ليه ميكانيكى؟؟؟؟؟؟؟؟؟

عزيزى
هناك عدة احتمالات
-أن يكون الدينامو بيعمل راجع
-أن يكون مصباح الشنطة أو نور الباب معلق أو أى شيء يعمل بدون الكونتاك عامل قفلة
-أن يكون شحن الدينامو غير صحيح ( راجع كتاوت الدينامو )

اقتباس:

---

المشاركة الأصلية كتبت بواسطة moby

عزيزى
هناك عدة احتمالات
-أن يكون الدينامو بيعمل راجع
-أن يكون مصباح الشنطة أو نور الباب معلق أو أى شيء يعمل بدون الكونتاك عامل قفلة
-أن يكون شحن الدينامو غير صحيح ( راجع كتاوت الدينامو )

---

شكرا لردك يا استاذ مودى ربنا يخليك على ذوقك وادبك على العموم اول احتمال حضرتك قلته دة انا مش فاهمه وحاحاول اشوفه
تانى احتمال دة معتقدشى انه موجود بس بردوة اشوفه مع الكهربائى

تالت احتمال دة معتقدشى لان طول ما العربيه بتمشى كل يوم يبقى مفيش اى مشاكل العربيه بتدور من اول لمسه كونتاكت يعنى على طول بتقوم قايمة بس اهم حاجة مخليهاش تقعد اكتر من 3 ايام
يبقى دة معناة ان الدينامو بيشحن صح و لا ممكن اكون فاهم غلط ؟؟؟؟ دة على حسب فهمى حضرتك لانى زى ما قلت قبل كدة معلوماتى فى السيارات اقل من معلوماتى فى اللغة الصينيه و علم الفضاء


على العموم بردوة انا لسه مفضتشى اروح للكهربئاى او بمعنى اصح موضوع انى اجيب كهربائى يبعتلى الصبى بتاعة ويعملى توصيله ادور بيها العربيه تقيل اوى على قلبى وكل ما اجى انزل وافتكر الموضوع دة بلاقى نفسى قررت اخد العربيه التانيه


بس من الواضح كدة ان فى اتفاق عام مع الكل ان ديه مشكله عندى حكاية ان البطاريه بتنام لو سبتها اكتر من حمس ايام من غير ما ادورها وان دة شى مش طبيعى
شكرا جدا يا جماعة وياريت لو حد كان اتعرض لمشكله زى دية يقولى حلها ازاى لانى ميال اكتر لفكرة ان فى سلك بيلمس ارضى مع صاج العربيه هو دة اللى بيفضى البطاريه لان اخر مره لما رحت للكهرائى بالطباريه القديمه كشفلى على كل التوصيلات اللى بتشتغل على العربيه وهى مش دايرة زى الساعه والسنتر ولمبه الصالون وكان بيفصل بيكشف على الفيوزات فيوز فيوز ويشوف هى ماشيه ازاى
على العموم ان احشوف تانى
بالمناسبه محدش يعرف كهربائى كويس فى الهرمبيفهم فى الدايو
وشكرا جدا يا جماعه على الاهتمام باخوكم محمد اللى انتوا اظهرتوة دة مش عارف اشكركم ازاى

البطارية جافة ولا سائلة؟

اقتباس:

---

المشاركة الأصلية كتبت بواسطة Sherif Khalifa

البطارية جافة ولا سائلة؟

---

اهلا وسهلا يا استاذ شريف وشكرا على اهتمام حضرتك هى البطاريه جافه وفارتا و كان قبلها البطاريه سى دى الكو الامريكى

اهلا بحضرتك

دا وضع طبيعى للبطريات الجافة خصوصا البطريات الى مش حديثة التركيب
لو كانت سائلة مكنش دا يحصل معاك
بس دا لا يقلل من كفائة و جودة البطارية الجافة
حضرتك فى وسط المدة دى دور العربية 5 دقائق

اقتباس:

---

المشاركة الأصلية كتبت بواسطة Sherif Khalifa

اهلا بحضرتك

دا وضع طبيعى للبطريات الجافة خصوصا البطريات الى مش حديثة التركيب
لو كانت سائلة مكنش دا يحصل معاك
بس دا لا يقلل من كفائة و جودة البطارية الجافة
حضرتك فى وسط المدة دى دور العربية 5 دقائق

---

يعنى على ضمانتك كدة خلاص اطمن وبلاش اروح اخلى الصنايعية يلعبولى فيها واطمن ان دة وضع طبيعى ان البطاريه الجافه لو اتسابت اكتر من خمس ايام بتنام

اة دا طبيعى فى البطاريات الجافة الى راكبة من فترة
انا البطارية القديمة كانت بتعمل معايا كدة و اعدت معايا سنة و شوية كمان على الوضع دة
و حل المشكلة انك كل 3 او 4 ايام تدورها شوية

الحمد لله يا اخوانى حليت تلتين المششكله وهى ان اتعرف المشكله
اول حاجه هو فعلا فى مشكله وان دة مش طبيعى
تانى حاجه بعد ما عرفت ان ديه مشكله كان لازم اعرف سببها
وده فعلا اتعرف ان المشكله فى ان فى ماس او تسريب فى كهرباء العربيه (محدش يسالنى ازاى )
اللى ناقص بقى ان يتعرف الماس دة جاى منين او فين بالضبط عشان يتعالج
الكهربائى امبارح قعد 4 ساعات بيكشف على كهرباء العربيه حتة حتة وكان موصل لمبه طرف السلك فى صاج العربيه والطرف التانى فى البطاريه واللمبه منورة مع انه كان شايل مفتاح العربيه

المهم فصل كل حاجه واحدة واحدة وفضل شغال هو والصنيعيه 4 ساعات امبارح وموصلشى لحل
انا احترمته لما قالى انا مش عارف العيب فين (مع انه كان ممكن يضحك عليه ويقولى انه عالج الماس وكلام زى كده ويكبر دماغه وانا مش حعرف غير على الاقل بعد اسبوع لما البطاريه تنام تانى دة لو قعدت اسبوع مستخدمهاش )

وحتى مرديش ياخد فلوس
بس هو قالى هاتلى العربيه يوم من اول النهار افك التابلوة واقعد عليها لغايه لما اعرف العيب دة منين حتى مرديش ياخد مصنعيه حاجات تانيه زبطهالى فى العربيه وقالى ححسبك على كله لما اعالجلك الماس ده


المهم ان احنا كده استفدنا من ان اللى كان بيحصل ده واختلف اخوانى فى انه شى طبيبعى واخوان تانين قالوا لا مش طبيعى

دلوقتى عرفنا انه شى مش طبيعى لما بالذات ان البطاريه جديدة
ادعولى بقى عقبال ما اعرف مكان الماس كان فين واعرفل اعالجه

بصراحة كهربائى محترم وقليل لما تلاقى صنايعى عنده ذمة ياريت لما يجد الحل تنشر عنوانه لاخواتك فى المنتدى

الحمد لله الموضوع اتحل اهوة الكهربائى رجعت من الشغل لقيتة مخلص الموضوع
هو بيقولى ان كان فى كهربائى لاعب موصل كهرباء مباشره من البطاريه على حاجه فى كمبيوتر العربيه
المهم انا مقتنعتش بالكلام دة او ممكن اكون فهمت غلط دة غير انه مش حيفرق معايا اوى لانى معلوماتى فى الصيانه السيارات زى معلوماتى فى الكمياء النوويه وبحوث الفضاء