Top Movies Channel - Freeze Your Blood 10872-V

**shaddadfalcon1** · 05-10-2010 10:10 AM

المشاركة الأصلية كتبت بواسطة mahmoud5777

عاوز تتفرج على افلام رعب بجد تعالى العب مع اولادى سنتين ونص وخمس سنين الولد احمد الصغير ممكن يعمل فيك زى مكان الراجل بتاع سو بيعمل فى الناس مع فارق طفيف انو فى الاخر هايحضنك ويبوسك ويبصلك ببراءة تحرق دمك زيادة

والله العيال دوول الواحد مش عارف يعمل فيهم ايه
اول المبارح ابني محمد (سنتين) كان هيموت مامته
سيادته خلاها نايمه علي الأرض وقام طالع علي الكنبه ونازل طاير علي بطنها وهيا حامل في التاسع اصلا

مش عارف اعمل فيه ايه - اصله ساعات بيجي يقعد معايا وانا بتفرج علي المصارعه فشكله كده كان فاكر نفسه طالع علي الزاويه اللي في الحلبه
ربنا يستر علي مراتي لانها كشفت البارح ولقت الخبطه ليها تاسير

**n_i_t_e** · 05-10-2010 10:25 AM

أفلام SAW و الحاجات دي مخيفة جدا ... فى برضه سلسلة اسمها Freedy باين. صعب الواحد يكمل الفلم...
بس أفلام زي Aliens ممكن أقدر أكملها على أساس أن مشاهد الدم أقل و التركيز عالExcitement أكتر...زمان كنت بقول لماما لما تقولى بتتفرج على ايه أنى بتفرج على فلم "أجتماعى" عشان متغيرش القناة لأنها مش بتحب النوعية دي من الأقلام خالص و بعدين تتصدم بمشاهد الفلم دلوقتى أول لما أقولها ده فلم أجتماعى تغير على طول من قبل حتى ما تتأكد بمناظر القتل

**shaddadfalcon1** · 05-10-2010 10:42 AM

المشاركة الأصلية كتبت بواسطة n_i_t_e

أفلام SAW و الحاجات دي مخيفة جدا ... فى برضه سلسلة اسمها Freedy باين. صعب الواحد يكمل الفلم...
بس أفلام زي Aliens ممكن أقدر أكملها على أساس أن مشاهد الدم أقل و التركيز عالExcitement أكتر...زمان كنت بقول لماما لما تقولى بتتفرج على ايه أنى بتفرج على فلم "أجتماعى" عشان متغيرش القناة لأنها مش بتحب النوعية دي من الأقلام خالص و بعدين تتصدم بمشاهد الفلم

دلوقتى أول لما أقولها ده فلم أجتماعى تغير على طول من قبل حتى ما تتأكد بمناظر القتل

فعلا الأفلام الدمويه دي بتبقي مقرفه ومقززه ومش بتفرج عليها عشان كده مش عشان مخيفه ولا حاجه

انا بحب نوعية الأفلام اللي زي Predators او I am Legend انا شايف ان ده اجمد فيلم بجد اتفرجت عليه من النوعيه دي خصوصا الحته الشلبي اللي كانت فيه

**mr_kenawy** · 05-10-2010 06:51 PM

قناة جامدة جدا بس ينقصها خدمة ال epg لان اللى بيدخل فى نص الفيلم ما بيبقاش عارف هو ايه بالضبط , و كمان ما تقدرش تعرف الافلام اللى هتتعرض بعد كدة.

**SHNORY** · 05-10-2010 06:55 PM

المشاركة الأصلية كتبت بواسطة محمد الشامي

هي موجوده على النايل سات عادي يا استاذي :-)

انا دورت علي التردد ده ومنزلتش وسط القنوات

**bassem.naguib** · 05-10-2010 09:00 PM

المشاركة الأصلية كتبت بواسطة shnory

انا دورت علي التردد ده ومنزلتش وسط القنوات

المشاركة الأصلية كتبت بواسطة محمد الشامي

حضرتك جرب تدور على 10873 , لانها نازله عندي على التردد ده مش على 10872

لازم يكون قطر الطبق كبير (اعتقد مش أقل من 120سم أو 180سم) علشان يلقط ترددات الأقمار المجاورة للنايل سات (لو lnb متوجه على النايل سات) إنما لو طبق متحرك وجه على الأوروبي وهو حيلقط القناة .

**bassem.naguib** · 06-10-2010 11:32 AM

المشاركة الأصلية كتبت بواسطة محمد الشامي

القناه موجوده على قمر النايل سات عادي :-) وموجوده على الاتلانتيك بيرد
ومش محتاجه طبق 120 سم خالص لان الطبق اللي انا بستقبل بيه القناه حاليا قطره 1 متر ويمكن 90 سم كمان :-) وهو ثابت مش متحرك ومفيش عليه غير قمر النايل سات فقط

ايه ده يبقى أنا بفتي بقى هههههه

أصل المشكلة دي موجودة عند واحد صاحبي في نفس الشارع وقالي على القناة دي .. والتردد مبيجبش أشارة خاص .. ولما روحت البيت بعمل بحص على التردد ده لقط القناة (عندي طبق180) فأستنتجت أن علشان الطبق صغير مش قادر يجيب أي تردد من قمر تاني .

فني الدش وضح ليا مرة أن علشان الطبق كبير ممكن يلقط بعض الترددات في أقمار قريبة من النايل سات زي القمر بدر وحاجات زي كدة .

أنا أسف لو قلت معلومة غلط .. بس المشكلة فين أن التردد ده بيجي عند ناس وناس لآه .