اقتباس المشاركة الأصلية كتبت بواسطة momen_ivf مشاهدة المشاركة
ولكن احنا حنلاقي ان افضل الحلول ان الاثنين يدخلوا مأمنين لبعض ومحدش يخون التاني ولا يأخد ورق علي التاني لان لو خسارة الانسان اكبر من خسارة الفلوس فمفيش احسن من اننا ندخل علي بعض واحنا صافيين النية ولا نقول اكتب قائمة علشان الطلاق ولا اكتب المقدم علشان الخلع,,,, اذا كان انتوا أمنتوا لبعض علي انفسكم مش حتأمنوا بعض علي شوية كراكيب او فلوس مايصحش يا جماعة والخوض في المواضيع دي في حد ذاتة بيكون مؤلم وغير مريح وثقيل علي النفس جدا حتي ولو كانوا متفقين في الراي لاننا داخلين نتجوز مش داخلين نشوف حنعمل اية لما يحصل طلاق ولا خلع ولكن لما يحب احد الاطراف يثبت حقة ويكتبة فيضطر الطرف الاخر ان يتكلم ويثبت حقة ايضا ولا اية ؟؟؟؟
أستاذ مؤمن كلامك جميل جداً

لكن أنا أختلف معك في النقطة السابقة المقتبسة
لماذا وقت الكلام عن الحقوق نقول صدق نية وخسارة الإنسان وشوية كراكيب
كأنه محاولة لجعل الحقوق شيء هلامي مميع

المشكلة إن ربنا هيحاسبنا على الذرة
وأي كركوبة فيها كام ذرة ؟؟

الخوض في هذه المواضيع مؤلم لرجل لا يريد أن يثب حقوق على نفسه
لكن لو صادق مع نفسه هو من سيطلب كتابتها

ومسألة صادقين النية لا تنفع مع أهل العريس لو مات وجاؤا لأخذ ورث إبنهم لو لهم فيه شيء
ووقتها العريس هيكون بيتقلى تحت على الشواية وهو ميت لأنه أضاع حق زوجته

صدقني لو فعلاً زي ما حضرتك بتقول إنه داخلين بصدق نية المفروض العريس يطلب إنه يثبت كل الحقوق في القائمة

لكن الحقيقة أن تألمه عندما يطلب منه أحد ذلك هو ما يدل على كذب نيته وخيانتها ليس صدقها أبداً
فالخائن هو من يتألم من الحق