النوبيرا الاتوماتيك بتبطل !!!!!! أرجو الإفادة

**tameem1** · 05-10-2010 12:18 AM

السلام عليكم ورحمة الله وبركاته

من فترة طويلة وأنا متابع المنتدي المفيد والمحترم ده والناس الخدومة واللي عندها خبرة عالية جدا في العربيات لكن دي أول مشاركة ليا وأول سؤال.
عربيتي نوبيرا 2003 أتوماتيك. ساعات بتبطل لوحدها لو أنا مهدي السرعة جدا علشان ملف أو مطب. هو الموضوع ده مش بيحصل دايما لكن ساعات. لو حد يعرف السبب مع قليل من الشرح أكون شاكر جدا.

**M.Zaher** · 05-10-2010 08:42 PM

العربيه عامله كام كيلو

ممكن تكون طلمبة البنزين

**Eng.Geo** · 05-10-2010 10:52 PM

شوف دول
طلمبة بنزين
موبينة
بوجيهات
وانت بتقول ساعات بيحصل فانا شاكك في الموبينة

**tameem1** · 05-10-2010 11:05 PM

شكرا علي الرد جزاكم الله خيرا

العربيىة عاملة 87000 ولسة كنت مغير فلتر البنزين والبوجيهات يبقي إن شاء الله هاكشف علي طلمبة البنزين والموبينة. ومنتظر أي أفكار أو خبرات تانية.

جزاكم الله خيرا

**mmmmgogommmm** · 05-10-2010 11:13 PM

بصفتك من ملاك النوبيرا الاوتوماتيك فارجو من سيادتك اجابتى على الاسسئلة الاتية 1/ هل حقا الفتيس الاوتوماتيك ضعيف ومشاكلة كتير 2/ الموتور كام حصان 3/ معدل استهلاك البنزين فى الصفيحة داخل البلد بدون تكييف 4/ هل فعلا بعد تغيير مقصات الفابريكة اللى نازلة بيهم العربية بتحدف وهى ماشية مهما ركبتلها مقصات او جلب تانية ومبتظبطش زوايا---------------------معلش السؤال الاخير دة غريب شوية بس المعلومة اللى فية قالهالى واحد راكبها وانا شاكك فية ومن المحتمل انى اشترى نوبيرا قريب وشكراا كما ارجو من اى زميل فى المنتدى عندة اجابة على اى سؤال من اسئلتى انة يرد عليا وتقبلوا جميعا تحياتى

**pharonicking** · 05-10-2010 11:13 PM

شوف كهربا العربية

**M.Zaher** · 05-10-2010 11:29 PM

المشاركة الأصلية كتبت بواسطة mmmmgogommmm

1/ هل حقا الفتيس الاوتوماتيك ضعيف ومشاكلة كتير

زيه زي اي فتيس تاني

المشاركة الأصلية كتبت بواسطة mmmmgogommmm

2/ الموتور كام حصان

1500 بيطلع 108 حصان عند 6200 لفه
1600 بيطلع 104 حصان عند 5800 لفه

المشاركة الأصلية كتبت بواسطة mmmmgogommmm

3/ معدل استهلاك البنزين فى الصفيحة داخل البلد بدون تكييف

من 150ل 170 كلم و سعات بيكون اقل بتختلف كل يوم عن التاني

المشاركة الأصلية كتبت بواسطة mmmmgogommmm

4/ هل فعلا بعد تغيير مقصات الفابريكة اللى نازلة بيهم العربية بتحدف وهى ماشية

كلام مش مظبوط
ده تغيير المقصات الفابريكه للمقصات الاسباني هوه الحل بتاع جلب المقصات اللى بتبوظ بسرعه

**mmmmgogommmm** · 06-10-2010 11:18 PM

شكرا استاذ م/ زاهر واللة انا مهتم وبفكر فيها اليومين دول ----------بس انت عارف الناس فى بلدنا بيفتوا وانا حاسس ان الكلام مش راكب على بعضة------------- عشان كدة سالت وحضرتك مشكور طمنتنى شكرا

**mohabelnegm** · 07-10-2010 12:10 AM

لو العربية بتاخد معاك لفة مارش طويلة سنة فى الدوارة و بتبطل و أنت ماشى لما بتهدى السرعة دى كدة مؤشرات لعطل فى حساس الكرنك, دة بيبقى وصلة صغيرة فى حجمها و بتتفك و تتركب فى دقايق لأن مكانها زى فيشة كدة فى وش الموتور... بس هو بيبقى غالى شوية.

**ahmedjumpo** · 07-10-2010 11:40 PM

المشاركة الأصلية كتبت بواسطة mohabelnegm

لو العربية بتاخد معاك لفة مارش طويلة سنة فى الدوارة و بتبطل و أنت ماشى لما بتهدى السرعة دى كدة مؤشرات لعطل فى حساس الكرنك, دة بيبقى وصلة صغيرة فى حجمها و بتتفك و تتركب فى دقايق لأن مكانها زى فيشة كدة فى وش الموتور... بس هو بيبقى غالى شوية.

لو سمحت يا باشا انا عندى تقريبا الاعراض اللى قولت عليها و كان شكى فعلا بداء يروح لحساس الكرنك بس عايز اتاكد من حاجة و هى اوقات كتير لما باجى ادور العربية اسمع صوت تكة صغيرة و لكن من غير ما الكرنك يدور اى صوت تكة مكتومة و كان الموتور مش واصله حاجة رغم انى عامل صيانة للمارش و فكه و مجربه بره العربية زى الفل , تانى حاجة العربية اوقات بتبطل فى السلانسية و غالبا لما بتبطل و اجى ادور يحصل نفس مشكلة المارش اللى فاتت فهل ده كده فعلا حساس الكرنك و هل سبق انك تعرضت للمشاكل ديه و لو ممكن معرفة كم سعر حساس الكرنك
ارجو انك تعذرنى للاطالة و فى انتظار مساعدتك لانى بعانى من المشاكل السابقة بقالى اربعة اشهر و لفيت بالعربية كتير و محدش اقدر يوصل لسبب المشكلة

الموضوع: النوبيرا الاتوماتيك بتبطل !!!!!! أرجو الإفادة

LinkBack

أدوات الموضوع

عرض

-

-

-

-

المواضيع المتشابهه

أرجو الإفادة

مشكلة جامدة - العربية بتبطل وانا مشغل التكييف أرجو الإفادة

مشكلة جامدة - العربية بتبطل وانا مشغل التكييف أرجو الإفادة

أرجو الإفادة

دلوقتى سعر الافيو الاتوماتيك 83000 وسعر النوبيرا الاتوماتيك 82500 يبقى انهى فيهم احسن

الكلمات الدلالية لهذا الموضوع

المفضلات

المفضلات

ضوابط المشاركة