موضوع مضايقنى جداعلى الطرق
السلام عليكم
اتمنى الجميع يكون بخير
انا عامل الموضوع ده لان بجد الحوار ده مديقنى جدا وعاوز اشوف ليه حل لانها بجد تعتبر كارثه
دلوقتى اى نازله من الدائرى بيكون عليها ضغط زى اكتوبر والمؤسسه وقليوب
لازم يكون فى رصيف فاصل فى النص وبجد حسبى الله ونعم الوكيل سواء فى الى فكر وفى
الى نفذ!!!
الرصيف يتعمل وقبل حتى مبيخلص الرعبيات بتدخل فيه والعربيات بتدمر بسبب الموضوع ده
مش كفايه الكماين الى من غير حتى يافطه مكتوب عليها قف زودها بارصفه ملهاش اى لزمه!!!!!!
كل مره اشوف عربيه داخله فيه ومركونه على جمب و بتخيل احساس صاحبها لما ينزل ويشوف
العربيه بالمنظر ده هيروح لمين ولا يعمل ايه ؟
وبجد انا مش شايف اى لزمه للرصيف دلوقتى بالعكس ديما قبليه زحمه وهرجله
الرصيف بيتعمل بدون اى منبهات او يفط قبليه او حتى عليه وحتى المواسير البلاستك مش بتكمل
اسبوع وكلها بتتكسر من الحوادث الى بتحصل بسبب الرصيف الزفت ده
حتى الى بيسلم من الرصيف وبيطر يرجع بظهره عشان فوت النازله بيلاقى واحد اخل فى من ورا
وقبل اى نازله بتلاقى زحمه لاما ميكروبصات بتنزل ناس وبتخبى الطريق لاما هتلاقى واحد كان ماسك الشمال
شاف الرصيف حدف يمين من الخضه والى ورا بقى هوا وحظوا
انا مش فاهم الى فكر وعمل الموضوع ده مبيفكرش فى العواقب بتعتوا
لو قولنا معتقدش ان ده ممكن يحصل بعد الى بيحصل مش عارفين يفكروا انهم يحطوا اى حاجه تنبيه للبشر
انا فى مره لقيت اقماع موجوده بشكل مثلث ولما سالت السواق ليه كدا قالى فى تشريفه معديه !!!
انهارده الصبح لقيت عربيه لانسر 2009 داخله فى الرصيف والعجلتين مش موجودين والوش مطبق كلوا
ده حرام ده ولا حلال ؟
انا عن نفسى عارف اماكن ثلاث او اربع نزلات قبليهم رصيف بس فين الباقى الله اعلم
لو انا عارف غيرى مش عارف
اكيد محدش بايدوا يغير الفكره الزفت ديه ولو حتى بشكوى بس على الاقل ان كل واحد عارف مكان نازله قبليها رصيف
يكتبها فى الموضوع بخط كبير وربنا يستر الطريق علينا جميعا واعذرونى لو كنت طولت