الموضوع: عربيتي اتخبطت اخد عوض ولا لا

المشاركة الأصلية كتبت بواسطة أحمد كمال

الشيخ اللي يقول اخد العوض حرام ده يروح يشتغل سباك مجاري أحسن له

لأ تلاقيه مبيعرفش يسوق و عملها لنفسه

ط§ظ„طھط¹ظˆظٹط¶ط§طھ ط§ظ„ظ…ط§ظ„ظٹط©-

المشاركة الأصلية كتبت بواسطة ss

عارف لما قلت انه اعترف بغلطه و قال لك اللى انت عايزه....كنت هاقولك لو مش محتاج حق التصليح سامح فيه

لكن طالما عمل عبيط.....و انت تقدر تاخد حق التصلح خده.....

ارميه حتى بعد كده فى وشه ....و لا طلعه صدقة...عشان لما يجى يدلع بعد كده يبقى يفتكر انه ممكن يغرم

و بعدين نفسى اعرف مين اللى اخترع موضوع .... النص عليه و النص عليك ؟؟؟

و بعدين هو مش نص 130 يبقى 65 برده؟؟؟ ايه اللى خلاه بقى 50 ؟؟؟

+1111

انا من رأى ملهاش لازمة ال50 جنيه كفاية انه اعترف بخطأه ومتزعلش منى ديه اخرت اللى يطلع فى زفه لانى ضدد الموضوع ده تماما ولما حد بيعزمنى على فرح بروح على القاعه ومليش دعوة بالزفه لانى عارف المشاكل اللى تحصل فيها
وبعدين انتو الاتنين كنتو فى زفة وهو خبطك خلاص عديها منت ممكن تاخد الفلوس وبعدها تلاقى العربية اتخبطت تانى وتصرف ااضعافها.. انا هحكيلك موقف حصل معايا
كان معانا وقتها عربية لادا وكنت ماشى بالليل فى العاشر من رمضان وعرييه جامبو محملة كراتين بارزة من العربيه لدرجة انه مش شايف حاجه فى المريات عنده من كتر البروز بتاع الكراتين ووقف ادامى فجأة علشان يسئل على الطريق
انا لميت نفسى ووقف ورا بينى وبينه حوالى متر ونص هو بئا رجع علشان يلف الطريق العكس وانا اديلو كلاكس ونور عالى وواطى ولا الهوا لانه مش شايفنى اصلا وخيطها وكسر الفانوس الشمال والشبكة والكبوت اطبق من ادام
مسبتوش الا لما اخدت منه 50 جنيه وهو يقولى معلش انا معيش فلوس وعلى سفر وانا الشيطان ركبنى وقتها وصممت انى اخد العوض ويارتنى مصممت
واخدت الفولس وتانى يوم عملت العربية وصرفت عليها كمان حوالى 30 جنيه على ال50 اللى هو ادهالى يبئا الحساب 80 جنيه
واخدت العربية وانا ماشى الكبوت فتح معرفش ازاى ورجع لورا وقطم المفصلات بتاعته وكسر البربيز بتاع العربية وكنت هلبس فى عمود لولا ستر ربنا وعملتها واتكلفت 250 جنيه تقريبا
شوفت بئا انا دفعت اد ايه وصدئنى ياصديقى اول متخبطت العربية وقبل مقف جه الراجل فى بالى وانا باخد منه ال50 جنيه وهو بيقولى انا معيش غيرها وانا مسافر وعلى طريق وحزنت اوى على نفسى مكنت سامحته وكان ايه اللى جرا مهو مكنش يقصد
مش يمكن كان ربنا رحمنى من ده كله بس اللى حصل اعتبرته عبره..... معلش طولت عليكم بس اتمنى الكل يتعلم منها
انا حاليا لما العربيه تتحك او تتخبط والعربية ماشيه ممكن مقفش واكمل وانا من جوايا بفكر بئا هعمل الخبطة ديه ازاى واجيب فلوسها منين دلوئتى والله يا اخى الجواب مبيـتأخرش وانا نازل من العربية لقيت 100 جنيه مبرومه وطايره على الارض وجت جنب الكاوتش بتاع العربية وعرفت انها مكافاة من عالم الغيب ومفرج الهموم .. .خلينا متسامحين يجماعه محدش عارف اللى ادامه ده معاه فلوس ولا لا او مستعجل بيلحق مصيبة لقدر الله او ان ربنا جعله يخبطك علشان يعطلك شويه علشان ميحصلكش مصيبة اكبر او اى شئ المهم انه ميقصدش ربنا بغفر ويرحم ليه انت يا انسان مش عايز ترحم ولا تغفر
صدئنى اعتبرها وقعت منك او يا اخى اعتبرك انك دفعتها فى الخير ولو جه وادهالك حطها فى الجامع هتحس برضة نفسى رهيب وربنا مش هيضيعلك حقك ومتسمعش كلام اللى يئولك حق ومش حق لانه مكنش يقصد ومتعمد واحمد ربنا انها متكلفتش اكتر من كده زى العربيات الحديثه اللى ممكن تخش فى الاف الجنيهات
ومتخليش الشيطان يركبك زى مركبنى وقتها لانك متعرفش العواقب هتبئا ايه وربنا يهدى الكل
وخليك فاكر ان ربنا هيعوضك خير زى مرزقنى ب100 جنيه وانا بفكر ازاى هعمل العربية