الموضوع: عربيتي اتخبطت اخد عوض ولا لا

من أفسد شئ فعليه اصلاحه
مفيش حاجة اسمها مخدش عوض
خذ حقك لأنك لو خبطت واحد وأنت اللي غلطان فعليك إصلاح ما أفسدت

المشاركة الأصلية كتبت بواسطة crazylambada

استاذ ماجيفر احمد ربنا انا كل ما اركن العربيه تحت البيت الاقيها اتخبطت و عند الجامعه الاقي حد عملي فيها حاجه فقول الحمد لله
عندي جارتي و هي بتركن كسرتلي 3 فوانيس و اكصطدامين :d
و انا ممعيش فلوس تصليح و العربيه محتاجها ضروري و هي اتكلفت بتصليح العربيه مشكوره
خلاصه الامر فكره انتا حتقبل العوض ديه مستفزه جدا و متخلفه

3 فوانيييس و اكصداااامين وهي بس بتركن امال وهي سايقة في الشارع بتعمل ايه في عربيات الناس ؟! ، ده مش المفروض تصلحها على حسابها دا المفروض تبطل سواقة خالص .

تحياتي.

المره اللي قبل قبل الاخيره اللي اتخبطت فيها كنت باخد مطب وفي اوبترا جاي طاير من ورا وفرمل بس ملحقش وطبعا دخل فيا وكسر الأكصدام ونزل يتاسف والناس اتلمت وكانو عايزين يضربوه وانا قلت خلاص ومشي وعملتها علي حسابها وكان بالمره لقيت حتة بارومه ونضفتها وبعديها قلت مستحيل اسيب اللي يخبطني

بعديها بفتره صغيره انا ماشي علي الزراعي عند الكمين اللي عند الدولي قبل الأسكندريه وورايا مرسيدس نمر سعوديه وراكبها واحد والطريق واقف وبصيت لقيت عربيتي بتجرجر وخبطت في اللي قدامي والأكصدام اتكسر تاني من عند الشكمان وكنت ممكن اطلع عينه وخصوصا اننا كان بينا وبين الكمين حوالي 20 متر وكان معايا امين شرطه وهو حبيب الظابط اللي في الكمين وبرده سبته

اخر حاجه كانت قبل العيد بيوم وكنت مروح وعند جرين بلاز والطريف كالعاده واقف وجت ورايا اوبترا برده وشويه لقيت طااااااااااخ نزلت لقيت اوكتافيا معرفش كان نايم ولاايه وكان راجل شيخ يعني مش شاب بيهيس ولا حاجه وهو لبس في الاوبترا ولبسها فيا وبرده الأكصدام ادغدع من اليمين وبقي شكله وحش جدا وسبتهم الأتنين يتخانقو واخدت بعضي ومشيت وبعديها قلت انا ليه سيبته ماكنت وقفته يشيل التصليح بس بصراحه هو وش عربيته كان متكسر والكشافات كلها راحت والأوبترا اكصدامها كان داخل جوا

بس مش عارف ليه كل مره ساعة الموقف الواحد بينسي الكلام ده كله ويقول حصل خير وقدر الله وماشاء فعل

دايما بقول يمكن حاجه زي دي كان هيحصل بدل منها مصيبه كبيره واتخففت

يلا بقي - الحمد لله انها بتيجي في الحديد مع ان اخر مره دي كانت رقبتي هتتكسر

انا هقول لحضرتك اللى حصل معايا
انا كنت بركن العربية و جه ترسيكل من ابو ثلات عجلات مركب اكصدام حدادى و بيدور و بيهزر مع اللى راكب وراه و خبط العربيه عندى رفرف و اشاره المهم الناس اتلمت و ابو الولد اللى كان راكب الترسيكل قام راكب معاي و قال تعال شوف العربيه هتتلكف كام رحنا للسمكرى و بتاع البويه اتفقنا معاهم على ان العربيه هتصرف 150 جنيه الراجل طلع الفوس و بيدهالى المهم قلت خليهم مع واحد هو يعرفه و اداهم ليه عملت انا العربيه و بعدين بصيت لقيت الشغل اللى انا عملته فى العربيه تداخل مع حاجات تانيه انا عملتها فى الورشه بالمره و انا بشتغل و ان انا مش اعرف افصل تكلفه ده عن ده و الاخر قلت للراجل اللى معاه الفلوس طلعهم لله قلى لا يا اما تاخدهم يا اما اديهم للراجل و اعتبرهم لله برضوا من الاخر من افسد شئ فعليه اصلاحه و علشان يعرف غلطه بالفلوس بس بينى و بينك انا بصيت لقيت انا اجبر يعنى المسئله حلال مش حرام بس انا نفسيا مكنتش مرتاح ان انا اخدهم