مشاكل فى الأسترا 2005 والحلول ( الحلول والنتيجة ..... الجزء الأخير ) ...
السلام عليكم ورحمة الله وبركاته
بعد التأخير الغير مقصود .... وبعد الجزء الأول بمشاكله ..... وتحديد سبب المشاكل .... هناقش إن شاء الله دلوقتى طرق الحل والنتيجة .
الحلول :
ووصلت سرور فى شامبليون وبدأت ..... جبت 4 قواعد للموتور واحدة فيبى والباقين على ما أتذكر تركى ( كانوا بـ 800 جنيه بالرغم من إن مقار قالى عليهم بـ 1950 جنيه بس ) ...... وجبت كمان بوبينة ديلفى فرنساوى ( بـ 725 جنيه وفى مقار قالى بـ 1450 جنيه ) وكمان أربع بوجيهات gm بـ 110 جنيه ..... ولقيت كمان كابل عصاية الفتيس كان مكتوب فى التقرير ولقيت سعره عند سرور بـ 550 جنيه رحت على طول متصل بالمهندس وجيه وسألته ليه الكابل ده قالى علشان عندك بوش فى الفتيس لكن متشتريش الكابل كله واشترى الجلدة اللى فى آخره بس وهى ببتباع عند واحد أسمه طارق أوبل بـ 50 جنيه خلف مقار وأمام صيانة نيسان فى محطة البحوث .... وبالفعل اشتريت الحاجة ورحت طاير على عبد الله أوبل ودخلت وشرحت ليهم عاوز أغير إيه .... وطبعا من ثقتى فى الكلام اللى بقوله الناس فتحت الكبوت واشتغلت زى ما أنا عاوز تماااااااااام ..... وكان معايا جركن زيت فيسكو 3000 ( كان بـ 116 جنيه ) .... وغيرت الزيت والفلتر والقواعد والبوبينه ومعاها البوجيهات وحته الجلدة بتاعت الفتيس .... وكل ده فى حوالى ساعة ونص ..... وطبعا المصنعية كانت 130 جنيه .
ورحت واخد العربية ومجرب
النتيجة :
الحمد لله العربية اختفت منها التنتيشة نهائيا على أى سرعة .
العربية مش بسمع فيها طقة عند الملفات أو عند الحركة من الثبات .
العربية بتدور من أول مرة من غير دوسة البنزين .
العربية مش عارف ليه حاسس إن فراملها بقيت أقوى ( شكلهم فى مقار هما اللى عملوها كده ) .
وطبعا بعد اليوم الحافل ده رحت واخد العربية وطاير على بنى سويف وطول الطريق بجرب فى العربية .... والحمد لله حاسس براحة من الوضع اللى وصلت ليه العربية .
شكر خاااااااااااااااص جدا جدا جدا لطنانى باشا عن تقديمه للمشورة والنصائح باستمرار ... وإزعاجى ليه بالتليفون على طول
وشكر خاص أيضا للمهندس وجيه الخولى فى مقار .
وشكر طبعا للصنايعية عند عبد الله أوبل محمد الطويل وزكريا على الشغل السريع والنظيف والحرفنة كمان .
وشكرا لساعى البرييييييييييييييييييييي يييييييييييييييييد
أشوفكم على خير فى تقرير آخر
مراسلكم من بنى سويف محمد عاطف
