حادث ولا اروع ولا اجمل

**tamertamer** · 04-10-2010 12:33 PM

انبارح كنت نحية جامعة القاهرة وماشى فى امان اللة واذا بعربية تتوقف على الشمال الحارة السريعة من الطريق
وقبل مترين من اقترابى من الحارة الجانبية ليها الباب فتح لاخرة طبعا ملت بالمكنة قدر الامكان بس ملحقتش
اول حاجة عملتها قفزت من على المكنة عشان متقعش علية والنتيجة
1- كدمة فى الركبة متوسطة المستوا
2-ولحسن الحظ ان الباب دخل فى مقبض الموتوسكل بس دخل ما بين صوبعى وقطع المقبض وكفى سليم خدش بسيط ما بين الصوابع
3- تورم لا يذكر فى كتفى الايمن طبيعة جسمى لما بتخبط بتزرق حتى لو خفيفة
المجمل نجيت بلاء اصبات قوية طبعا رحت المستشفى لتاكد من كل شىء وعمل الاشعات اللزمة وكلة تمام الثلج عمل اللازم ورحت المستشفى كمان بالموتوسكل وصلحتة كمان

الخساير المادية
1- الفيبر اتفك من مكانة على غير العادة فكيتة واستعدلتة وركبتة وبعض الخدوش
2- المراية الشمال اتكسر منها جزء صغير من الطرف
3- دراع الغيرات استعدلتة وبقا تمام بس لسة عايز شوية ظبت تانى
4- مقابض الموتوسكل انتهت خلاص

طبعا بعد وقعة زى دية كنت هقوم اموت قلى فتح الباب لقيت 4 بنات نزلين من العربية بصراحة الاربعة احلى من بعض واعتزرولى واعدو معاية وبصراحة دمهم خفيف واتعرفت عليهم لسة البنت بتسوق جديد وخلتهم يمشو ملهاش لزمة الوقفة عرضو علية تصليح الموتوسكل بس انا مبختش عوض كويس انى سليم نسبيا وخت الموتوسكل ورحت لواحد صحبى اعدنا نعمل فية

نستفيد اة من كدة لو على الطريق وشوفت بنت او ست ابعد عنها اربع حارات او لا تفكر فى التجاوز ابدا

**Merit** · 04-10-2010 12:37 PM

حمدا لله علي السلامة

**2faster** · 04-10-2010 01:32 PM

حمد الله ع سلامتك

**mtgalx** · 04-10-2010 02:33 PM

الف حمد الله علي السلامة الاول و الحمد لله انها جت سليمة معلش قدر الله و ماشاء فعل
فعلاً يا جماعة سواقه الستات تودي في داهيا تلقيم ضربين لخما و مافيش سرعة البديه و ذيادة علي كده غباء مستحكم تلاقيها تكسر او تقطع شارع من غير اشارة او تبص في مرايا !!!!!!!!! عادي غالص
تفتح باب تطيرك عادي خالص
تخبطك من ورا عادي خالص
تخدلك المراية و هي معديه جنبك عادي خالص
تشيلك و انتا ماشي حادي خالص
بس ميمنعش ان في بنات انا شفتهم سواقتهم جامدة و الكلام علي غرز و مشاط و تصيقيط نقلات و حرق عليها و شديت مع كذه واحدة الصراحة احترمتهم في غرزهم وأكهم للملفات كنت باجي جنبيها و اعمله 100% بايدي

**Khellooo** · 04-10-2010 02:36 PM

ههههههههههههه قضيها الناس لبعضيها

أنا بس حابب أنصحك إن الموتوسيكل بيبقى ماشى أسرع من العربية وبيعدى من عربيات أسرع طبعا فخلى بالك لأن أنت مابتبقاش باين فى المرايا ومرة واحدة اللى سايق يلاقيك جنبه ودى حصلت معايا وكان حظى مع ظابط بموتوسيكل شرطة بس الحمد لله جت سليمة بس كنت هالبسه فى الرصيف لأن اللى قدامى وقف مرة واحدة وأنا طلعت منه بسرعة والموتوسيكل طبعا جاى بسرعة

غير كدا لو قدرت تبص على السايق وتعرف دا راجل ولا ست يبقى 100 100 لو ست يبقى تخلى بالك جداااااااااااااااااااااا

وتقبل مرورى