الموضوع: طلب اغاثه عاجل جدا

السلام عليكم

حضرتك كلم ا/ محمد ممدوح او ا/محمد الشامى و ان شاء الله هيساعدوك و النمر موجودة فى المنتدى هنا

لو حضرتك اشتريت البليه الايطالي اللي بـ 45 جنيه وفيها إطار اخضر من الخارج فتأكد ان البليه فعلا باظت , لأن النوع ده لا أيطالي ولا صيني حتى , دي حاجه كده من بير السلم زي ما بيقولو

ولو هتشتري من القاهره انصحك بشركه العنتيبي في شارع رمسيس بجوار جريده الجمهوريه , هتلاقي تمن البليه الأماميه الـ skf بـ 110 جنيه (صناعه اسباني) , ومتستكرش سعرها بس هي تمنها فيها بجد

واي ميكانيكي ممكن يركبهالك في ظرف ساعه مثلا , لكن الأهم من كل ده ان البليه تركب على مكبس عند خراط , اوعي الميكانيكي يقنعك بغير كده , لا يقولك اعملها في الورشه عندي ولا ولا ولا , لازم خراط ومكبس , ومصنعيه كبس البليه الواحده حوالى 10 جنيه

بالتوفيق ان شاء الله

المشاركة الأصلية كتبت بواسطة jojowork1

انا هانزل اجيب البلي من التوفيقيه وهدور علي ميكانيكي كويس

بلاش التوفيقيه في حكايه بلي العجل دي !!!!! هناك كل واحد بمليون كلمه , و حتى الـ skf عندهم لو لاقيته هتلاقيه مضروب , وكل واحد هيحاول يقنعك ان الاسباني مش اصلي والايطالى هو الاصلي , واللي هيقولك لا ده ولا ده الاصلي والبلجيكي هو الاصلي ,,,,,,,,,,,,,,,,,,,,,,,,,,,,,,,,,,,, الخ

المسافه مش كبيره بين التوفيقيه وشارع رمسيس , خليك مع شركة العنتيبي لو عايز تريح بالك وتشتري حاجه مضمونه

وحكايه الميكانيكي دي حضرتك عايز حد في مكان معين او قرب وسط البلد , و لا ممكن في بين السرايات مثلا او فيصل ؟؟

بين السرايات فيها محمد هاشم ادام ابو الحسن على طول في شارع المرور

فيصل فيها محمد عبده في شارع العشرين , وانا شخصيا ارشحلك محمد عبده احسن

لو عايز حد في وسط البلد , فأنا معرفش حد هناك , بس شارع شامبليون مليان , لكن نصيحه مني خليك واقف على ايد الميكانيكي وهو شغال ومتثقش فيه ابدا لأي سبب , وقبل ما يمد ايده في الشغل اتفق على المصنعيه معاه

مصنعيه تركيب البليه الواحده بتكون في حدود 40 او 45 جنيه , لو عرفت تعملها اقل من كده انت الكسبان طبعا

المشاركة الأصلية كتبت بواسطة mely

طبعا منتهى الخطوره ان الاستاذ الميكانيكى يركبها دق انا شخصيا بركبها بايدى عند الميكانيكى بتاعى باستخدام المنجله يعنى مكبس يدوى لكن دق بلااااااااااااش
ومن ساعتها الراجل بيركبها لكل الناس كده