ماذا تفعل لو كنت مكاني!

**Ruin Scud** · 05-10-2010 12:01 AM

أحد الأصدقاء لي يمتلك سياره جديده لم تتعدى 10000 كم وهي سكودا اوكتافيا , فوجيء بإبن الجيران عمره لم يتجاوز السنتين يمسك بحجر كبير بعد نزع غطاء السياره ويضربه في جسم السياره من الأمام والخلف .
الأضرار عباره عن منظر سيء جدا للسياره من الأمام والخلف الشنطه والكبوت, وللأسف ليست اول مره يفعل فيها هذا الولد هذا الكلام. والناتج عن هذا الحادث كأن السياره كانت في حادثه صغيره على الطريق.
توجه الى والده ولكنه رفض النزول من بيته وارسل رساله بأنه سيتكلف بالمصاريف من 1 الى الف ج !
ولم يعتذر او يرى الأضرار.
توجه الى جد الولد وهو ابو الطفل ولكنه ايضا لم يعيره اهتماما وادعى بانه نائم.
هنا توجه الي الصديق لكي انصحه , فقلت في داخل نفسي بضروره عمل محضر ! ولكن رفضت هذه الفكره حتى لا ابتدي بالشر كما انهم جيرانه منذ فتره كبيره.
اود نصاحئكم لكي انقلها له, ولكي اكون حيادي معه مع العلم أن من الصعب رجوع الكبوت لأصله ولكني لم اذكر هذا امامه ماكتفيت بأنها شيء بسيط وهذا غير صحيح بالمره.
جزاكم الله كل خير وشكرا مقدما لرأيكم.

**Dr_Mido** · 05-10-2010 12:40 AM

محضر ومعاينه بالتلفيات وتعمل قضيه حتى و كلمه جيران متنطبقش على دول

**Abo_Lina** · 05-10-2010 12:50 AM

من شيم الرجال مواجهة المواقف مش الهروب منها
و أبو الولد بهروبه كده أثبت إنه مش تمام
فكرة المحضر مطروحة و لكن قد تضر أكثر مما تنفع بالنسبة للعلاقة المستقبلية بين الجيران و حالة التربص التي قد تحدث

**AshTurbo** · 05-10-2010 01:56 AM

يا جماعة مفهوم الجيران دة أتلغي خلاص وحل محلة كلمة الثيران - الخرفان - العدوان أي حاجة متوحشة غير الكلمة الجميلة المسماة جيران .

بص أخد الحق حرفة ونصيحة أخوية المحضر لا هيودي ولا هيجيب خدها مني كلمة ويوم الحكومة بسنة وهيدفع رشاوي ومحامين وقرف هو في غنى عنه يشوف أي طريقة تانية ( ودية ) غير حكاية المحضر دة وبعد كدة ياخد باله من العربية ويحطها في جراج أحسن ما تتبهدل .

**zrzr1** · 05-10-2010 04:29 AM

المحضر حل من الحلول بس حضرتك دول الجيران من فتره طويله ولفتره جايه طويله مينفعش يبقي بينهم
الخلافات وتوصل للمحاكم
جرت العاده انو بيكلم الناس الكبار بتاعه المنطقه او اللي ليهم كلمه يعني طالمها لا الراجل ولا الجد عندهم دم وبيتحركو

**hussein** · 05-10-2010 05:32 AM

المشاركة الأصلية كتبت بواسطة ruin scud

عمره لم يتجاوز السنتين يمسك بحجر كبير بعد نزع غطاء السياره ويضربه في جسم السياره من الأمام والخلف .

سنتين ازاى دا ؟
وازاى بينزل الشارع لوحده و يشيل غطا العربية !!!!

**Ahmed Anwer** · 05-10-2010 06:45 AM

سنتين ده يعني لسه رضيع !!!!

ده علي كده العيل أول ما يتولد

هيضرب الدكتور بالبوكس

ههههههههه

___________________________________

رأيي الشخصي ما دام معترفين بغلطهم مالهوش لازمة تكبير الموضوع

يبعتلهم يقدروا التلفيات أو يقدرها بنفسه و ياخد حقه

**Ruin Scud** · 05-10-2010 09:31 AM

لهذا السبب ولأنه طفل صغير وايضا لحركة نزع الغطاء عن عمد ولتكرار حدوث المشكله صديقي يشعر بان الأمر مقصود.
وللأسف الشديد هوا ده اللي مخليه مضايق.

**زهير فكري** · 05-10-2010 09:33 AM

و الله يا باشا , غالبا بيبقي ابوه اللي بيبقي قايله يعمل كده , بدافع الحقد علي ما يملكه الناس , الحل من وجهه نظري انك تشوف حد محترم من جيرانك و تشهده عليه , مفيش حد وقف معاك يبقي العربيه تتصلح و تجيب بيها فاتوره , و يدفعها , محصلش و رضي يدفع , يبقي تعمل معاه خناقه كبيره و تقوله لو شفت ابنك بيقرب ناحيتها ( هدفنه ) تحتها و ده حقك و محدش يلومك , لو ليلك حد في
الشرطه يبقي ممكن تعمل له محضر .

**mahmoud5777** · 05-10-2010 09:47 AM

محضر فورا طبعا مفهاش كلام وبعدين طفل ايه اقل من سنتين ينزل الشارع ويرفع حجر ويضرب بيه العربية دى حاجة تغيظ
وبعدين جيران ليك وليهم حقوق عليك وانت ملكش حقوق عليهم

الموضوع: ماذا تفعل لو كنت مكاني!

LinkBack

أدوات الموضوع

عرض

ماذا تفعل لو كنت مكاني! - انشر الموضوع فى :

-

-

-

-

-

-

المواضيع المتشابهه

ماذا تفعل لو كنت مكاني ؟؟؟

ماذا تفعل لو كنت مكاني

ماذا تفعل لو كنت مكاني !!!!!!!!!!!!!!!!!!!

ماذا تفعل لو كنت مكاني؟

الكلمات الدلالية لهذا الموضوع

المفضلات

المفضلات

ضوابط المشاركة