الموضوع: اية اخبار الكروز معاكم؟

طيب حد يعرف الاسعار الفوانيس بكام ولا لا

المشاركة الأصلية كتبت بواسطة mhmdalsaadany

اهلا وسهلا بيك يا هندسه شرفت القسم بتاعنا والله ونتمنى من الله وجودك الدائم معانا ان شاء الله
وطبعا حضرتك معزوم معانا يوم 3/11 في مقابله شيفروليه الكبرى ان شاء الله عند سوق السيارات بالعاشر واعمل حسابك من دلوقتي مفيش سبب هنقبله منك يعني لازم تكون موجود ان شاء الله :f_eyeb1[1]:
(لو سمحت يا هندسه انا ليه استفسار عند حضرتك لو ممكن ابعتلك على الخاص اكون شاكر ليك جدا وشكرا)

تدفع كام واروح المقابله ‎:-d
اولا لازم اشكرك علي ذوقك ثانيا الصراحه انا لانسراوي ثالثا والله لو لقيت وقت فاضي هاجي معاكم ان شاء الله ده طبعا لو محدش هيضايق اخيرا بقي اتفضل اسال او ابعت اللي عاوز علي الخاص

المشاركة الأصلية كتبت بواسطة montela

السلام عليكم
اولا انا معنديش كروز بس انا مهندس في منصور شيفرولية مدينة نصر وعلشان اكون صريح معاك العربية الكروز عربية ممتازة جدا وثابتة علي الطريق جدا ومفيش شكاوي بتيجي منها لغاية دلؤقتي غير الحاجات الطبيعية جدا اللي بتحصل عادي وبتتحل علطول في التوكيل ان شاء الله
هي بس العيب الوحيد شوية وانا معتقدش انة عيب كبير هو ارتفاع اسعار قطع الغيار شوية لانها اصلية وعليها ضمان يعني مثلا الكلاكس عامل حوالي 450 جنية
بس بصراحة هي عربية ممتازة+ ان حضرتك لما بتحب تعملها صيانة احنا بندخلها التوكيل من دون حجز مسبق هي والكابتيفا
دة راي وطبعا الراي في الاول والاخر يرجعلك

مساء الخير يا بشمهندس

بعد اذن حضرتك كان ليا كذا استفسار بخصوص الكروز

1-ممكن اعرف كماليات اعلى فئة فالكروز وسعرها و هل بها فتحة سقف ام لا

2-المعاد التقريبى لنزول موديلات 2011 من الكروز

3- انا من اسبوع شوفت عالنت مواصفات الكروز فى امريكا 1400 سى سى بقوة 140 حصان وفيها كماليات كتيرة جدا(هابقى اعمل موضوع منفصل لان فيها اوبشنز كتير زى الpark asisst)

هل ينفع اخلى التوكيل يجيبهالى سبيشيال اوردر و يدينى عليها ضمان ولا لا

و اكون شاكر جدا لحضرتك

المشاركة الأصلية كتبت بواسطة moody1

مساء الخير يا بشمهندس

بعد اذن حضرتك كان ليا كذا استفسار بخصوص الكروز

1-ممكن اعرف كماليات اعلى فئة فالكروز وسعرها و هل بها فتحة سقف ام لا

2-المعاد التقريبى لنزول موديلات 2011 من الكروز

3- انا من اسبوع شوفت عالنت مواصفات الكروز فى امريكا 1400 سى سى بقوة 140 حصان وفيها كماليات كتيرة جدا(هابقى اعمل موضوع منفصل لان فيها اوبشنز كتير زى الpark asisst)

هل ينفع اخلى التوكيل يجيبهالى سبيشيال اوردر و يدينى عليها ضمان ولا لا

و اكون شاكر جدا لحضرتك

والله اقرب معاد لنزول الكروز 2011 معرفوش بس ممكن تخش هنا
http://www.almansourauto.com/Passeng...fications.aspx
في معلومات كتيرة عن الكروز وامكانيتها
اما جكاية الاسبيشال اوردر دي ممكن تسال فيها المبيعات لاني انا في الورشة مش في المبيعات معلش انا اسف

المشاركة الأصلية كتبت بواسطة mhmdalsaadany

يا باشا لازم تشرفنا عشان انت بتاع ورشه منصور وواضح ان حضرتك حد محترم جدا وفاهم
يعني هنشوفك هنشوفك
وانا مستعد ادفع لحد 100000 ليره سوري ههههههههههههه

ياباشا ربنا يكرمك انت راجل ذوق وان شاء الله في اقرب فرصه هنتقابل ان شاء الله ومن غير فلوس خالص‎:-d