إستفسار بخصوص فيرنا أتوماتيك 2004

**أبو عمار المصرى** · 26-03-2008 09:21 AM

و إستفسار آخر يا باشا لأنه يبدو أنك من ذوى الخبرة و العالمين ببواطن الأمور فى التوكيل ...... سيارتى كانت صيانتها بالتوكيل فهل يمكن أن أطلب منهم تاريخ السيارة بالكامل منذ بدأ صيانتها و حتى الآن حيت يمكن لى أن أعرف ما يحتاج تغيير و ما لا يحتاج لكى أحافظ عليها قدر المستطاع و هل سآخذ هذه المعلومات مطبوعة أم سوفت كوبى و لك منى جزيل الشكر

**liquidator** · 26-03-2008 09:26 AM

التوكيل عنده هيستوري بكل عربيه و ايه اللي حصل فيها بالضبط و تقدر تستعلم عنها
بس أنا الحقيقه ما جربتش أطلب كوبي من المعلومات دي ... حاول و روح اسألهم و ربنا المستعان ... انت لو جبتلي رقم الشاسيه كامل ان شاء الله هايبقي سهل نعرف كل حاجه عن العربيه مش بس جنسيتها ...
أنا مش من ذوي الخبره ولا حاجه كل الحكايه اني هاوي المواضيع اللي زي دي و ليا أصحاب كتير في التوكيل ...

**أبو عمار المصرى** · 26-03-2008 09:40 AM

بس يا ترى أنت عارف فين آلاقى رقم الشاسيه بالكامل يعنى مكانه فين بالضبط على جسم السيارة

**liquidator** · 26-03-2008 09:43 AM

مش عارف الفيرنا ظروفها ايه بس مهيئلي تحت الزجاج الأمامي تحت الكبوت يعني لما تفتح الكبوت تلاقيه في وشك جوه تحت المساحات كده ... أي حد يا جماعه عنده فيرنا يقول لنا فين رقم الشاسيه ...

**أبو عمار المصرى** · 27-03-2008 12:21 PM

أنا لقيت رقم الشاسيه النهاردة الصبح فى المكان اللى قللتلى عليه بس ما كانش معايا قلم عشان كدة ياريت تنتظرن النهاردة مساءا عشان أقولك عليه و تساعدنى فى الموضو دا

**liquidator** · 27-03-2008 02:51 PM

أنا تحت أمرك و منتظرك

**أبو عمار المصرى** · 31-03-2008 09:55 AM

رقم الشاسيه هو

Aegch41rp4p000627

و آسف جدا يا باشا على التاخير و جزاك الله كل خير على المساعدة

**liquidator** · 31-03-2008 11:43 AM

هو انت متأكد ان العربيه دي هيونداي أصلا ؟ !!!
مالهاش وجود خالص عندي في قاعدة البيانات بس لو العربيه دي فعلا هيونداي فهي مش كوري اطلاقا لأن لو كوري الرقم هايبتدي بحرف K مش A و كمان الرمز الحادي عشر هايكون U مش P نسبة لمصانع هيونداي الموجوده في Ulsan في كوريا ..
هل ممكن تصورلنا العربيه ؟