النوبيرا الاتوماتيك بتبطل !!!!!! أرجو الإفادة

**mohabelnegm** · 08-10-2010 12:39 PM

المشاركة الأصلية كتبت بواسطة ahmedjumpo

لو سمحت يا باشا انا عندى تقريبا الاعراض اللى قولت عليها و كان شكى فعلا بداء يروح لحساس الكرنك بس عايز اتاكد من حاجة و هى اوقات كتير لما باجى ادور العربية اسمع صوت تكة صغيرة و لكن من غير ما الكرنك يدور اى صوت تكة مكتومة و كان الموتور مش واصله حاجة رغم انى عامل صيانة للمارش و فكه و مجربه بره العربية زى الفل , تانى حاجة العربية اوقات بتبطل فى السلانسية و غالبا لما بتبطل و اجى ادور يحصل نفس مشكلة المارش اللى فاتت فهل ده كده فعلا حساس الكرنك و هل سبق انك تعرضت للمشاكل ديه و لو ممكن معرفة كم سعر حساس الكرنك
ارجو انك تعذرنى للاطالة و فى انتظار مساعدتك لانى بعانى من المشاكل السابقة بقالى اربعة اشهر و لفيت بالعربية كتير و محدش اقدر يوصل لسبب المشكلة

بص يا باشا..ألأعراض دية بالظبط بنسبة 90%حصلت معايا...فى ألأول كانت العربية فى اليوم بتبطل مرتين أو تلاتة مع التهديه و بعد كدة كانت بتبطل على السلانسيه , لغاية لما فى يوم بطلت و مادارتش ألا بعد ما بردت شوية. رحت للميكانيكى و كشف على حبة حاجات و قالى أن العربية مش ظاهر فيها أى حاجة مش طبيعية و قالى أروح التوكيل يوصلوها على الكومبيوتر و فعلا رحت التوكيل و كشفوا مرة و أتنين و تلاتة و مظهرش أى عطل على الكومبيوتر لغاية لما طلعت بالعربية مشيت بيها شوية و رجعت ووصلناها تانى على الكومبيوتر و ظهر أن حساس الكرنك فيه عطل و سألت علية فى التوكيل قالولى مش موجود لأنه نادرا لما بيعطل و لأن سعرة غالى 650جنية بس بصراحة عملوا معايا واجب انهم لقولى حساس قديم عندهم و ركبوه و دة حل المشكلة و أن شاء الله لما يجيلهم الجديد هاروح أشتريه و أركبة. حاول توصل عربيتك على الكومبيوتر فى مركز خدمة كويس و تكون بعد مشوار و سخنة و أكيد هايطلعللك السبب بنسبة 100% . و أبقى طمننا عملت أية. تحياتى.

**ahmedjumpo** · 08-10-2010 06:17 PM

اولا انا متشكر ليك جدا يا باشا على ردك و معلش لو هتقل عليك بس كنت عايز اعرف لما كانت العربية بتيجى تبطل هل كان قبلها تشعر ان ال rpm بيهيس و يعلى و يوطى و بعدين تبطل
و بالنسبة للدوارة فكنت عايز اعرف الوصف بالضبط لحالة الدوارة يعنى هل لما تيجى تدور العربية حتى و لو هى باردة هل كان فى صوت الكرنك مع ادارة المارش و لا مكانش فيه اى اصوات فقط تحس ان فى تكة صوت من المارش لكن الكرنك ما بيدورش و كأن العربية قاطعة كهرباء ارجو من حضرتك دقة الوصف لعلى اجد من خلالك اسباب المشاكل اللى انا فيها بقالى اكتر من اربعة اشهر و فعلا زى ما حضرتك بتقول كل ما احط العربية على سكانر مابيبنش ان فيه اى مشكلة
وفيه استفسار هل مع عطل حساس الكرنك كنت تشعر بزيادة فى استهلاك البنزين للعربية و خصوصا فى بداية التدوير
مرة اخرى انا شاكر لك سعة صدرك

**mohabelnegm** · 08-10-2010 11:57 PM

[QUOTE=ahmedjumpo;3873108156]اولا انا متشكر ليك جدا يا باشا على ردك و معلش لو هتقل عليك بس كنت عايز اعرف لما كانت العربية بتيجى تبطل هل كان قبلها تشعر ان ال rpm بيهيس و يعلى و يوطى و بعدين تبطل
و بالنسبة للدوارة فكنت عايز اعرف الوصف بالضبط لحالة الدوارة يعنى هل لما تيجى تدور العربية حتى و لو هى باردة هل كان فى صوت الكرنك مع ادارة المارش و لا مكانش فيه اى اصوات فقط تحس ان فى تكة صوت من المارش لكن الكرنك ما بيدورش و كأن العربية قاطعة كهرباء ارجو من حضرتك دقة الوصف لعلى اجد من خلالك اسباب المشاكل اللى انا فيها بقالى اكتر من اربعة اشهر و فعلا زى ما حضرتك بتقول كل ما احط العربية على سكانر مابيبنش ان فيه اى مشكلة
وفيه استفسار هل مع عطل حساس الكرنك كنت تشعر بزيادة فى استهلاك البنزين للعربية و خصوصا فى بداية التدوير
مرة اخرى انا شاكر لك سعة صدرك[/QUOTE
الدوارة كانت طبيعية ماعدا انها كانت بتتم بلفة مارش طويلة يعنى فى العادى كنت بدور العربية بربع لفة مارش و دلوقتى بعد ما غيرت الحساس العربية بتدور فعلا بربع لفة مارش. بالنسبة لل rbmماكانش فيه أى تغيير العربية كانت بس بتبطل مع التهدية. أستهلاك البنزين كان طبيعى وقت العطل دة.