الموضوع: عربيتي اتخبطت اخد عوض ولا لا

المشاركة الأصلية كتبت بواسطة zkralla

العوض حلال وربطك للموقفين بأنك اخذت الخمسين جنيه والعربيه اتخبطت مش ربط سليم
هو كان ممكن الكبوت يفتح والمفصلات تتكسر من غير موقف الخمسين جنيه خالص
أنت على اى اساس ربط الموقفين ببعض
رغم انى كنت معاك لو حسيت أن الراجل غلبان فكنت تتصدق عليه بالفلوس الى المفروض يدفعهم (الى هما الخمسين جنيه عشان هو قالك مش معايا وعلى سفر والكلام ده بس فى الحاله ديه هتبقى سبت فلوسك ليه كصدقه عليه لكن هما فوسك وحقك تماما )

ياسيدى الفاضل انا مش بربط مواضيع انا عايز افهمه انه ربنا مبيسبش حق حد ومش هيضيع
انا بوضحله ان محدش عارف فى ايه ممكن يحصل وان انا كان ممكن مخدش الفلوس من الراجل اصلا لانى مكنتش محتاجها بس انا اللى صممت ونشفت دماغى وده اللى عايز اوصلهولو . وان يجى فى بالى والعربية بتتخبط الموقف ده بالذات يبئا ربطى للموقف صح لانه نابع من جواك زى كده اللى على فراش الموت وبيفتكر الاذى اللى سببه للناس والناس اللى ظلمهم كده. وديه حقيقه لان كان احد الصحابه مش متذكر اسمه حاليا كان على فراش الموت وكان يقول يالايته كان جديدا يالايته كان طويلا يا ليته كان كاملا ....... واغلبنا عارف الموقف ده.
.وطالما هو مش محتاج ال50 جنيه ديه يبئا ملهاش لازمة نعمل عليها مشاكل لانه ذكر انه خد ناس وراحوا عنده ساعتها ايه العمل لما يحصل مشاده بينهم توصل لمد الايادى والاسلحة والموضوع يكبر بئا ويموت حد فيهم والتانى يتسجن كل ده علشان 50 جنيه ونرجع نقول ياريت اللى جرى مكان وانه كان سامح فيها من الاول
اتمنى يكون كلامى اللى بين السطور وصل وربنا يرحمنا من عنده ونتعاون على البر والتقوى

ياجماعة والله الواد قليل الادب
انا كان بردة من قيمة فترة وانا وااقف جة واحد بتويوتا كرولا 93 خبطني في الرفرف والفانوس بس الراجل نزل كلمني بكل احترام وادب وذوق والله ماخدت منة حااجة وبقي معرفة كمااااااااااان
انما الواد التاني دة نزل وغلط فيا وشتمني

والله انا ميعادي معاة يوم الخميس
وصاحبة انتيمة متواعد معايا ان الفلوس معااااااة
بس هوة شكلة كدة بيتهرب وعايز يعمل عليا صااايع
بس كفايا حسبي الله ونعم الوكيل

خلاص يا محمد هو مش عنده عربيه

خلاص لو مجابش الفلوس محلوله

وانا لو قاللى فى ساعتها اخبط دماغك فى الحيط كنت حقوله لا حخبطلك عربيتك مش دماغى


لسه اهو امبارح ماشى على الاول ولاقيت عربيه بحمار عيل بتاع 15 سنه سايقها ومتعرفش الشيطان لعب قى دماغه ولا لعب فين
المهم حب يسابقنى او يكسر عليا ولاقيت فجأه الحمار على الكبوت والعجله بتاعه العربيه جنبى
والناس اتلمت عشان ترجع الحمار تبعده عن العربيه وهو ابداااااا
وانا مش عارف انزل مكن العربيه من العجله الى جنبى

الحمد لله الخساير حتته فى الرفرف من تحت اتعصرت وكان على وشك يقطع الكاوتش بس الحمد لله ربنا ستر

وبدل ما اروح مشوارى اروح روحت للسمكرى

حضرتك التلفيات اللى انت بتتكلم عليها دى بسيطه جدا
انا فى مره واحده ست جابتلى جنب العربيه اليمين كله و كلفنى 15 الف جنيه (انا ما بأمنش على العربيات )و بصراحه استعوضت ربنا و دفعتهم كلهم من معايا و بعد فتره اكتشف انى لو رحت المشوار اللى انا كنت رحته يوم ما العربيه اتخبطت كان هايفوتنى خير كبير ربنا بعتهولى بعدين (و الله ده حصل فعلا)
فانا كنت بقول قبل كده زى الاخوه الاعضاء لو قضاء وقدر خلاص انما لو غلطان ملزم يصلح بس بعد الموقف ده غيرت رايى تماما