اول حاجه انا بعتذر لاداره المنتدى الكبير جدا بمحتواه واعضاؤه عن العضويه التانيه . انا واقع في مشكله ولاسباب كتير مينفعش اظهر بعضويتي الاصليه , وياريت المنتدى ما يحذفنيش حتى لما اللموضوع يخلص
وياريت اداره المنتدى تعمل قسم للمشاكل ما يظهرش فيه اسم او اي حاجه تدل على اي عضو فيه وشاكر ليكم
بالنسبه لمشكلتي
الاول انا اهلي عايشين بره مصر في السعوديه وانا كنت بدرس في مصر في احدى كليات القمه
الكلام ده من سنتين بالظبط بعد ما اهلو سافروا اتعرفت على بنت في كليه تانيه كانت مخلصه بنت كويسه ووسط كويس فحسيت ان ان شاء الله ربنا هيكرمني مع البنت دي والله بعد اسبوع طلبت اقابل امها وقايلتها كانت مقاببله يعني كويسه اللي ضايق امها اني مكعنديش شقه تمليك وبس قالتلي لما يجي اهلك الصيف اللي جاي ربنا يحلها
البنت دي للعلم والدها متوفي وعايشه مع امها اخواتها الولاد الاتنين اكبر ومتجوزين
اخوها اللي اكبر منها على طول كان مسافر في دوله اجنبيه . بعد ما قابلت امها بشهرين تقريبا نزل وطلبت اقابلو كان كويس جدا ومحترم جدا ومتفاهم جدا وقال ربنا يسهل ان شاء الله اهم حاجه اختي تكون موافقه واي حاجه بعد كده تمشي
نسيت اقول حاجه بعد ما قابلت امها باسبوع كانت جايبلها عريس
قبل ما اهلي يجو بشويه طلبت اقابل اخوها الكبري اه اتكلم معايا كويس وقالي عندك ايه وكده قلتله شقه ايجار قديم قالللي مش مشكله وناوي ايه اخلص واسافر البلد اللي فيها اهلي وربنا يرزقنا ان شاء الله قالي خلاص لما اهلك يجو من السفر اقابلهم - انا مكنتش مستريحله خالص- وانا هكون سالت عنكم حسب كلامه
اهلي جم وقولتلهم قال طيب نسال وكده واحد ابن حلال قالهم دول ناس مش كويسين وكده , ابويا رفض واتخانقنا كتير وسبتلهم البيت قلتله قابلهم حتى وشوف قعدنا في الحكايه دي لغايه قبل ما يسافرو باسبوع
المهم كلم اخوها الكبير وقالي هقابلو لوحده - انا كنت قايلها تقوله اني مقابلتوش علشان ابويا ميزعلش ووالله انا قابلتهم علشان حاجتين يعرفو اني فعلا عايزهم وعلشان اتاكد انهم ناس كويسه ومش هيطلبو اكتر من المستطاع -
المهم البيه وصل لابويا لمحله ان انا شفته قبل كده دي نقطه وقاله انتم جايين متاخر ومفيش وقت السنه دي ولسه هسال عليكم وكده خلاص ان شاء الله السنه اللي جايه
المهم ابويا روح وكل اللي قالهوله اتفقت معاه خلاص السنه اللي جايه , البيه روح وقالهم لا متفقتش ومش عايزين يجوزوا ابنهم ومعندهمش شقه تمليك - شوفو الراجل اللي كان متفق معايا - المهم كلمتني وقالتي ايه اللي حصل ده قلتلها حصل كذا كذا قالتلي لا مش بيقول كده وفي الاخر اقتنعوا انه كذاب
من بعديها اخوها الكبير ده كل شويه يتخانق معاها وضربها كام مره وامها كمان كل شويه جايبنلها كلب من الشارع علشان تتجوزو
وتحت ضغط مني عليها عرفت ليه بيعمل كده البيه عايز يجوزها علشان ياخد حقه من الميراث وبس والله جالها كميع عرسان بمعغدل 2 في الشهر وصل بيها كمان كام مره حاولت تنحر وتبلبع حبوب سكر وضغط وااقولها حرام اللي بتعمليه ده تقولي ربنا يسامحني انتا مش عارف هنا بيعاملوني ازاي
وكل شويه على المستشفى لغايه منا قلت في نفسي حاسس اني مش مصدقها خليتها مره تصوري المانيولات والمحاليل اللي كان متوصلين وتبعتهملي عي الميل
وهكذا لغايه ما خلصت دراستي وابويا قالي تعالى شهر السعوديه اقعد معانا سافرت وقبل ما الشهر ما يخلص ابويا تعب وديناه المستشفى وطلع عنده سرطان في الكبد
انا مسافرتش وقعدنا معاه على التحاليل والاشعات والدكاتره البهايم هنا اللي قالوله في الاخر ما ينفعش غير زراعه كبد
ابويا ادمر نفسيا قبل كل حاجه واتحايل عليه ننزل مصر مفيش قاليي في الاجازه المهم قبل ما يسافر باسبوع لقالي شغل مؤقت وقالي روح وكده انا كنت رافض علشان انزل معاه المهم فهمته اللي جواه انه خلاص فاقد الامل في الحياه وعايزني هنا علشان اعرف اجيب اقامه دايمه
المهم انا كنت قلتلها ان ابويا عيان وكده قالتلي ولا تقول اي كلمه طز فيا دلوقتي وانا واقفه جنبك وانا هستحمل علشانك واهم حاجه ابوك نطمن عليه
انا كنت بقولها كده على اساس خلاص الدنيا سوده والله اعلم ايه اللي هيحصل - على اساس مظلمهاش معايا كفيه سنه ونص - وانها تشوف حالها قالتلي اوعى تقول كده تاني انا معاك واللي يحصل يحصل وانا هستحمل علشانك
المهم والدي سافر مصر وعاد كل حاجه تاني والورم زاد وقالوله فينك من ساعتها واللي عندك دول بهايم اخرهم عمليه فتق
المهم قالو هنشيله ودخل العمليات بعد ما الدكتور فتح قفل تاني طلع قالهم معرفناش نشيله لافف حوالين اوعيه دمويه ومستحيل يتشال - نصاب من الاخر منه لله-
ابويا بعديها جاتله حاله اكتئاب شديده وبقا لحم على عضم ولا بياكل الا قليل ولا عايز يشوف حد ونفسيتو اتدهورت
وانا هنا قاعد على اعصابي ومحضر الباسبور والاتاشيره علشان في اي وقت اسافر
نرجع تاني لحكايه البنت اللي عايز اخطبها امها طلعت عينها وبهدلتها وتقولها خلاص اللي عايزاه مش جاي ده ندل ومش هييجي تقولها ابوه عيان وعنده كذا وكذا تقولها متكلموش ليه - ربنا يوريها المرض ده شكله ايه انا بدعي عليها كل يوم-
المهم امها جت هنا تعمل عمره وانا كنت طالع اعمل عمره المهم موافقش الا اقبلها في المدينه كانت قبل ما تروح مكه ب3 ساعات كلمتها وقاعدت اتحايل علياها اقايلها تقولي اصل الهدوم بلمها وكده ومعنديش وقت تقولي فيه ايه اقولها عايزك في موضوع تقولي ايه اقولها يا طنط ما ينفعش في التليفون ولازم اقابلك تقولي والله ما عندي وقت - لو كان كلب من الكلاب اللي بيجبوه لبنتها كانت نزلت جري - قالتلي خلاص ان شاء الله لما تنزل مصر اقابلك واتكلم معاك وانتا معزتك من معزه بنتي - اخدين بالكم انتم -
انا كنت عاايز اقابيلها علشان تتاكد ان انا مش بضحك على بنتها زي ما هيه فاكره واقولها باب تعبان وكده واصبري علينا شويه
المهم سافرت مصر قلبت عليها اكتر وضربتها واخدت الللاب منها والبنت مستحملتش
المهم بلبعت تاني ودخلت المستشفى وطلعت بعد اسبوع بعديها امها قعدت تعملها حنين- قلتلها خدي بالك وراها حاجه المعامله دي-
ما كدبتش خبر يوم الاربع اللي فات عرفت ان اخوها الكبير ده جاي تاني البنت خافت وبلبعت ودخلت المستشفى تاني
طلعت امبارح كان سافر لقت اخوالها اتنين منهم موجودين
فتحوا الموضوع معاها وحكتلهم كل حاجه يقولها طيب هوه فين ومتكلمش ليه قالتلهم حاول يقابل ماما وهيه مردتش فامها قالت قولتله في ايه مرداش يقول -شوف الست - تقولهم ابوه عيان يعمل ايه يقولوها خلاص اعتبريه ماصي وانتها - كانو جايبين عريس يوم الخميس اللي فات واجلوه الخميس ده- يقولها بصي من الاخر هيجي عريس الخميس ده وهترضي بيه غصبن عنك البنت من نرفزتها قالتلهم عليا اننا اتجوزنا عن مأذون - والله ما فيش حاجه حصلت هيه بتقول كده وخلاص من التعب-
خالها قام عليا وضرب ضرب بالخرطوم والباقي ولاد ال تيييييت واقفين يتفرجو وعوج ايدها وجري جاب سكينه وكان هيدبحها ساعتها شالو بعد ما جرح رقبتها - تخيلو الظلم والافترا
راحت المستشفى وقالتهم انا وقعت وطلع اللي في ايدها تمزق في الاربطه وخيطوا رقببتها - ساعتها كلمتني على مسينجر الموبايل وحكتلي قولتها اعملي محضر قالتلي مقدرش وبعدين لو عملت كده هيموتوني
راحت البيت خالها الراجل التاني قالها بصي ارضي وخلاص ويا ستي لو مستنياه فركشي مع ده وطفشيه بس لازم ترضي كلهم مستحلفنلك تقوله اكسب فيا ثواب واحميني وخدني عندك يقولها عندي ولاد صبيان ومقدرش - شوفوا السيس-
دلوقتي انا مش عارف اعمل ايه انا بتعذب اولا علشان ابويا ثانيا علشانها ومقدرش اسيبها شوفي بتعمل ايه علشاني انا لو سيبتها هتموت نفسها والله هيه عيله مفيهاش راجل بس انا اعمل ايه لازم اخدها منهم
وهيه كمان مش عارفه تعمل ايه في الللي جاي الخميس ده انا عارف انها هتبلبع تاني قولتلها اعملي محضر تقولي مقدرش
حتى لو ده حصل والله لهفركش معاه انا مستنياك
ساعدوني
المفضلات